أثاريكم تتعبون يالحريم

[أبو طلال]

اليوم قررت أني ما أجيب عامل ينظف لي الشقة

شمرت عن ساعدي
وهاتك ياتنظيف

المطبخ والغرفتين والصالة والمجلس والحمامين

قلت خلني أبدأ في المطبخ كلها ساعة وأنتقل لباقي البيت

بديت تنظيف المطبخ بعد صلاة العصر

والحين الساعة وحدة وخمس وعشرين دقيقة

توني مخلص من تنظيف المطبخ بالكامل

الأرضية والجدران والصحون والفرن والدولاب والثلاجة وكل شي صار تمام التمام

بس حالتي يرثى لها

كم مرة بغيت أوقف من الشغل وأتصل على العامل يجي
بس كل مابغيت أتصل أتذكر الحريم وأنقهر وأكمل

قهري هو كيف الحرمة تشتغل يوميا ولا كأن شي سوت
أقصد مايبين عليها أنها تعبت من الشغل
أو يمكن يبين بس إحنا ماننتبه وماناخذ بالنا من هالشي

اليوم أقر وأعترف أن شغل البيت تعب في تعب في تعب
هذا وبس المطبخ اللي سويته بكرة بكمل