♥لبَّــا وجهـه ♥ لبَّـا وجهـه / والهموم اللي تدينه 乀

[عَذْبَھْہّ]

،

،

ما عجبنـي من الرجـال الاّ (أبـوي) وشـوف عينـه..
وما تحرويت اصدف الليّ هـو ينّـده بالرجولـه

لني أدري مـا أنوجـد منهـو يضاهيـه أبوزينـه
وما تلام البنت [ فيها ] موعشان انها مقولـه ..!

بنـت مالـي غيـر عـزّه / والسبـات براحتينـه
بنت مالي غيـر راسـه / وآتعّلـل فـي علوْلـه

انكسر له / واتخضّـع (حيـن لآن / أو عـزْ ليْنـه
ما تفظلت أبخضوعي وما قدرت أجـزي فضولـه

كلما ضاقت وسيعه / قمت اردد :بـس وينـه ؟
وكلما تآسع بعينـي / شفتهـا تنقـص شمولـه

أن ضحك شفت الخلايق كلبوهـا لـه /رهينـه
وأن ضحكت إيزين حاله / كـن هالعالـم ينولـه

كم تنقّضني جروحي / وابكـي بصمـت وغبينـه
وان دنيت اكشف دموعي / خفت لآ أزوّد حموله

موتي ان عكّـرت جـوّه / أو توّجسنـي حزينـه
أستر اوجاعي وادآري لا أصّحي بـه فضولـه

لأ قصَرَتْ حاجه / قدَرْهَـا لـو تسلفهـا ثمينـه
جابها لي / جابها لـي بـس مـا يجـرح طفولـه

لبّا وجهه ، لبّـا وجهـه / والهمـوم الـي تدينـه
جعلها تقصد كنيني / قبـل مـا تنـوي تطولـه

والله ان قلبي ضعيف / وما قـوى يكشـف كنينـه
والله ان دمعي أيتكّسر لو ذكرت (أصغـر) فعولـه

والله ان الصوت ميّـت مـا طلـق باقـي ونينـه
والله ان الصمت اوفى من شعورٍ هبـت قولـه !

اختم القـول بنصيحـه [ مـن تـدارك والدينـه
يلزم بعمره رضاهـم قبـل لا موتـه يحولـه ]

لا تضيّـع بـاب جنـه واطلـب الله واستعينـه
وأرفق بقلـبٍ دعى لك [ جعلها ايامك سهوله ]