مصنع الفخار بالقارة .. منوع العاب شعبية ..عيووون الأحسآء قديماً

[المتفائلة]

تعليق آخر أخوي كلمة حق على الاألعاب الشعبية : أتذكر إنه كان في ديرتنا تلعب لعبة اسمها لعبة النقب وهي خاصة للاولاد البنات لا وهي عباره عن عصا طويلة والثانيه صغيرة يضعون حصاتين صغار بينهم مسافة يضعون العصا الصغيرة وسط المسافة ويضربها بالعصا الطويلة بعدين يبدا يحسب المسافة من أول الحصاتين إلى ماوصلت لها العصا الصغيرة باستخدام العصا الطويلة وبعدين يضرب مرة ثانيه اللين يضرب احدى الحصاتين (( ماكنت أحب هذاي اللعلبه لان بعضهم اذا ضرب العصا الصغيره تخاف تصقع راسك :sm138: وياما حصلت ويقال والله أعلم أن هذاي اللعبة تسببت في خلاف بين ديرتين ... ماعندهم سالفه )) ...

ولعبة ثانيه كنا نلعبها كثييير مررره وهي للبنات وأحيان يدخل فيها الاولاد ياحبهم للفضول وهي عبارة عن فريقين الفريق الاول ينشد والثاني يرد عليه وتقول على ما أتذكر (( صبحكم بالخير ياعمال العماليه .. عطونا بنتكم نحطها في الصينية ... مانعطيكم بنتنا إلا بألف وميه ... نركب على سطوحكم ونكسر أبوابكم وهذاي عروستنا :sm246:)) ويأخذون وحدة من البنات وهكذا ..

وسلامتكم وإن كان فيها شئ من الخطأ نرجو التصحيح والله يجزاك خير الجزاء أخوي كلمة حق ع اهتمامكم بالأمور اللي مثل كذا ودمت بحفظ الله ..