مساجله شعريه في تحدي الشقرديه

[ℓα∂y ℓανєи∂єя]

هيه...!

هيه...!

هيه...!

هيه ... وين الناااااس...؟!

خلك معي ... من خذا عقلك ...؟!



هيه...!! وين الناس...؟! أنا جالس معاك

........من خـــذا عقلك...؟! عسى ماهــوب ثاني

شايفـــك منتب معي...!! مدري وراك...؟!

........لاتســـج بعيــــد تفـــــداك الغــــواني ...!!

لـــو وصفــــت إش كثر أحبك من غــلاك

........كان زعلـــوا منــــي الظـــاهــر إخـــواني

ولـــو وصفــــت إش كثر يسعدني هـواك

........كان يضحـــك مـن كـثــر وصفـــي زماني

إيـه أحبــك...وأعشقــــك...وأمشـي وراك

........ومنـك أعـانــــي...وأتشـــرف يوم أعاني

وأتسبب بالـــزعــل ... وأطلــب رضـــاك

........وأحلـــى لحظــــاتي إذا تشـــرب حنـانــي

ياحـــــلاتك يـوم تزعـــل...وش حـــــلاك

........وأعتــذر لك ثـم ترضــــى فـــي ثوانـــــي

ماعشـــق بالأرض من يعشــــق ســـواك

........ولاانعشـــق من حــــط غيري في مكــاني

قـــم نسافـر ... مــاهنا غير الهــــلاك ...!

........خـــايفٍ ياطــــاك شـــيءٍ قـــد وطـــــاني

الجمـــــــال اللــــي مثـل ثـوبك كســـــاك

........زاد حســــــاد البهــــى غــل وهـــــــواني

خـــل حســـــــاد الهــــــوى تتبـــع ثـراك

........وإن حـــكوا بك قــل لهــم ربي عطــــاني