يا كثر ما جيت ابمسحها ولا امسحها

[المـشتاق]

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا
ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا
من يوم حبك .. غزى القلـب وتملكنـي
قطعـت كـل العـلاقـات وطواريـهـا
اقـرى رسايلـك ودموعـي تسابقـنـي
وارد وإقرى الرسايل .. واحتفظ فيهـا
أنت آخر إنسـان هاقـي منـه يصدمنـي
والظاهـر ان هقوتـي بانـت مواريـهـا
لـو الوصايـا ليـا احتديـت تنفعنـي
يـا كثـر نـاس ٍ علـى ذودي بوصيهـا
ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا
من كثر ماكنـت جارحنـي وظالمنـي
قمت أعزل جروحـك بقلبـي واسميهـا
تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا
تدري متى تعـرف قـدري وتفقدنـي
لارخصت نفسك ,, لشخص ٍ مايراعيهـا
بكـره إليـا هملـوك النـاس تذكـرنـي
وتقول عـزاه عينـي مـن يداريهـا ؟
مدام غيـري علـى قلبـك مشاركنـــــي
وش هـو لـه اعلـق الأمـال وابنيهـا
يكفينـي انـك رحلـت ومنـت عايفنـــــي
هذا عـزا النفـس مـن كثـرة بلاويهـا
اهديتك دمـوع مـن طعنتـك تحرقنـي
وانـت اللـي تستاهـل الدنيـا ومافيهـا
واهديتني جرح موجعني وعاجبني
لــن الهـدايـا عـلـى مقدارمهديـهـا

صحيح ( حنا انتهينا ) بس صدقني
والله ان تبقى ( هوى روحـي ) وغاليهـا
مفضوح ؟ راع الهيام ونظرته تغني
ملامحه واضحه في وجـه راعيهـا
ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا
فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا
مقدر أفكر بغيرك وانت عارفنـي
عشان حاجه بقلبي مقدر أخفيهـا
اخاف لاحبنـي غيـرك وعاشرنـي
يشوف صورتـك فـي عينـي ويوحيهـا
نشدت عنك وسمعـت اللـي يفرحنـي
وارتاح صـدري مـن همـوم ٍ يحاتيهـا
تبي تعرف وش على الفرقا مصبرني
انـك بخيـر وحياتـك مهتنـي فيهـا
مـن يـوم ماغبـت والوحـده تعذبنـي
اقرى ( رسايلك ) في حرقـه وحييها
اشوف ( صورتك ) ودموعي تسابقني
وياكثـر ماجيـت أبمسحهـا وأخليهـا
مما راآق لي