في آلعيون,,الطآلبآت وقحآت ,,وآلمعلمآت مستفزآت,,والمديرآت ضعيفآت !!

[فخر%سبيع]

آلسلام عليكم ورحمة الله وبركآته

طبعآ بعد آلتفآعل الحلو اللي بموضوعي آلأول تشجعت أكتب موضوع ثآني

يمكن البعض بيقول أني جآيه بس أنتقد شبآبنآ وبنآتنآ لا والله أنآ هنآ أنقل الوآقع للكل عشآن ننتبه =لعل وعسى الحال يتغير

الموضوع وآضح من عنوآنه

عن حال طالبات العيون ومعلماتهم ومديرآتهم

بتكلم باللي شفته ماراح ازيد شي من عندي

بنآتنآ للأسف صارو مره وقحات هالكلمه هي اللي تناسب حالهم بتقولون على اي اساس قلتي

على اللي شفته

بنت تجلس تطقطق بالعلك والمعلمه تشرح ولا كلمتها تجلس تستفزها بالكلام وتخلي البنات يضحكون

واذا اطردتها قالت احسن الله وشرحك عاد وتطلع تكمل دشارتها!!


بنت ثآنيه مسويه نفسها وخر عني بالمعنى الأصح بويه تفرض شخصيتها على الكل حتى المديره لدرجه اذا احد اشتكى عليها صارت المشتكيه غلطانه والبويه مظلومه!!

بنت ثالثه ذابحتنا بعيلتها ومستواها وان احد كلمها هيه انا بنت فلان ماعاش من يصرخ علي =لاوالله حلفي!!


وبنت رابعه وخامسه وعاشره!!!


البنات خلو المدرسه مهزله رحو الفصول بس شوفو الشخابيط على الجدران وربي مسخره

ياشعر ياايميل يابن ياسب ولعن بفلانه وعلانه مسخره

والمديره شاطره لاسمعت موجهه بتجي تشوفها هالسبوع تقلب المدرسه لأسبوع نظافه ويقومون يحطون لوح وصور وحاله وبس تروح الموجهه بالطقاق باللي راح يصير وراها!!


بنات جايين للعب بس اعمارهم تجاوزت 23 و24 مايجون الا للمشاكل بس

وبنات معروفات ان عوايلهم رايحه فيها اعوذ بالله فتجلس تسوي لها حركات بطاله واذا اشتكيتي صرتي الغلطانه!!

مره بنت راحت اشتكت لان فيه بنت جايبه جوال وفيه كاميرا وهذي البنت الله يستر عليها سمعتها بالأرض

راحو للمديره خافو على نفسهم وعلى البنات والمديره بكل برود حولتهم للوكيله والوكيله تقول مو فاضيه انا رحو للمديره

وراحو لها تعرفون وش تقول؟؟؟

انتو لاتروحون يمها ومايجيكم شي

ماقول غير حسبي على من حطك مديره هذي اعراض بنات بذمتك كيف تستهينين فيها؟؟؟؟

لو بنتك بالمددرسه اتحدى تسكتين!!!!

وغير البنات اللي يدخنون وربي كذا مره نشوف زقاير برا !!

والجوالات والأيباد صارت تدخل المدارس بشكل عادي لانهم عارفين ان المدرسه اخرطي وان صادوهم عطوهم تعهد وبس!!

وغير البنات اللي مسوين ازعاج ومشاكل بالمدرسه كذا معلمه وطالبه يشتكون منهم والمديره عجزانه لاترفع ملفها لرئاسه!!

وربي مهزله مدارسنا خاصه هالمدرسه ما ابي اقول اسمها دمار

وربي وقت الفسحه هذي بعيني شفتها نتمشى وفيه فتحات صغيره تحت بالجدران عشان اذا نزل المطر

ماشفنا الا وحده تقرب من هالفتحه وتاخذ من يد ولد ببسي ووجبه انا وصديقاتي انصرعنا والبنت ولا هامها تمشي ببتسامه !!

وربي الحال مره يحزن

والمعلمات لاحول لهم ولاقوه بعضهم مكروهات من البنات كافه لأنهم شخصيه لأن عارفين الطيب مع هالبنات ماينفع!!

فيه معلمات طيبات للأسف البنات لاعنات خيرهم لدرجه يستهزؤن بشكالهم مع انهم مايقصرون لابشرح ولا التأشير وللأسف البنات يتقوون عليهم!!

والحين بعد ماتخرجت صار لي سنتين سئلت اختي كيف الوضع قالت ادمر من قبل!!

انا درست سنه بالعيون ابتدائي وكملت الباقي برا

وربي سمعت طالبات ومدارس العيون بالحضيض!!

بس كنت اقول شكلهم مبالغين

ويوم رجعت ادرس ثالث متوسط هنا شفت العجب بعيني مو مصدقه بعدها خلاص تعودت على هالحال اللي يوجع القلب وربي

حتى قابلت مديره متقاعده ببيت جدتي قالت تعرفين ان مدارس العيون قبل كانت ماتاخذ الا المراكز الأولى على المنطقه

ماصدقت تقولها بقهر والحين حتى المراكز الأخيره نحلم فيها تقول فرق بين طالبات قبل والحين!!

ياترى وش السبب بنظركم؟؟؟؟؟؟؟؟؟؟؟


همسه(معليش يمكن نقولون بالغت لا والله فيه اشياء العن من كذا ماقلتها وسألو بناتكم اذا مو مصدقين وانا هنا ما اعمم بالعكس فيه بنات عيونيات تفتخر فيهم وتاج على الراس)