|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
|
|
أدوات الموضوع | إبحث في الموضوع | انواع عرض الموضوع |
08-08-2010, 03:10 AM
|
#1 | ||||
 
|
قال ابوي: ان هبتهم قول: ما هاب
  يا كثر مـا رافقـت خـلان واحبـاب ويا كثـر مـا فـي شدتـي هملونـي على كثر ما أعدهـم ستـر وحجـاب على كثـر مـا احتجتهـم واتركونـي من صارت الخوه ثمن حفنـة تـراب نفس الوجيه اللي نصوني... نسونـي من غير ذكر فروق، وعروق، وأنساب كانـوا ثلاثـة ...والثلاثـة جفونـي علمتهم وشلـون الأهـداف تنصـاب ولما سواعدهـم قـوت... صوبونـي عشاني أصغرهم عمر صاروا أحـزاب عشانـي اصدقهـم قصيـد اظلمونـي اللي نجاح اسمي زرع فيهـم أنيـاب حتى النصيحة مـا بغـوا ينصحونـي دام العطايـا عندهـم ديـن وأتعـاب والله لو أطلـب ذنبهـم مـا عطونـي طالب نصيحة، كنـي طالـب أرقـاب وهي نصيحة؟!كيـف لـو زوجونـي؟ كنت أكتب لنفسـي مشاريـه وعتـاب ولا ادري إن اللي قروني... قرونـي تضاربت من دونـي عقـول وألبـاب واجد بغوا غيري... وواجـد بغونـي أقفل هدب... تسهر على شعري أهداب كني حبسـت إرقادهـم فـي جفونـي لو شفتهم واحد... يشوفوني اسـراب مـن ويـن مالـدوا نظرهـم لقونـي أثري وجودي بينهم محرق أعصـاب ومزعل بعضهم من بعض لو طرونـي يا كبري بعينـي وأنـا تونـي شـاب واهـم كتـاب الشـعـر حاربـونـي حتى ولو يهوي على نجمـي شهـاب يكفينـي إن إسمـي كبيـر بعيونـي قال ابوي: ان هبتهم قول: ما هاب لو يقدرونـك قـول: مـا تقدرونـي مادام قبـري محتضـن راس مرقـاب علـى كثـر مـا تقـدرون ادفنونـي لو ماني بذيب إنهشت عظمـي ذيـاب لو ما عرفت اثبـت وجـودي لغونـي لو ما سكنت وجيههـم مـت بغيـاب لو ما قدرت أمحـي ورقهـم محونـي أصبحت الأصعب لأنهم كانوا اصعـاب جننتـهـم مـثـل مــا جننـونـي ماجيت أبدبل كبدهـم شعـر وخطـاب ليـن أدبلـوا كبـد الـذي خلفونـي يا ويل وجهـي كـن للدمـع مخـلاب ما جف ماه ولا استحى مـن طعونـي كل ما طرالـي منظرمريـب وأرتـاب كان الوحيـد اللـي يحـرك شجونـي قبلة صلاة،وذكر، وخشـوع، وكتـاب وأمي علـى سجـادة النـور دونـي تدعي لي الله يفتـح بوجهـي أبـواب تتوسلـه بالشـده يـكـون عـونـي من كثـر مـا خفاقهـا بالدعـاء ذاب صارت تحس إن زمـلاي اكرهونـي بشرتها: يمه معـي ربـع وأصحـاب مانـي لحالـي واجـد اللـي يبونـي من يوم ما حاز قلمـي كـل الالقـاب قلطتهـم فـي دفتـري واحفظـونـي الله وهبنيهـم بنـي عـم وأجـنـاب من يوم جيت اعجبتهـم واعجبونـي واعجابهم فيني ما هو بأيـه اعجـاب باسلوبي، بشرحي، بطرحـي، بلونـي لوقلت عن نفسي( بشر)..صرت كذاب لو قلت : ( دمي من ذهب) صدقونـي لو بكيفهم كان ازرعوا دربي أعشـاب لوبيـدهـم يتشبـهـون اشبهـونـي من كثر ما صاروا من طبوعي اقـراب حتـى بلبسـة شمغـهـم قلـدونـي واجد دعوني واغلقوا دونـي البـاب واكثار ناس أبكـي لهـم مـا بكونـي لوطالـوا لهدمـي مناسيـب وأطنـاب كان وربي مـن زمـان اهدمونـي مدام حطـوا فينـي عيـوب وسبـاب جنبـت عنهـم مـثـل ماجنبـونـي أصلا لـو أن بخوتـي شـي ينعـاب ذبحـت نفسـي قـبـل لايذبحـونـي أنا يدي لـو ماكسـت متنـي ثيـاب نذر ٍ على لقطع يـدي مـن متونـي موعيب أجي مدعو ولا أشوف ترحاب العيب لـو إنـي رجعـت إن دعونـي مادمت اجي ولا يحسبون لى حسـاب حرمـت اروح اذا يبونـي يجـونـي (راقت لي كثيــر بتصرف كلمات من ذهب) |
||||
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فوائد لا تخطر على بالك, ضعها في جوالك | اثيرالعيون | ~ نـــفــحــــَآتٌ إِيــم ــَــآنــيــة | 2 | 04-10-2009 04:49 PM |
| الملك عبدالله يدعوكم الآن | احمد السبيعي | ملتقى مجتمع العيون | 7 | 11-30-2008 12:19 AM |
| نصائح اسلامية | لحظة وفا | ~ نـــفــحــــَآتٌ إِيــم ــَــآنــيــة | 1 | 07-26-2008 09:14 AM |
| البرنامج اليومي للصائمين ، لربة المنزل ، للحائض في رمضان | أبومرحب | الـمــلـــتـــقــى الـــعـــام | 1 | 09-17-2006 02:39 PM |
| افحـص إسـلامك مجّانا | عابر سبيل | الـمــلـــتـــقــى الـــعـــام | 8 | 02-15-2006 10:11 AM |
العرض الشجري