!! ادخل وتعـرف وش بالموضوع !!

[خمبط]

السلام عليكم ورحمة الله وبركاته

اخباركم عسااكم طيبين:sm271:

<<< اللهم اميين

كاميرا خمبط الدولي تعود اليكم من جديد وتصور لكم احداث من مديتنا الحبيبة

وقتا ممتعا لكم

في البداية كنا في حصيمة الدولية وصورنا لكم الاحداث التالية ...



الكاميرا توجهت الى شخص قريب امام انطلاق هالسيارة

خمبط : - وش السالفة يالطيب وش فيها هالسيارة مستعجلة وشادة حيلها

قال لي .. وش فيك انت خبل ماتدري ولا تسوي نفسك غشيم

خمبـط :- لا والله يالطيب مادري وش السالفه علمني جزاك الله خير

قال لي :- مسوي نفسك اسلوب اسلوب يالرخمة

قمت اطالع فيه ومنزل حواجبي وقلت له :- اخوي معاك خمبط الدولي مصور الملتقى وهذا كاميراتي شفها وبعدين تسنع وانت تتكلم معي لا بالميكرفون على راسك

قالي :- هلا والله بربعنا اهل الملتقى تعالوا معي لايفوتكم الصناعية هناك تفحيط وجايين ناس من برى ومن بقيق والقطيف

خمبط :- تفحيط في الصناعية اييه عرفت الحين هالسيارة الي انطلقت بتروح تفحط في الصناعية صح

قالي لي :- يلعن ام الذكاء الي عليك هذا انت تفهم

خمبط :- طيب ودنا هناك

قالي لي :- اصبر بادق علي خويي يمرنا

خمبط :- وين هو بيطول ولا تعال نروح فوق موتري

قالي لي :- لا بيجيك الحين تلقاه يركب كفرات ويوزن الكربريتر بس علشان بيفلها هناك


والا هذا الي جاينا من دوار حصيمة يشل ماشاء الله عليه

قلت له .. شف هذا وخر لا يصدمنا

قال لي .. الظاهر انت توك على هالسوالف هذا خويي الي بيودينا الصناعية وتراه طارة اركب بس اركب

ركبنا مع المفحط والكاميرا الان داخل سيارة المفحط

خمبــط.. السلام عليكم

المفحط يطالع فيني بنص عين ويقول لخويه من جايبين معنا انتوا ..

رد عليه خويه وقال له هذا مصور الملتقى وش كاميراته معه بيصور التفحيط ويصورك

المفحط ... ارحب ارحب وهاذي علشانك

يوم قال هالكلمة الا انا لاصق في الباب الي جهة الثانية

خمبط .. الحين يامفحطنا العزيز وش تحس فيه وانت تفحط

المفحط .. هاذي هواية ياخمبط واحرق الروح قبل لاتروح واكتب على القلب طفااية ههههههههه

خمبط طيب قبل لاتفحط نزلني هناك علشان نصورك

المفحط ... ابشر بس لاوصيك صورني عدل علشان يقولون الناس فحييييييييط

خمبط ... طيب طيب نزلني

رحت هناك ياطويلين العمر لقيت اهل العيون كلهم هناك صغير وكبير هندي باكستاني افريقي يمني الي تبووون ولقيت ناس واجد من الاحساء وبقيق والدمام وبعضهم جاي من مشوار بس علشان يفحط او يتفرج

قلت انا في نفسي ماشاء الله التفحيط له جمهوره هنا في العيون

وفي نهاية التفحيط صار حادث وتعوروا ناس ولا اتعضوا من الي صار لهم


واخرتها تهاوشوا العيون مع الحساوية وقام واحد من العيون يعرف الحساوية لأن هو الي جايبهم وتهاوش مع ولد ديرته علشان ربعه
وفي النهاية تتطور الامور وتوصل للشرطة ويدخلون فيها الشيبان كالعاده وتنتهي بتنازل وحب خشووم

الحين من موضوعي هذا ابي اعرف التفحيط كل اسبوع في العيون بوجهة نظركم ظاهرة ايجابية ولا سلبيه
ولاحد يجي يقول لي التفحيط فيه كذا وكذا لأن الصراحة كلكم هناك ياربعنا ولا حد فيكم عارض

تشااااااااااااااااوووو
خمبط الدولي