(( سجل حضورك في بيت شعري ))

[كلمة حق]

هيه ياللي تعاند لا تزيد العناد = لو قوى فيك باسك لآن صلب الحديد
دامني جيت لك عاني من أقصى البلاد=خلنا نبتدئ مع بعضنا يالغلا من جديد
دفتر الماضي إنسه لو حروفه سواد=هاك عمري فديتك واطلب اللي تريد
كل ماجيت ابسلا عنك وقت الرقاد=صورتك في خيالي وقت نومي تزيد
دام صورة خيالك تحفظه بنفراد = ماحوت غير شخص ٍ في طبوعه فريد
داري إنه رمتني بالرماح الحداد=وفوق ذا ياعيني قلت:هل من مزيد؟؟
دربك اللي مشيته عنه مامن حياد = لا تغير بدربك لو بدا لك جديد
دون دربي جيوش محمله بالعتاد=كيف أقابل حشود القوم وأنا وحيد؟؟
ديرة ٍ به سكن صاحبك جيشه يباد = لو وقف في طريقك جيشهم ما يفيد
درس الأيام قاسي ياغاليه وكاد=ومن تناسى دروس الوقت: هذا بليد
درس الايام لو ينسى لزوم ٍ يعاد = بس درس المشاعر مالقينا معيد
دوك سرج الفرس فوق الذلول الشداد=وإبد بالهيجنه تكفى وهات النشيد
دلني يانور عيني على سبيل الرشاد=أنت راعي حمياّ وأنت رأيك سديد
دلني للطريق اللي بصوب البلاد = وازهل اللي تبي ياتيك عبر البريد