&ضمنـــــــــــــــــــي حيــــــــــــــــــــل&

[مغليك بالحيل]

ليت كل القلوب اللي تحب بجنون ..

تعـرف انـا المحبـه جنـة فـي هجيـر





كل دمعه عزيزه لاجل غالي تهون ..

لاجل شوف الحبايـب كـل قاسـي يسيـر





لي حبيب أحبه والمحبه فنـون ..

كـل مااذكـر غرامـه مـن غرامـه أطيـر





ماعشقته ريـاح ولاعشقتـه سكـون ..

نسمـه داعبتنـي تمتـزج مـع عبيـر





فوحها من غرامـه تحتوينـي بهـون ..

كيـف مايحتوينـي حـب قلـب كبيـر





أن زعلت وتراخت هامتي والمتون ..

مد كفـه وطبطـب قـال لـي مايصيـر





ابتساماته محبه وارتعاشاته جفون ..

ترسـم الكـون فرحـه مـن هنـا للاخيـر





عن شتاتي بلاد وعن همومي حصون ..

صرت فارس بـلاده والأميـر الأسيـر





قلت له لاتغيب قال لي كيف أكون ..

قلت عطنـي يدينـك حـس قلـب كسيـر





خايف الحلم يفنى بين هم وظنون ..

وخايف اليـأس يحفـر قبـر حلـم صغيـر





وخايف الدمع يصحى من مهاد العيون ..

وخايف اصحى واشاهد واقعي والمصير





ضمني حيييل انا محتاج صدر حنون ..

مدري وش صار فيني بس مانـي بخيـر