يــــمـــه

[نوني]

يــمـــــــه توسخ مريولي.....

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!


يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..


يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح


يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...


يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا


يــمــه
يالله خلاص لاتمزحي
يالله قومي
تعالي معي للبيت ارجعي


يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..


أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي

[°•¶ إحسـآسے ملكهے ¶•°]

ياااالله على هالقصيده المبكيه المحزنه
التي تصف حال اليتيمه بعد فقد امها
رائعه برغم الحزن
راائعه برغم الأسى
راائعه برغم الوله والشوق
رااائعه برغم اليتم ...
الله لا يحرمنا من امهاتنا ..

نوني
ماادري وش اقول عن القصيده ..
ماغير الله يسلمك ويسلم يد كتبتها
ويسلم قلب خطها
لا هنت يالغلا

[عَذْبَھْہّ]

الله يطول في عمرها يارب ..
شكرا على القصيده الحزينه .. والرااائعه في معانيها ..
فقدان الام اكبر من ان نشعر به أو نتعايشه ..
الله لايحرمنا منها ..
سلمت يمينك .. ولاهنت ..

[نوني]

العفو ياقلبي
اسعدني مروركم الكريم

[بوأحمد]

ياااالله على هالقصيده المبكيه المحزنه

[مدرجهم]

ياااالله على هالقصيده المبكيه المحزنه

سلمت يمناك

نوني

[العسلي]

الله يطول في عمرها يارب