وحده زوجها مايغار عليها ابد

[ملكة الاعتزاز]

السلام عليكم ورحمة الله وبركاته




زوجته طلعت معه السوق ويوم رجعوا قالت له : شفت الشباب اللي كانوا جنبنا قبل شوي ..



تراهم حطوا رقمهم بشنطتي وحنا بالزحمه ..



قال : هاذي إنتي قلتيها .. ( بالزحمه ) ...!!





إرتفع ضغطها من زوجها البارد وفكرت بخطة ثانيه تخلي زوجها يغار عليها ..



راحت لجارهم ( أبو علي ) وقالت له على موضوع زوجها وكانت تبي منه حل لمشكلتها ..



قال أبو علي : لازم يشوف رجال عندك بالبيت عشان تتحرك مشاعره ويغار عليك ..



قالت : خلاص أنت يابو علي تعال لي ..



قال : لالا .. أنا أعطيك الحل وبس ..



المهم .. قعدت تترجاه وتقنعه إنه يجيها ويكون سبب في حل المشكله ..



وافق ( أبو علي ) وجاها قبل لايطلع زوجها من الدوام ..



قامت الزوجه وحطت أبو علي بدولاب الملابس .. وبعدها بدقايق وصل الزوج للبيت ..





قالت الزوجه للزوج : أبغاك تشتري لي فستان ..



قال الزوج : فساتينك واجد .. يعني إنتي مو بحاجه تشترين ..



قالت : لا ما عندي ولا فستان ..



قال : دولابك مليان فساتين ..



قالت : لا .. مافيه فساتين .. وإذا منت مصدّق روح وتأكد بنفسك ..



راح الزوج وفتح الدولاب .. وقعد يعـدّ الفساتين :



هذا فستان .. وهذا فستان .. وهذا فستان ..



أبو علي بالله وخرّ شوي .. وهذا فستان .. وهذا فستان ....!!



ههههههههههههههههههههههههههههههههه






محبتكم ملكة الاعتزاز