تعرفون ليش الرجل ما يمسك يد زوجته ‎؟؟

[حربيه قمر]

1/وهم اصدقاء:

أنت ليش ما تمسك إيدي وإحنا نمشي في الشارع؟ '
'‏لا شلون...تخيلي أ حد من اهلك شافنا؟ والا حد من أخوانك خطف علينا؟
ان‏شاء الله يا حبيبتي بكرة ننخطب وامسك إيديك قدام الدنيا كلها..



مخطوبين

'أنت ليش ما تمسك إيدي وإحنا نمشي في الشارع؟ '
'علشان ما بي حد يفتكر إنا خلاص انخطبنا نبي نعيش حياتنا...وبعدين
بصراحة عاد أنا بعدي محرم عليك...إن شاء الله بكرة نتزوج وامسك إيديك وإنتي حرمتي
حبيبتي في الحلال...

متزوجين

أنت ليش ما تمسك إيدي وإحنا نمشي في الشارع؟ '
'يا حبيبتي إحنا مو مراهقين نمسك إيدين بعض في الشارع قدام الناس...إحنا كبار متزوجين ومحترمين

جاهم عيال

'أنت ليش ما تمسك إيدي وإحنا نمشي في الشارع؟ '
'يعني امسك إيديك والا امسك إيدين عيالك والا أشيل هالأكياس كلها؟!'


25سنة بعد الزواج

'أنت ليش ما تمسك إيدي وإحنا نمشي في الشارع؟ '
'إيدينك !! انتي ما تستحين ولا تحشمين هالشيب اللي في وجهي! وش تبين نسيبي وحرمة ولدك يقولون عنا... كبرنا وخرفنا؟!... روحي يلا'




بالله مو حرام ..طيب يمسك ايدها و يخلص...و الله احنا مساكين

[ваяɪsɪн ▪]

^ ي ختي الشبآإب السعودي مآفيههم رومنسيه آبد ,
وهذآ الشي موب مستغغرب من عمر الدنيآإ
وهم هككآإ
الشباب السعودي عندهم " تصحر عآطفي "
فيهم جففآف الله لآيبلآنآإ يعني الشآب بينه وبين آسرته وآخوآنه فيه جففآف عآطفي يعني لآحضن ولآ مسكه آيد ولآشششي لو البنت تحضن آبوهآ او الشاب يحضن آمه ( قالوآ بزر آنت أو بزره أنتي ) وكل شي عندهم عيب طيب من نروح له ؟! , بالتآلي هالشي ينعكس عليه في المستقبل
لمآ يتزوج ~> والآكيد مآ يآكلهآ غير الزوجةة

بس صدقيني المرآه الذكيه تققدر تخليهه يمسك يدهآ ويدلععهآإآ بععَد
هي مسألة آخذ وعطآ يععَني المرآه مو بس تطلب منَننه لآ
تطلب و تعطي أكثررر ومآ تقلل من عطاؤه مهمآ ككآن وبس


* حربيه قمر
لككككك ()

[النشــ بنت ــامى]

هههههههههههه

موضوع جميل اختي يالغلا/حربيه قمر

فيه نادر ماتلاقي احد يمسك ايد زوجتهم

وفيه البعض يمكن يخاف من كلام الناس ((مايستحي يمسكها امام الناس))

بس هذا عادي حلال مو مسوي شي غلط

بس انا شباب السعودي ماعنده رومنسيه والله صدقتي

[حربيه قمر]

ههههههههههههه مشكورين ع الردود والله يعطيكم العافيه

[عَذْبَھْہّ]

فيه رجآل يفتقدون هذه اللمسآت
وفيه رجآل مآشآء الله بكل معنى الاحساس والاحتواء ومظاهر الاهتمآم
ومآظنهآ تعيب الرجل لما يشوفوه مآسك إيدها ويمشي معها
هو رجآلها وين المشكله ؟
وهي مآجات على هذي المسكه بالايد
فيه أشياء كثيرها يفتقرها الرجال في التعامل مع زوجآتهم
وأين هم من الرسول عليه الصلاة والسلام
ولهم في رسول الله قدوة حسنه في رومانسيته مع زوجآته

شكرا يالغلا
ويعطيك العافيه ع الاختيار
مانعدمك

[حربيه قمر]

عذبه مشكوره ع المرور العطر

الله يعافيج يارب