(( سجل حضورك في بيت شعري ))

[كلمة حق]

امشي بدربي واوجـه كثيـر وجيـه
بعض الوجيه اتعداها تعـدي مطبـه


بعض البشر ماتـدري وش مداويـه
وبعض البشر محد(ن) جهـل طبـه


بعض البشر تفتخـر انـك مخاويـه
وبعض البشر اقول عن لسانك ذبـه


بعض البشر بالقول ماودك تجاريـه
وبعض البشر قوله هو اللـي لعبـه


بعض البشر مجبـور انـك تواسيـه
وبعض البشر متواسي من اول مصبه


بعض البشر لسانه يعطيـك صافيـه
وبعض البشر مزيون. والشين بلبـه


بعض البشر دربه حقوق ومشاريـه
وبعض البشر بالقول لازم انك تنبـه


بعض البشر الزعل يبطي ما يدانيـه
وبعض البشر يبي الزعل بأيات سبه


بعض البشر اخلاقـه اللـي تعليـه
وبعض البشر من اخلاقه مـا تحبـه


الزيـن والشيـن لازم انـك تلاقيـه
الـدرر اكيـد انهـا بكـل غـبـه


الزمن شفنـا وذقنـا مـره وحاليـه
نصبر ولاضـاع مـن طـاع ربـه