(( سجل حضورك في بيت شعري ))

[كلمة حق]

كتمت الـ آهـ لا تطلع ولا ودي تشوفيني
ما ودي يتعبك نـوحي ولا تشقيك شهـقاتي

تجرعت الألم يمّه .. شربته بـ أول سنيني
وجـيتك ما بغيت أنك تحسّي مر لـوعــاتي

اضّحـك هم دمعاتي وأطمّـن خوف يحـويـني
وأجر بـ صوتي العالي لأجل عينيك ضحكاتي

وإذا صديت عن وجهك اسلم أمري لـ عيني
تجـيـني مثل جــلادٍ يـروق أن شاف دمعـاتي

اجـمّـلها بـ ذكـر الله وأقول الله بـ يـجـزيـني
أهـدّي نفسي .. أطلبها تجـمّـلها بـ بسمـاتي

أنا هـلـكــان يا يمّه .. أنا تـعـبــان ضمّيـني
انا كل ليـله اتـوّفى وأرد أحـيا لـ صرعـاتي

ذبحني البـرد يا يمّه .. بغـيـتـك لو تـدفـيـني
طـلبتك انزعي بردٍ سكن واستوطن بـ ذاتي