::~حركات الشباب عند المذاكرة::~

[نانا]

::~حركات الشباب عند المذاكرة::~
1)الثلاث وجبات الرئيسية لازم يقعد عليها أول واحد ومايقوم إلا آخر واحد (جوعان المسكين ما ينلام) وأحيانا يزيد وجبات إضافية إذا كانت المادة دسمة

2)يقعد يسوي نفسه طفشان وتعبان وياربي ماني قادر أذاكر مدري وشفيني حاس بكتمة يمه الظاهر أحد قاري علي وإلا صاكني عين تقعد أمه المسكينة تسمي عليه وترشه من هالعزايم وموية زمزم وتعال يا وليدي أقرى عليك كل هذا عشان إذا سقط يقولون عين حايسته ( أنا ما أقولكم أن كل اللي يسون كذا يكذبون لأن العين حق)

3)بعضهم ينزل عليه وسواس نظافة أيام الأمتحانات يتروش الصبح والليل وقبل كل صلاة وكل ما قالت له أمه يا وليدي بكره اختبارك ذاكر خلاص تقشر جلدك من الترويش قالها يمه إن الله جميل يحب الجمال (وطبعا هالمثل ما يجي على باله إلا وقت الاختبارات) ولا يطيح تلميع وتغسيل بالسياره وتستيب بالكفرات لين ماتتقشر بويتها طبعا هذي من واجباته اليومية ما يقدر يتركها عشان يذاكر ما يصير

4)وبعضهم تنزل عليه صلة الرحم فجأة يقوم <<يكلم واحد من اصدقاءه القديمين من زمان ما كلمه 000يبي يشوف كان ما عنده شي يبي يمره بعد العصر يسلم عليه يشوف وش صار عليه ويشغله عن المذاكرة 00 ويمر جدته وجده وكل أقاربه يبداهم زيارات من أول يوم لأخر يوم من الأمتحانات وبعد الاختبارات (مسافر في زمن النسيان) وهذا المسكين اللي من قليل الحيله يوجع القلب لا قفلت معه مسك المخده ونام لين تصحيه أمه الصبح ويقول يووووووه راحت علي نومه

5)يأنبه ضميره لازم يدخل المنتدى يشوف من رد على مواضيعه ومن نزل موضوع جديد ولا يترك موضوع ألا ويرد عليه ولا ويطيح رسايل خاصه لكل الأعضاء اللي فاقدهم طبعا هم لهم شهور ما دخلوا بس توه يحس انه فتقدهم من زود الفضاوه ......

والله مساكيين الشباب يدورون اي شي علشان ماايذاكروون



والى القاء في رحله اخرى :d:d

[شَ ـآعُ ـٌر ٍ مُـً ِش‘ـًآعٌ َـْر ِ]

ههههههههههههههه

الصراحه ما اذكر اني سويت كذا

بس الي تمسك عليه

افلام

حتى فلم قديم شايفه احس اني ماشفته

وام بي سي تو اول كانت ماتجيب افلام حلوه الا وقت اختباراتنا الله يقطعها

ههههههههههههههه

لا

وتمسك على براشيم من المغرب الين اخر الليل واخر الليل نقصقصهم

وننام

طبعا من الظهر لين المغرب نوم

خخخخخخخخخخخخخخخخخ

لحووووول

مدري شلون نجحنا احنا هع هع هع

يسلمو نانا

[نانا]

يـــــــــــــــــــــسلم قلبك .... يسلموووو