مرثيه خادم الحرمين الشريفين الملك عبدالله بن عبدالعزيز ..رحمه الله

[سعود العواد]

مرثيه خادم الحرمين الشريفين الملك عبدالله بن عبدالعزيز آل سعود..رحمه الله

مامت ياشيخ وأسمك بالحشا مرسوم
رسمت أسمك وشيدته وباقي فارس الفرسان

ملكت اقلوب الأمه بعدلك تنصر المظلوم
جمعت الناس بالكلمه ودين الله لها عنوان

رحمك الله ياخادم بيتينه والهدف معلوم
يبي الآجر لا غيره ابفعله خادم الإنسان

مع الاصحاب يالقايد في روضه جالس مخدوم
بنات الحور من حولك عطاك الواحد الديان

غرست الحب في شعبك وحبك عالم المزعوم
إلى الفردوس ياالحاني إلى الكوثر إلى الريان

جعلت الخير منهاجك وقصدك للملا مفهوم
صلاه وصوم والطاعات تكمل باقي الأركان

بنيت أمجاد بأخلاقك فضايل واحد قيوم
بنيه خالصه لله دلايل قوة الإيمان

شواهدها حرم طيبه ومكه حفظها ملزوم
بذلت الجهد والمجهود وعلمك للوفاء برهان

أعزي اسره آل سعود في قايدنا كبير القوم
عساه بالجنه يخلد اسأل الرحمان

عدد اعماله الجمه عددها والعدد بالكوم
ابو ىمتعب مشاريعه كثيره تعمي العدوان

رحل رجل السلام امقرب الحاكم من المحكوم
يحب الشعب من قلبه لانه بالحكم ميزان

ابو عبدالعزيز آمن ابلاده من عبث مرجوم
كتاب الله دستوره وهذا مصحف القرآن

وهذي المملكه تمشي ثوابت مامضى واليوم
ابو تركي ومن بعده على المنهاج حكم سلمان

ابو سلطان بايعنا وهذا واجب ملزوم
علينا السمع والطاعه وشرع الله لنا برهان

حبيبنا خادم البيتين حبيبنا اول واليوم
ابو محمد تراه يمنى كريم ومكرم الجيران

ايه والله امدح وامدح سيف الوغى المسموم
وهذي خصله العادل تذكر من بعيد ازمان

حكيم الرأي واشواره سوالفها كبير القوم
يعجبك لا فعل فعله بذكره يخفي الشيطان

وترى مقرن امير واعي عداله ماظلم مظلوم
اسد في الهده يبيد ابسيفه العدوان

ولي للعهد مقرن يجابه الخطر ويروم
يفر الضد من وجهه اذا ثاور تقول بركان

فعل فعله ابو تركي ابوه الفارس الزيزوم
عدوه ما هنا نومه يفكر بايت سهران

وابو نايف ماقصر محمد بالوفاء معلوم
شديد الباس والهمه يعجبك لا دخل ميدان

ولد نايف محمد في الحرايب يلطم المزموم
يذيق المر عدوانه وهذي سطوت السلطان

ختمت أبيات ماقلته بذكر الله دوام الدوم
ترى ذكر الولي يحفظ ويبعد خطوة الشيطان

الشاعر/سعود بن احمد العواد

حياة الروح معجب بهذا