~~~ الأح ـــزآآن ~~~

[شَ ـآعُ ـٌر ٍ مُـً ِش‘ـًآعٌ َـْر ِ]

السلام عليكم ..

ممكن وضعتها هنا او لا والله ما اذكر

بس المهم اني عدلت فيها اشوي وياليت تعجبكم .. :sm88:


.........................





على جال الرصيف الي يودي للهلاك احيان .. طلبني الموت يقول اسمي يجر بعالي حنجوره

رفع بي صوته القاسي وكسر طبلة الاذان .. نوى فيني كفن وعظام وناس بموتي مسروره

تركته ماعطيته بال وجاني بالغنا الحان .. يجيني من ورى ظهري يمشيني على شوره

احس اني بديت اغرق واعاني وسط طوفان .. تجيني سكرة الموتى يحسسني بآخر اشعوره

الين اني قنعت اني على هالحال والنكران .. عرفت اني مجرد هيكل ٍ واضح فيني كسوره

تبعت الهم يجر الهم مع همي مع الي كان .. يجرجر فيني كمومي يكسر فيني الصوره

طواري الموت والاموات يهددني مع النسيان .. اخاف اموت وكتلة ذنب بقلبي ماهي مغفوره

رجيتك كان مع الي كان هذا كان مع الكتمان .. واشوف اسرار في يد الغير اشوف اليوم منثوره

مع همي مع غمي مع بحري مع القبطان .. سفينة موج تطوي الموج وموجه باخر بحوره

عزا قلبي عزا روحي عزاي انا الانسان .. صدق انسان؟ او بقايا انسان سنينه حيل مهدوره

هدير الشعر والاوهام نزف داخلي بادمان .. احس الدم وسط الحرف ينزف باخر سطوره

غريبه ؟ فكري المجنون قصيدي داخله بجنان .. كيف اكتب وهذا الحال عطب فكري منظوره

شفتوا شاعر ٍ يجمع في افكاره وهم واحزان؟ .. شفتوا من بغى الفكره بنكهة حزن مبهوره؟

شفتوا من صرخ قلبه بتالي الليل وسط وديان ؟ .. رجع صوته يلم الحزن ويكفكف دمعه مهدوره؟

ماعاد الفرح في ذاتي يلون بالضحك الوان .. ماعادت لحظة الفرحه وسط دنياي مذكوره

تهز الاه مداخل مسمعي وتتكّسر الجدران .. واحس الآه هي الراحه تجدد فيني الدوره

اروح بحور واحس فيني شغف بران .. اروح البر واشوف رمال تحركني ومعذوره !

اشوف اسماي غطا دافي وانا وقتها بردان .. تحتي الارض لي فراشي وقمرة تضوي بنوره

بيوتي عدها عشرين واخر بيت هو الميدان .. هو الي يشرح لفكرك وش معنى سر فزوره

مناي اصحى واشوف اني صدق انا انسان .. مناي اشوف ثوب ابيض تشّبك ايدي زروره

.........
:sm125:
سلامتكم ..

[Danger.9]

صح الله السانك وفالك البيرق

[ناصر الثنيان]

أخِي مُخَاوِي هَمِّهِ،كَعَادَتِكَ تُتْحِفُنَا بِأرْوَعِ قَصَائِدِكَ .




شُكْراً عَلَى تَوَاصُلِكَ الشِّعْرِيِّ.




تَقَبَّلْ تَحِيَّاتِي.

[شَ ـآعُ ـٌر ٍ مُـً ِش‘ـًآعٌ َـْر ِ]

هجو

صح بدنك وفالك الجنه يارب ..

[شَ ـآعُ ـٌر ٍ مُـً ِش‘ـًآعٌ َـْر ِ]

استاذ ناصر

الله يخليك ويعطيك الف عافيه يالغالي ..

تسلم على ردك .

[عديل الروح]

صح السآنك يالغالي

وتسلم ايديك على الكلآمآت الحلووة

لاهنت يآشعرنآ

,,

[لـــمـــ سة حــــ نان]

يعطيك العافيه

[شَ ـآعُ ـٌر ٍ مُـً ِش‘ـًآعٌ َـْر ِ]

صح بدنكم ويعطيكم العافيه ع المرور ..