بدايتي ثلاثة ابيات

[عبدالرحمن الغريب]

شاعر مبتدئ

مرحبا عـدد الخـطا إلى قـبا


اقتباس :

من كثرت الشعّار ماني بمهتم
الكل سيفه فالمواقيف بتّار

وانا معي سيفٍ فلا أظن يثلم
لاني بسله بالمعاني و الأفكار

لو كنت غارق فالشعر بتعلم
منهو ****يعوم البحر والبحر غدار
-------------

كفو كفو .. صح الله لسانك

لكن المعنى في البيت الاخير غير واضح

تحياتي

=

[شاعر مبتدئ]

تم التعديل
☀☀☀☀☀☀☀☀☀☀☀

من كثرت الشعّار ماني بمهتم
الكل سيفه فالمواقيف بتّار
☀☀☀☀☀☀☀☀☀☀☀☀
وانا معي سيفٍ فلا أظن يثلم
لاني بسله بالمعاني و الأفكار
☀☀☀☀☀☀☀☀☀☀☀☀
وفالشعر ممدوحٍ وفالشعر منذم
والرابح اللي ما تعرض للاخطار
☀☀☀☀☀☀☀☀☀☀☀☀
وسلامتك
عسااااااااهـ واضح يابو اشرف الحين

[شاعر مبتدئ]

شـــــاعـر مـبـتــــدئ

مساؤك مسرات وصباحك بشارات

قال شاعر مبتدئ : نظرتي فيك كـ شاعر الجيلين تجتمع مع نظرة الكثير

في المجتمع العيوني

- قال عبدالرحمن : الفضل لله فله الحمد والشكر .

- وبارك فيك عزيزي وفي شرواك اللي يقدرون الشعر والشاعر .

- ذكرتني بهـذا اللقب ( شاعر الجيلين ) أن بعض الاخوان يقولون لي :

شاعر المناسبات..وفي موقف آخر يقولون : شاعر الحربي . يعني شعر العرضة..

وفي مناسبة أخرى يقولون : شاعر الفصحى ..

لكن اللقـب الذي ذكرته أنت ( شاعر الجـيلين ) هو الأقرب إلى نفـسي ..

ملحـوظة : لم أذكر لك ذلك من قبيل البطر والاطراء لنفسي .

قال شاعر مبتدئ :

سلام يا شاعر الجيلين ☀ الجيل الاول مع الحالي


قال عبدالرحمن :

أهلا ً وسهلا ً ومرحبتين /// للي كتب شعـر واهدى لي
اعجبني الشعر والتلحين /// والحـشو من ساحته خالي

لو كان بالوزن والتـثمين /// مــيزان الاثمان به مـالي
لو كان هو بالحلا والزين /// زايد جـماله وهـو حــالي

هـذي نقط داخـل القوسين/// اكتب بها الاسم يالغالي
( ............... )
من شان باكتب بعد بيتين /// مخصوص لك في سما بالي
------------------------------

تحياتي لك وتقديري

=

أستاذي الغالي ابو اشرف

يشرفني ويسعدني إعجابك بما اكتب ويزيدني شرف ردك علي

وانت تستاهل كل خير خدمت شعراء البلد بما تستطيع والله يبيض وجهك

واستلم مني ⚡⚡

ابك البقا عد شوف العين ⚡⚡ واعداد ماهل همالي
عبدالله الاسم زين الزين ⚡⚡ عسى السعد فالك وفالي

وعساااك ساااالم

[عبدالرحمن الغريب]

شاعر مبتدئ

مساؤك الانس والسرور وصباحك البشارات السارة .

- من ناحية بيت الشعر :

( وفالشعر ممدوحٍ وفالشعر منذم
والرابح اللي ما تعرض للاخطار )

- فقد انتفى الشتات واجتمع المعنى .

اقتباس :

قال شاعر مبتدئ :

ابك البقا عد شوف العين ⚡⚡ واعداد ماهل همالي
عبدالله الاسم زين الزين ⚡⚡ عسى السعد فالك وفالي
-------------------

قال عبدالرحمن :

الــود..والقـــدر لاهـل الــدين /// شـرواك يا زين الاقــوالي
(عبداللـه) الـوافي الشـبرين /// في سـاحة الشـعـر خـيالي
.. تستاهل ..
---------------

اكتب من الابيات القديمة أربعة ابيات

واكتب أربعة أبيات جـدد

وارسلها جميع ..

بانتظارك

=

[شاعر مبتدئ]

مساااااء الخير// صبااااااح الخير

تستاهل الطيب يا استاذ عبدالرحمن

استلم طال عمرك

اهديتني يالغلا بيتين
**** **** **** **** **** **** **** والمدح من صوبكم غالي
قال الكويتي قبل عقدين****
**** **** **** **** مسكنك في المسكن العالي
واليوم انا ازيدها ألفين****
**** **** **** **** **** **** يستاهله ذرب الافعالي
النور لو هو تغطى يبين****
**** **** **** **** ومايحجب الشمس غربالي

وسوااااالم

⚡⚡لك الف سلااااااام

[عبدالرحمن الغريب]

شاعر مبتدئ

مرحبا بك والسعد على بابك

صح لسانك وقلبك

- أنا قلت لك من البداية ان هذا الشعر ما يقوله الا شاعر

اشوى اني نجحت في الامتحان ..

يغـوص في البحـر غـواصين /// واهل القـمم تصعـد العالي
والجهد من ذا.. وذاك ايْـبـيـْن /// من غير تهويش واقـتالي

لا هــنت يا خـلفة الشـيخين /// لك عـندنا طـيّب الفـالي

- أظـنك عرفت الشيخين ...
------------

تحياتي لك وتقديري

=

[شاعر مبتدئ]

صح لسانك

- ان شاء نظرتك فيني ما تخيب
- وأسعدني كثيراً السجال مع قامه شعريه بحجمك
- لا يالغالي ما عرفت الشيخين
-بس يمكن و يمكن مش اكيد ⚡⚡ يعني وضح☀

[عبدالرحمن الغريب]

شاعر مبتدئ

مرحبا بك عـدد النجوم

- اقتباس : لا يالغالي ما عرفت الشيخين.. بس يمكن و يمكن مش اكيد .

- جوابك صح ....... ! ! !

اقتباس : وأسعدني كثيراً السجال ..

تستاهل لأنك شاعر ، وفكيتني من التعـديل والتوجيه .

تحياتي وتقديري .

=

[شاعر مبتدئ]

الله يعطيك العافيه

مافي فكه لازم توجه وتنصح

اشكرك من أعماق قلبي

دمت بود،،،،،

[عبدالرحمن الغريب]

شاعر مبتدئ

مرحبا بك ألف


أنا ما صرت بهذا القسم الا ّ علشان كذا يالشاعر

حياك الله

-