(( سجل حضورك في بيت شعري ))

[عَذْبَھْہّ]

سمح الله ذنوبه لي نوى بالخصام...واحسن الله ثوابه من سعى للصفاح
الاجر ما تساوى بين جمع الانام...حد مسموح واللي مانووله سماح

افتكر يابن آدم قبل يوم الزحام...عند فرز البرايا ما يفيد الصياح
اغتنم كل فرصه واجتنب للحرام...صون نفسك واحرص كيف تبدي المزاح

اعرف اللي تقوله لا يجيك الملام...قدر الناس وابعد عن دروب الشحاح
كمل اركان دينك من صلاة وصيام...واعمل الخير دامك قادر ع الكفاح

اسبق الوقت واسعي لانتشار السلام...واتلو آيات ربك وهي افظل سلاح
واذكر الله وسبح في جلوس وقيام...واذكر الخير دايم في صباح ورواح

وان شتمك (الجويهل) لا تزيد الكلام...كفّ شرّك وسامح والذي راح راح
الاجر عند ربك لي مسوّي الغمام...حافظ الحق واللي معطي الانشراح