مضحكه و محرجه للحريم

[اميرة الشيوخ]

سالفه احد من صديقاتي

هذا يوم ملكت
كان جواله وجوال أبوه الرديف وأرسل لي رساله ف بعد مده كذا
قلت أبي أرسل له وخزنت الرقم بيدي حفظته وخزنته
وأرسل رساله طويله وخطييييييييييييييييييره كلها حب بحب ورمانسيه
وشوي الا اخته تتصل قالت أنتي لييييييييييييييش مرسله لأبوي
وأنا هاه من قال قالت انتي أرسلتي لأبويرقم خطيبك 050 مو 055
عاد أبوه مايعرف يقرا فالي قروها عياله وكلهم كبار
وأنا خلااااااااااص مدري أذبح عمري أبكي أضحك
طلع الحب من عيوني صرت مثل هذا





أنا ياطويلات العمر موقفي صار قبل ماتزوج عاد انتم تعرفون العروس وحوستها المهم كنت بروح السوق اشتري مكياج
وبعد صلاة العصر قعد أخوي يصارخ يقول يالله بسرعه وقامت أمي معاه تسانده وقعدت تهاوشني تقول انك عله ماتخلصين وووووو
عاد أنا ماشوف قدامي وأروح ألبس عبايه مدري من وين طلعتها الى الآن قاعده أفكر من وين جبتها المهم هذي العبايه الله يستر علينا مقطعه وحالتها حاله لبستها وأروح أرز وجهي في محل وجوه عاد تعرفون محل وجوه أنييييييييييق واللي فيه واحد أنظف من الثاني المهم شفت واحد قاعد يتبوسم ويضحك قمت أقول لأختي والله انه قليل حيا قاعد يعاكس(واثقه من نفسي)ويوم أنتبه الا العبايه ماشاء الله تلق من النظافه واللي زاد الطين بله انو طالع لي زي القرن العبايه مقطوعه وأجي أقول لأختتي بدخل القرن ورى أذني وأنا غبيه كيف أدخله ولابسه طرحه وغطا وألاخ كان يضحك من شكلي ويوم طلعنا كان لاحقنا ومعاه واحد وقاعد يأشر عليه ويظحكون ضحك هستيري وأنا تعالوا دوروني في عبايتي المقطعه لا وبعد قاعده اتفلسف يعني اني أعرف في الماركات والله اني اذا تذكرت أحس اني ودي أبكي





والله مت من الضحك على مواقفكم بجد تموت ضحك الله يسعدكم دنياء واخره
انا الاسبوع الفايت رحت مع اختي للسوق وندخل المحل وابي اسئل عن سعر قماش وكان المحل زحمه وابي اقول يامحمد بكم القماش الا اقول ياحمودي هذا بكم عشان ولدي مااناديه الاحمودي وتعالي شوفي شكلي اختي طلعت من المحل ميته ضحك وانا طاح وجهي ومت ضحك وطلعت واختي هذي اذا ضحكت ماتسكت وامسك نفسي من الضحك واسوي فيها عاقله قلت لها خلاص كفايه عيب بس انا وانتي في السوق ونضحك لو يشوفنا احد يقول وش هاالمسفه وادخل المحل الثاني وانادي صاحب المحل ينزل لي بلوزه قلت تعال ياحمودي نزل لي هالقطعه لحووووووول من جد بلوه
انا خلاص قلت رجعنا للبيت واختي وش يسكتها هالمره



موقفي مرة ضايع جوالي وقلبت البيت ادورة ولقيته على الطاولة لكن وقتها مدري وين كان عقلي اخذته ادق على رقمي!!!!!! شفتوا تناحه زي كذا ؟؟؟؟؟؟
لا ومستغربة ليش يعطيني مشغوووول ؟ اقول اكيد احد اخذه والا مسوي مقلب!!!!
بس ابشركم ماطولت التنااااحه بعد ثاني محاولة استوعبت وطبعا ما علمت احد



الله يسعدكم موتوني ضحك انا موقفي يفشل مره رحت اعزي ناس معارفنا

ابوهم متوفي وماني متعوده اروح عزا اصلا اخاف اذا شفت الناس تصيح

وينربط لساني المهم دخلت وعزيتهم وانا مرتبكه وجلست جنب بنتهم

الكبيره كانت تبكي وانا اواسيهاوقعدت مسكينه تتكلم عن ابوها وانه كان

طيب ويدلعهم ومايخلي بنفسهم حاجه مايجيبها وانا زي الهبلا اقول الله

يخليه لكم الله لايحرمكم منه الله يطول بعمره اول مره عدتها لي وبعدين

تنحت وقعدت تطالع فيني هي وامها واللي حولي وانا صار وجهي الوان

احمر على بني على بنفسجي كل الألوان طلعت بوجهي وحسيت اني

قاعده بفرن من زود الاحراج وانكتمت لآخر الجلسه ماتنفست ودي الأرض تنشق وتبلعني .

هههههههههه ههههههههه هههههههههه



تحيااااااااااااااااااتي