ذكرى الزمان

[منور]

--------------------------------------------------------------------------------

قد تمر علينا أيام نكون فيها في قمة السعادة التي لا يشوبها النكد ، وقد يكون هناكـ العكس

ولكن عندما تمر تلك الأيام سريعة لا يتبقى لنا سوى الذكرى ،.

ترجمتها بهذه الأبيات التي أتمنى أن تصل إلى ذائقتكم ..

كما أعتذر عن أنقطاعي الفترة السابقة وأرجو أن أقدم مايبرر غيابي :

قصيدة بعنوان ( على ذكرى الزمان ):






على ذكرى الزمان اللي مضى كله فرح وسرور
تضيق بعيني الدمعه وتغـرق فـي محاجرهـا
تذكرتـه وهلـت دمعتيـن وسـدت الحنجـور
ولزمت الصمت يادنيا غريبـه فـي خبايرهـا
ألا يازين وقتٍ راح قضيتـه معـك يامستـور
على حب ووفا وإخلاص من جورة جوايرهـا
حبيبٍ في عيونه سحر وفي خده شعاع ونـور
وبشفاه العسل سبحـان ربـي كيـف سخرهـا
إلا منـي تذكـرت السـلام وبحـة الحنجـور
أعيش بقصةٍ راحت من أولهـا إلـى آخرهـا
تفرقنا وكلٍ راح فـي دربـه وهـو معـذور
وعبـر للفـراق بدمـعـةٍ زادت عبايـرهـا
بعدها ضاقت الدنيـا بعينـي يازمـان الجـور
زمن قاسي وطعناتـك علـى قلبـي تكررهـا
أعيش بكتمةٍ بالصدر وضيقة لي ثمان شهـور
كما المسجون وعيوني على الساعـة نواظرهـا
ولا ياخلي اللي راح لو دونـك ثمـان بحـور
بغيص البحر بعد البحر لو غرقـت بواخرهـا
مناي ومابقلبي بس أشوفك يالغضـي مسـرور
بعدها لـو تفرقنـا بعيـد القصـة وأذكرهـا
أنا فايز إذا مني عشقت أعشـق علـى دستـور
على وضح النقا عشقـي وأفعالـي تصورهـا
وهذي حالة الدنيا زمن قاسـي بـدون شعـور
بوجهك يرسـم البسمـه ويطعنـك بخناجرهـا




وسلامتكمـ