ما قيل في الملك عبدالعزيز. رحمه الله من بعض شعراء العيون

[حسين السهلي]

ماقيل في جلالة الملك عبدالعزيز بن عبدالرحمن بن فيصل آل سعود رحمه الله
من شعراء مدينة العيون الذين عاصرو جلالة المغفور له

يقول الشاعر عبدالعزيز بن احمد الزيد
/الكويتي/ احد الرجال الذين عاصرو الملك عبدالعزيز المتوفا عام 1378هـ رحمه الله

حي البشير اللي لفانا بالخبر
ويبشر الاسلام في عز الامام
فرحوا به اخيار البدو واهل المدر
واللي مريض القلب في زايد غمام

ويقول الشاعر جلوي بن عبدالله المهنا
احد الرجال الذين عاصرو الملك عبدالعزيز المتوفا 1368هـ رحمه الله

ياالله اليوم يا علام الاسرارا

يارفيع الجلال و عالمٍ كافي
يامجيب الدعاء في سر وجهارا
تسمع اللي دعاك ومد الاكفافي
عز سلطان نجدٍ حزب الاشوارا
حاكمٍ لا بداله راي عرافي
ناصرٍ بيرقه ربه با لاقدارا
ما التقى من حريبٍ ذل وختافي
وافق العز لخو نوره اليا سارا
لا قصد دار ماجاله بهم كافي
دولة ما يوقي دونها جدارا
مثل سيلٍ جذوب الجال زفافي
حاكمٍ حايطٍ حكمه با لاقدارا
ماذكر حاكمٍ مثله با الاوصافي
في قفا بيرقه غادى له اسفارا
مثل برقٍ حقوقٍ ناض كشافي
ضم عبدالعزيز الناس بستارا
جعل عمره يطول وعزه الوافي

ويقول الشاعر صالح بن عبدالله العطيش
احد الرجال الذين عاصرو الملك عبدالعزيز المتوفا عام 1391هـ رحمه الله

مرحبا ياشيخنا اللي من القبله حدر
شيخ نجدٍ عزه الله يمام المسلمين
رزت انشور النواميس يوم انه حضر
حاكم الاسلام هيبة قلوب الكافرين
والده ارث له السيف صرام الظهر
صيرميٍ يقطع ارقاب روس العاصيين

ويقول الشاعر علي ابن ثنيان الثنيان
احد الرجال الذين عاصرو الملك عبدالعزيز المتوفا عام 1395هـ

نشري الصمع و الريفل نخليها
جمعنا لا مشت دوله اسواريه
يحسبون البلد حنا نخليها
دونها لا بتي يوم العكيليه
حايم الموت يدرج في محاجيها
بالدقاسن و معها خلط ميريه
العدو بالحكايا ما صدق فيها
بار حظه من الله واخلف النيه
الملك لا حضر حامي بلاويها
من حرب لا بته عينه شقاويه

ويقول الشاعر سعود بن عبدالعزيز الزيد
/الكويتي/ احد الرجال الذين عاصرو الملك عبدالعزيز المتوفا عام1413هـ رحمه الله

وجاك ابو تركي وقيمانه جميع
شيخنا اللي لعزم رايه رفيع
من عصى غيره فله لازم يطيع
عادة القاسي يلينه الامام
ويقول
آل سعود اهم العوالي
من عصر اول وتالي
لا ومعزوز الجلالي
ما نشوف الهم قرين
كلهم ندر حرارا
الكبار و الصغارا
ل التقت قحص المهارا
وردوا حد السنين



ويقول الشاعر حمد بن عثمان الكبيسي المتوفا احد الرجال الذين عاصرو الملك عبدالعزيز المتوفا عام١٤٠٦هـ رحمه الله

عبدالعزيز اللي حمى الاوطان بر وبحر
امن اهل الديره ابحد السيف واهل البحور
ليث الجزيره صانها بالسيف ويا الفكر
سيس قواعدها وراح الشر منها دبور
من لابةٍ يوم الملاقا ماتهاب الخطر
لابة هل العوجا شبوب الحرب للشعب سور
وسلامتكم
جمع وإعداد
اخوكم حسين سالم المحيميدي السهلي

دمع! ,الجار معجبون بهذا