(( سجل حضورك في بيت شعري ))

[كلمة حق]

لا تبتعد ..

خلكـ قريب
خلكـ اقرب من انفاسي لي
خلكـ مثل رمش العيون
في كل غمضة عين اشوف صورتكـ

خلكـ صوره في داخلي
صورة حنان ..
صورة دفـا ..
صوره في كل ناظري
خلكـ شتاي .. خلك دفاي
خلكـ فرحي والجفا
بس خلكـ قريب

لا تبتعد ..

خلكـ عذابي والهنا
خلكـ في قلبي ان شكيت
خلكـ اذا عيني ادمعت
خلكـ اذا قلبي سأل
واذا روحي على بعدكـ ماقوت
وعيني على شوفتكـ ولهت
خلكـ قريب ..
خلكـ بجنبي ..

لاتبتعد ..

خلكـ صباحي والفجر
في داخلي مثل الشفق
تضوي حياتي بنورها
مثل الندى .. مثل المطر
تهطل مزونكـ وتنبت في داخلي
حب وفرح ..

خلكـ مثل لليلٍ جميل
بقربه القمره والنجوم
انت وانا والسكون ..
اشوف حبكـ بعيني
اشوف اللهفه كيف تكبر
اشوف الشوق كيف يذبح
اشوف القلب كيف ينبض
اشوفكـ بجنبي..
خلكـ قريب ..

لا تبتعد ..

خلكـ نبضي واحساسي
وشوقٍ في داخلي مايوم هدا
وحبٍ بصدري يكبر ويكبر
خلكـ انت أنا
خلك بجنبي للأبد

لا تبتعد ..

خلكـ قريب
اقرب من قلبي لي

لاتبتعد ..

خلكـ معي للأبد