مبنى الجمعيه الخيريه لماذا كل هذا الاسراف

[العنابي]

يعطيكم العافيه جميعا اخواني الجار وابو سليمان والجميع
ياجماعه بصراحه النقاش والتعصب في مصالح البلد هو الجميل بصراحه ولكن اختلاف الاراء لايفسد للود قضيه .الحقيقه طرحي للموضوع ليش من باب الحقد او الحسد ارجو ان يفهم الجميع ولكن من اجل حلول واراء واقتراحات من الجميع سوف تولد وتخرج نجاح عظيم وهدفه هو مصلحة البلد .
اخي الجار ان تقول يكلف 3 ملايين انا اقول عطني اياهم وراح تشوف الارض اللي تقول عنها كيف ارسمها واخططها واجمع فيها اللي تبي من سيارات ومعهد وروضه ورايح تشوف اقل بكثير وشرط رايح ارجع لك نص المبلغ . انا اقصد ليش البزخه هذي والفخامه والديكورات اللي مالها داعي . وثاني شي المفروض من المسوولين في الجمعيه ليش مايطرقون ابواب التجار عندنا لكي يساهموا بشي لصالح الفقراء يااخي هذا واجبهم ليش مايكون فيه طرق باب لهم مره ومرتين وثلاث . وهنا ايضا عندي اقتراح ثاني ارجو ان يرفع ويدرس وشجبر في نفس الوقت الا وهو نلاحظ انا ونت والجميع اذا فيه احد بتزوج صار فيه التبذير والبزخه اللي مالها داعي بس عشان فلان ماقصر وكرم وسوى اللي مااحد سواه وفلا نكريم في زواجه المفروض فيه جبر يعني اقصد الزواج اقل شي يكون فيه مايقارب 25 ذبيحه والمفروض يجبر المعرس ان يضع على الاقل ذبيحه مطبوخه وجاهزه وتصير للفقراء وتستلمها الجمعيه وتوزعها .وصدقني اللي نشوفه من اللحوم والرز اللي يرمى في الزبالات الله يكرمهم ونقول ياحرام. طيب الذبيحه هذي اللي بيتبرع فيها المعرس شوف الناتج فيها والله اعلم اول شي الاجر والثواب والشي الثاني دعوة الفقير له ان الله يبارك له في حياته الزوجيه والشي الثالث رايح تمسح دمعتهم .اعتقد اني طولت ونسيت نفسي بس على العموم الله يوفق الجميع بما فيهم اعضاء الجمعيه اللي صراحه يشكرون ولكن واجبنا وواجب الجميع النصح والاقتراح والنقد البناء لاجل النجاح لا اجل الفشل واصطياد الاخطاء.
اخوكم : العنابي

[abusalman]

المشاركة الأصلية كتبت بواسطة العنابي

اخي الجار ان تقول يكلف 3 ملايين انا اقول عطني اياهم وراح تشوف الارض اللي تقول عنها كيف ارسمها واخططها واجمع فيها اللي تبي من سيارات ومعهد وروضه ورايح تشوف اقل بكثير وشرط رايح ارجع لك نص المبلغ . انا اقصد ليش البزخه هذي والفخامه والديكورات اللي مالها داعي .
اخوكم : العنابي

هذا اللي كنت اقصده بس ياحليلك يالعنابي جبتها في الصميم (ويش رايك يالجار؟؟؟؟؟؟؟؟؟؟؟)

اما بالنسبه للتعصب,,, كلنا اخوان وإذا ماتعصبنا لمصلحة مدينتنا مارايح يكون فينا خير حتى لأهلنا وأنفسنا....

[الجار]

أالمعذرة على التأخير في الرد والمشاركة بالمنتدى لظروف خاصة....
وها نحن نعود..
سلام عليكم ورحمة الله وبركاته

أخي الكريم

أبو طلال
مرحباً بكم وبمروركم الكريم وان شاء الله يجعلنا أفضل مما تظنون.

أخي الفاضل - العنابي...
مرحبا بكم وبموضوعكم...الجيد جداً..

سيدي الكريم ...نعم 3 ملايين قد تكفي لعمل مباني المقر والوحدة..ولكن ليس هذا الهدف فقط...بل الهدف خلق مصدر دخل للجمعية من خلال تأجير مواقع الاستثمار الموجودة ضمن المبنى...يجيب ان تكون في أحسن حله لكي تنافس ما هو موجود حالياً لاستأجر..وذلك لجذب المستثمر.....
وان كنت عازم على البناء فليكن البناء مكتمل..

وأما حيال القاعة فالقاعة مفيدة للجمعية والبد بشكل عام..وكم كنت أتمنى أنها موجودة الان كان دعونا المعلمين والموظفين والشباب للحضور وحثهم وتوضيح لهم أهمية التسجيل في الانتخابات البلدية..ز

عموما اتمنى ان أكون قد شاركت معكم في إثراء هذا الموضوع الشيق...وكم كنت سعيد بالحوار معكم جميع واخص أخي الفاضل/ أبو سلمان... وعلى أمل ان نلتقي في حوار قادم ان شاء الله....

مع السلامه
أخوكم الصغير
الجار
سعود بن محمد

[abusalman]

المشاركة الأصلية كتبت بواسطة الجار

عموما اتمنى ان أكون قد شاركت معكم في إثراء هذا الموضوع الشيق...وكم كنت سعيد بالحوار معكم جميع واخص أخي الفاضل/ أبو سلمان... وعلى أمل ان نلتقي في حوار قادم ان شاء الله....

مع السلامه
أخوكم الصغير
الجار
سعود بن محمد

وانا اسعد اخوي الجار بهذا الحوار وخاصتا انه يلبي الهدف اللي انوجد المنتدى له(الحوار بدون زعل,ومشاركة الناس عقولهم)