(( سجل حضورك في بيت شعري ))

[كلمة حق]

اغليك دام الدم في عروقنـا يجـري
اغليك يوم القلب ينبض لك اسـراره
اغليك دام الروح فالـروح يالعـذري
اغليك دام العمـر يمشـي بمقـداره
اغليك لين الموت يجثم على صـدري
اغليك لين القلـب ماينبـض عيـاره
اغليك انا ميت تعال انت من بـدري
اغليك ودعني لـك دمـوع منهـاره
اغليك لين الناس تاضعنـي بقبـري
اغليك لين القبـر يغمرنـي غبـاره
اغليك طول الوقت لو كنت ما تـدري
اغليك طول الموت لو طال مشـواره
اغليك لين الشمس تغرب من الفجري
اغليك لين الشرق من غربي الحـاره
اغليك جعل اللي يلومننـي الجـدري
اغليك جعـل النـار للحـب تختـاره
اغليك يالغالـي ويامتلـف العمـري
اغليك ياقصة عـذاب الغلا و نـاره
لاجله عشقت الموت رحّال(ن) وعبري
اغليه يمكن موتي يلفت لي انظـاره