المحترفين في حواري العيون

[عيوني صريح]

؟؟خاطرة لحواري العيون ؟؟

آه أه على ذيك الايام

ايام مايلعب كورة في العيون الا اللي يعرف يلعب كوره فقط , ايام انجبت لنا لاعبين في مدينة العيون لم ولن يمر على الكره العيونيه مثلهم مع احترامي الشديد للجيل الحالي (الجيل الناعم)
تخيل انك تشاهد مباراة وقدامك فريق الازدهار ونجوم البرازيل او الهلال والخليج او فريق البرازيل والكوكب او افرقه لها بصمات في مدينة العيون
ايام ملاعب التراب وايام تحديات رجال العيون وحماسهم في اظهار الموهبه التي يمتلكونها
ذيك الايام كان حد الناس في الكوره آذان المغرب الكورة كانت في العصر
كانت القلوب كلها (صافيه)مافيها ذرة حقد وكان الجميع يحترمون بعضهم البعض وكان نادي العيون يقدم اجمل النتائج

ماكان فيه ذيك الايام بلاي ستيشن زي ذي الايام اللي نص اللي يلعبون كورة الحين تعلموا من البلاي ستيشن واغلبهم شايف نفسه انه احسن واحد
لدرجة ان اللاعب الحين اذا سجل قول قعد يسولف فيه شهر كامل (وش يفكنا منه )

الأن في العيون للأسف( الموضه) واللبس اهم من الأداء في الملعب
والله ما اذكر ذيك الايام ان احد يعرف يلبس بدله متناسقه او طقم شورت وبدله وشرابات الله يعزكم وحذاء طقم كل شي مو مهم قد مايهم مايقدم في الملعب

الحين تعال شف طقم ب 500 ورقم ميسي او كاكا او رونالدو
وبوت الله يعزكم ب 300 وكدش والا فرقه جلس طوال الظهريه يثبت فيها ولا قذيله وربطات يد ووخر عني

والمستوى أسواء من السي
ماعندك مشكله العب وتمتع بس لا تعتقد انك من افضل اللاعبين وتقضي العصريه مهارات فقط تراك تلعب مع فريق كامل
حتى ان بعضهم الحين مافي راسه كوره ويجيك وينفخ بمعلومتين عن الهلال والنصر ولا الريال والبرشا
جيل التقليد والبلاي ستيشن فقاعة صابون في هذه الايام و بتزول

مدخل
يوجد بيننا الآن من يتمتعون بالمستوى المتميز والعطاء الممتع ولكن كثرة السيئين اخفى ابداعهم
بعكس الماضي الجميل 98 % نجوم وال 2 % سيئين

اما هالحين وبكل صراحه في جميع ملاعب العيون همهم تمريره كعب او تمريرة باص عيون

الصراحة راحه

الحين عندنا مواهب تملك فن وابداع ومستويات عاليه ولكن ذبحهم التقليد الاعمى وقتلهم الوهم اللي عايشينه انهم نجوم وصلوا القمة وهو راس ماله نادي العيون او فريق حواري

في الماضي :
الكل متميز والمبدعين يتفوقون على السيئين بنسبة كبيره جدآ جدآ

والآن في الحاضر العكس هو الصحيح ثلاثة في الفريق مبدعون والاقي اسواء من السيئين وباختصار شديد الغرور ذبحهم

في السابق كان هم الجميع لعب الكوره للأمتاع والأبداع وحصد الألقاب
في الوقت الحاضر هم الاغلبيه شوفوني تراي كويس ولابس طقم
لا وبعضهم قتله الغرور خصوصآ اذا احد ناده وقال له تعال العب معي مباراة وخر عنه تقول حاتم العيد والا ثامر الحصحوص

واتمنى ان الجميع يفهم مقصودي
لتعم الفائده للجميع