ماللقدر والصح

[سعود العواد]

ما للقدر و الصح

ماللقدر والصح جابه ولا راس
و لا صدوق القول يعلا جوابه

السوق سوق الكذب من غير مقياس
مرفوع من جاله ومنهو سعى به

اليوم غير الامس عند اغلب الناس
عندك نجي ولا وسامك ذهابه

حنا مع الدنيا نجري و ننحاس
او لا قل ملا لسيل نردم سرابه

لو هو قريبك لا تخليه لك ساس
ما ينفعك يوم اللزم والا حابه

ياكثر اصحابك على القيل جلاس
أكاله ألحوم البشر في غيابه

عطني وتسديدك على بنك الأفلاس
و الا هذاك الشرع مفتوح بابه

اليوم لا تبني ولا تحفر الساس
ولا تخاوي بالتحايل أزهابه

ترك الردى من أول الدرب نوماس
لو هو محدر من نسايل صحابه

الطيب ماهو في سواليف نواس
ولا على غيبه تجي المهابه

الطيب طيب السمت لا هد قرناس
يشفيك لا شبت وقايد حرابه

والا الحزاوي للردى أسفل الناس
اللي على عكس الشريعه جنابه

يبي يكحل مانقصه في الحق داس
أفلس من هذا و هذا غدابه

عاداتنا ولت مع احروف قرطاس
ما تنفع الجايع احروف العصابه

ياويل من يدخل بحر هوت ما قاس
يغرق في بحر يابس ما هقابه

الوقت يجري واكثر الناس نعاس
بين الجزر والمد بلل ثيابه

الشاعر/سعود بن احمد العواد

حياة الروح معجب بهذا