|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | انواع عرض الموضوع |
|
|
02-12-2009, 04:47 AM
|
#1 | |||||||
 
|
السلام عليكم ورحمة الله وبركاتة
بسم الله أبدا ما هي اكثر وافضل لعبة كنت تلعبها و أنت صغيير؟؟؟ كانت لعبة الخاله الي نصنع منها عرايس ونكونها من الاقمشة والصور الي بالمجلات وحلاوة جرب حظ حلاوة جرب حظ>>>>>>>>>>>>>>>>>>>> ياقدمي نشيد كنت تحبه أيامم الطفوله ؟؟ شخصيه كرتونيه كنت تحبها ؟؟ اذا كان النشيد بالمدرسة كنت احب نشيد الله رب الخلقأمدنا بالرزق اذا دعاه الداعي يحقق المساعي يسهل الامور ويدفع الشرور ................. الخ واذا انشودة مو بالمدرسة كنت احب شريط الطفلة الموهوبة مسلمين والله هدانا نبينا محمد ربانا أ الف قلوبنا و ب بالحب جمعنا و ت توج الفتنا حبينا الرسول زيادة مسلمين والله هدانا ...................... الخ اما عن الشخصيه الكرتونيه كنت احب حيل بسمة وعبدو وكنت احب حيل فلم كرتون ماكملوا حلقاته وخاطري فيه الا هالحين اسمة الاميرة ياقوت كيف كنت ايام طفولتك شيطاني ولامؤدب ؟؟ والله مرة خجولة ومرة راعية فزعاااااات؟! ماهو الموقف اللي عرضت فيها اهلك للاحراج؟؟ والله كثير منها اني كنت مسافرة مع اهلي البحرين قبل لا يفتحون الجسر بسنه رايحين نحضر زواج احد اقاربي ولما وصلنا اول يوم سكنا عند اهل العروس وكان بيتهم ادوار كنت انا بالدور الثاني راحت اختي البقالة وجاتني اشوي وتبكي قالت لي انه ي بنت تبي تطقها قلت لها مشينا البقاله نزلنا الدور الاول الا والبنت جاتنا بالدور الاول قلت لها وش عندك بتطقين اختي اسكتت قلت لها اذا بتطقينها بتعرين وش اسوي فيك>>>>>>>>>> يعني مسكينه ابهريها طق قااااااااااااالت بالبحريني: لووووووووووووووووا دمك خفيف قلت اجل صبري اشوي وقلت لاختي روحي فوق الا والمسكينه ماتت من الطق انا واختي اختفينا تحت الكنب من العصر الى المغرب امي انحرجت من الناس لان البنت طلعت من اهل العروس؟؟؟؟؟؟؟خخخ وقسم احراج بقووووووووة هل كنت شخص ذو شخصيه قويه أم مغلوب عليه ؟؟ والله اوقات طيبة وينقص علي واوقات راعية فزعات مثل ماقلت قبل موقف حصل في طفولتك كان له دور في تغيير مجرى حياتك؟؟ حادث سيارة كان هذاك اليوم ابوي ماعطيني فلوس انا واختي علشان نروح نشتري لنا اي شيء من البقالة عاد انا كان ومزال غراااامي قبل كاكاو ملك واي الكاكاو الازرق ابو النجوم وكان بيتنا على شارع عام كنت انا اغبن في نفسي اني ابسبق اختي للبقالة قلت لها لاتروحين يالخبله بسرعه ترى بتصدمك السيارة وانا ابي اسبقها انا اول ماوصلت الشارع بسرعة ركضت وطرااااااااااااااااااااااااااااااااااااااخ بوووووووووووووووووم مادريت عن حالي الابالمستشفى اهلي قاموا يبكون علي يحسبوني مت خلاص بس ربي رحمني ولايومك الحين اخاف اعدي الشارع الا ولازم معي احد اكبر عيديه جمعته كم ؟؟ ومن مين ؟؟ اكبر عيدية كانت 50 ريال من خالي يوم كنتي صغيره تسوين جدايل والا كاريه ؟؟ على حسب ياجدايل يا فاللللللللللللللللييييييييينه كانوا اول يتباهون ويفتخرون بالشعر الطويل يوم كنتي طفله تلعبين بكمبيوتر العائله ؟؟ لا ماكنت احبه بالرغم من انه كان موجود عندنا بس ما استهويته كان ابوي الله يحفظها جايب لنا فديو وكنت احب الافلام والاغاني الهنديه كنت احفظها خخخخخخخخخخ يوم كنتي طفله تلبسين مريول المدرسه وشباصات ميكي ماوس وشرايط بيض ؟؟ كنت البس مريول بس ميكي موس لا كنا بالمدرسه نلبس شرايط سماويه الا بريالين وشباصات حركات من كـان يدلعك أكثر أبوك ِ او أمك ؟ والله اثنينهم يدلعون واثنينهم يطقون اســم دلعك بالطفوله لحد الان ينادونك فيـه ؟؟ وماهو ؟؟ اي للحين يدلعوني فيه نفس اسمي يدلعووووووني فيه لحقت تتابعين سبيستون ؟ ولا القناه الاولي بالصبح والعصريه كم افلام كرتون بالدش ؟؟ لحقت على الافلام القناة الاولى وقناة البحرين بطفولتك كنت / ي تبكي إذا ماجلستي بالاول بالطابور اوالفصل ؟؟ لا عاااااادي بالطابور كنت احب الاول والفصل عاادي اي مكان عندك لعبه موجوده من صغرك إلى الآلآن ؟ وماهي ؟؟ لااااااااااااا ياليت حسااااااااااااااافه>>>>>>>>>>> قاصدة اقولها؟؟؟؟؟؟؟؟؟ وش اكـثـر حلاوة كنـت تحـبهاا ..؟ايش اسم اول مـدرس/ ـه درستك ..؟ حلاوة ماكنتوش وحلاوة التوفي اول مدرسة كان اسمها ابلا شيخة ال شيخ من الهفوف الله يذكرها بالخير هـل كـنت تـعانـي مـن اخـطاء فـي مخـارج الحـروف ..؟ لا والحمدلله بل بالعكس كانوا دايما يختاروني حق الاذاعة المدرسية ما هو اجمل موقف او اجمل ذكرى تتذكرها من طفولتك ؟ موقفي مع الخياط الي خيط لي اول مريول للمدرسة انا كنت متعلقه باختي الكبيرة حيل ولما دخلت قبلي المدرسة جلست احن وابكي على اهلي سنه لين دخلوني المدرسة قبل اواني وكل يوم رايحة الخياط وجايه اشوفه خلص المريول ولا لا وفي يووووووم رحت له لقبته مخلص مريول اختي قبلي مت من القهر قلت الحين هي تجلس بالبيت وانا الي كل يوم اجي ماخيطته؟؟؟؟؟؟؟؟؟ عاد كان فيه نافذة صغيرة بالخياط من القهر وبلا شعور قمت ونطيت على هالنافذه وشديت شوشته <يعني مشعت شعر راسة> وهو جلس يصيح ويصيح ويصيح من الالم وفجئة انا نطيت من النافذة والا اطالع بيديني الا وشعره كله في يديني انا استغربت وش هالقوة الخارقه الي عندي الي خلتني اشيل راسه كله من جذورة ولا قرندايزر في زمااااااانه؟؟؟؟خخخخخ ويوم طالعت الهندي اث الرجال مسكين اصلع ومتفشل من الناس لابس باروكه انا مت من الضحك وفي نفس الوقت مندهشة قام يصح وهو داخل المحل مستحي يطلع يقول جيبي ولا مااافي خيط قمت وحذفتها علية وانا ميته من الضحك واخذت مريول اختي ورحت بعد ماوعدني انه راح يخلصة بكرة انا ليوووووووووووومك وانا افكر ليه كان يصيح لما مشعت شعر راسة وهو اصلاااااااااا بروووكه؟؟؟ ما هو أصعب أو أحزن موقف مر عليك في طفولتك ؟ موقف حزين والله ما ادري كيف نجيت منه لوما رحمت ربي ادركتني كنا بيوم خميس او جمعه رايحين مع اهلي وخوالي العقير ومن المعتاد ان يوم نروووووح البحر مانروح للعميق الا بهذاك اليوم كنت مقروده يه كنت اغار من ولد خالي بنفس سني وشفتهم كلهم يسبحون في البحر قلت ليه يسبحون وحنا مانسبح كان عمري بهذاك الوقت 6 او 7 سنوات قلت لازم اسبح حطيت رجلي من هنا ومادريت عن حالي الاوغرقاااااااااانه حاولت انقذ روحي والله ماقدرت شفت شيء وتعلقت فيه بعدها مادريت عن حالي الا ومغطيني بالبطانية وانا محل اهتمام الاخرين قالوا لي اني تعلقت برجل ا واحد من اخواني وربي نجاني وسوو لي الاسعافات الاوليه عاد كانوا البزران يطالعوني اانا واشوي اصيح من القهر لاني كنت انا الوحيده الي رازه خشتي ودخلت البحر عاد علشان اشيل هالشيلة اخذت البزران بالحالي بعيد عن الكبار وقلت لهم يالخبلاااااااااااان ماجيتوا معي البحر تراني شفت الحوووووووت؟؟؟؟؟ خخخخخخخخ قم بس قم والله حتىعووووووم وحراسين ماشفتها؟؟؟؟؟؟؟؟ يالله مكسووورة وتبرد بعد. ما هي أجمل هدية تلقيتها في طفولتك ولم تنساها لليوم ؟ والله اغلى هدية كانت من ابلا شيخة الله يذكرها بالخير اهدتني بلوووزة لما اخذت الثاني في صف اول هل هناك انسان معين كرهته في طفولتك .. ولماذا ؟ والله كرهت معلمة عطتني كف وانا بثالث لان بنت كذبت علي عندها بس الحين الله يستر عليها كلنا انضربـنا اكيد... ولكن ما هي اصعب مرة انضربت فيها ؟؟ علقة اخذتها من ابوي بعصاة المكنسة وانا راجعه من المدرسة كانت المدرسة قريب من بيتنا وهذاك اليوم اشتهيت اركب الباص قلت لاختي يالله نركب قالت لا انا ابروح امشي اخاف من ابوي وراحت وانا ركبت الباص كانت الساعة 12 ونصف عاد الله يهديه راعي الباص راح يلف على الصراه والديرة والرفاع خلاه اخر شي مارجعت بيتنا الا حول الساعه 2 الا جيت اتمطرخ الا و ووووووووو احد يقوووول لي اني لا ارى رؤوس قد اينعت وحان قطافها لقيت ابوي ينتظرني بأسماء واعلى انواع الطق ومن بعدها حرمت اركب الباص ولا زالت محفورة في ذاكرتك وسبب الضـرب وش كان؟ مانتبهت لهذا السؤال الابعد ماخلصت السبب؟؟؟؟؟ ذكرته فوووووق هل كنت غيور بطفولتك من اخوانك وتحس فيه تمييز بينك وبينه؟ لا الحمدلله كنا نحب بعض حيل حيل هل ستربي اولادك بنفس الطريقة التي تربيت بها في طفولتك؟ أن شاء الله مع بعض الاختلاف اشوي لان العصر غير المغرب؟؟؟؟ اقصد العصر غير العصر والزمن غير الزمن اوصف طفولتك بجملة واحدة ؟ حلم ليته يرجع الا ليت ايام الطفولة تعود يوم لاخبره بما فعل الشباب؟؟؟؟!!!! شكرا لك ياغاليه على الاستضافة واتمنى ماكان دمي ثقيل على اي اح دمتم بحفظ الله ورعايتة ملحوظه: اعتذر اذا فيه خطاءلغوي او املائي لان بنت اختي جنبي جننتني[ التعديل الأخير تم بواسطة مملكة الاحساس ; 02-12-2009 الساعة 05:20 AM |
|||||||
|
|
|
02-12-2009, 07:41 AM
|
#2 | |||||||
|
يمكن كتبت كلامي بطريقه عفويه جدا
بس مالقيت احسن من هالطريقة اكتب ايام الطفولة بها يعني لالف ولادوراااان واعتذر اذا جاء الكلام كله بلون واحد طفشني الجهاز تحياتي لكم |
|||||||
|
|
|
|
04-19-2009, 02:59 AM
|
#7 | ||||||||||||||||||||||||||||
|
اسف ع التأخير
بسم الله اقتباس:
اقتباس:
كنت احب نشيد ابتدائي فريق الاطفائي <<كل يوم نقولها بالطابور هع اقتباس:
9 ولا تجي الا الظهر هع اقتباس:
اقتباس:
مره كانت مرت جارنا عندنا وكان اخوي الي اكبر مني مايحبها لان كان مع ولدها دايم ظراب كنا صغار كلنا وقتها الموهم اخوي كان يسميها دبيبه خخخخخخخخخخخ وجيت انا ودرعمت عليهم بالمجلس وقلت لها اخوي يقولك يالدبيبه خخخخخخخخخخخخخ صار حر بالمجلس وقتهاهع وطبعا خذت نصيبي بعدها :sm30: اقتباس:
بس الي يجيني ياويله اموته من العض هههههههههه حرك تبلش هههه اقتباس:
اقتباس:
بس للأسف ماكنت اجمع على طول ع البقاله طراطيع والبرنقلز رسمي بيدي هع اقتباس:
مايفكه الا لما اسوي مشكله:sm62: ويعطيني العب دقيقه بعدها ياخذه ساعتين هع اقتباس:
اقتباس:
وافتح القناه الاولى والقاها مسكره وحاطين صوت العود الي يجيب النوم هع وانتظر كذا كم ساعه لين تجي فلونه اقتباس:
اقتباس:
يجيب السكروب ويفتحهم ينقال له بيسوي اختراعات هع اقتباس:
انقطعت ولو اشوف مثلها اشتري كراتين منها اقتباس:
اقتباس:
بس فتره وعدت :sm126: اقتباس:
اطلع برا عند الباب وانتظر سيارة موية البيذر واذا مر اناديه على مايوقف ويفتح الهوز يسمع صوت باب البيت يرقع خخخخخخخخ اقتباس:
اقتباس:
للحين الرساله موجوده  اقتباس:
اقتباس:
ماكنت احب الظرب بدون سبب اقتباس:
اقتباس:
ووقتي غير الوقت هذا اقتباس:
شاكر لك اختي ليدي الموضوع واستضافتي فيه التعديل الأخير تم بواسطة نزفـ المشاعرـر ; 04-19-2009 الساعة 03:06 AM |
||||||||||||||||||||||||||||
|
|
|
|
07-19-2009, 02:20 AM
|
#10 | ||||
|
السلام عليكم ورحمة الله وبركاته :
جزاك الله خير الجزاء أختي ليدي ع قبولك استضفاتي ف طفولة عضو . بسم الله نبدأ ما هي اكثر وافضل لعبة كنت تلعبها و أنت صغيير؟؟؟ بحكم كنت البنت الصغيره بين خواتي وبنت عمي فغالبا كنت أحب اللعب مع الاولاد لان بنات الحي مادري وش فيهن ثقيلات ماعندهن سالفه , لذلك كنت احب لعبة طب جبل ماشاء الله علي كنت بارعه في القفزبرجل وحده ودايم اذا لعبنا دايم فريقنا يفوز الحمدلله ..احم احم نشيد كنت تحبه أيامم الطفوله ؟؟ شخصيه كرتونيه كنت تحبها ؟؟ كنت احب نشيد الله رب الخلق .. امدنابالرزق خذيته ف اول ابتدائي وللحين اتذكره . والشخصيه الكرتونيه اللي احبها كثيره بس ف المقدمه (( هايدي بلا منازع وسنان وفلونه ولوسي ولاانسى كابتن ماجد ماعني ماحب الكره كيف تجي مادري ..خخخخخخخخخخخخخخخ كيف كنت ايام طفولتك شيطاني ولامؤدب ؟؟ كنت مؤدبه بس لابد من الحركات اللي من تحت لتحت . ماهو الموقف اللي عرضت فيها اهلك للاحراج؟؟ كنت مره راكبه السياره مع ولد عمي يكشخ فيني حركات لاوالله عشان اذا فحط اوسوا حركات بالسياره اكون شاهده , المهم واحنابالسياره ماقصر سرعه وتفحيط فجأه مادري ؤوش صار اتذكر ارتطم راسي بزجاج السياره وصارت ورمه وش كبرها وصرت اصيح وهو يسكت فيني المهم لما جينا البيت ولد عمي عمي قال لي اذا سألوك قول طحنا في حفره وماشفناها والا ماتروحين مع ولا مكان جا عمي وابوي وسألوني فقلت نفس الكلام بس ماصدقوا ابوي انحرج كثير وحرمني من الطلعه عشان اعترف بس ماكو انا وعدت ومااخلفت بس انقهرت من الحرمان ايام وش حلوها . هل كنت شخص ذو شخصيه قويه أم مغلوب عليه ؟؟ لا والله مغلوب عليها خصوصا بين الاولاد اذا سوا شئ حطوه فيني , بس مع كذا كنت حب العب معهم القط دايم يحب خناقه ..الله يخلف علي .. موقف حصل في طفولتك كان له دور في تغيير مجرى حياتك؟؟ يمكن فيه يمكن لا.. الله اعلم .. ماتذكر .. الكبر شين .. اكبر عيديه جمعته كم ؟؟ ومن مين ؟؟ حوالي 20ريال جمعتها من ابوي وعمي الله يطول ف عمرهم وعم ابوي صالح الله يرحمه وولده , صدق قليله لكن كانت تسوس شئ كثير, وخصوصا اذا كانت خرده .. يوم كنتي صغيره تسوين جدايل والا كاريه ؟؟ طبعا جدايل وش حلاتها والشعر طويل ماشاء الله مواللحين قصات وصبغات الله يخلف علينا بالخير قولوا آمين .. يوم كنتي طفله تلعبين بكمبيوتر العائله ؟؟ كنت العب بس مو كثيرواتذكر لعبة الاتاري .. يوم كنتي طفله تلبسين مريول المدرسه وشباصات ميكي ماوس وشرايط بيض ؟؟ اكيد مريول لونه رصاصي وشباصات اشكال والوان وشرايط لونها أزرق .. من كـان يدلعك أكثر أبوك ِ او أمك ؟ طبعا الاثنين بس ابوي كان يستانس مني وانا ف المدرسه لاني كنت ممتازه والحمدلله ودايم كان ابوي وعمي يقارنوني بالاولاد لانهم كسالا الله يخلف عليهم وهم عاد بعدين مايقصرون فيني الله يسامحهم .. اســم دلعك بالطفوله لحد الان ينادونك فيـه ؟؟ وماهو ؟؟ طبعاً.................... بس حلو واكيد اذا قلته راح تعرفون اسمي خلونا ع المتفائله أحسن لنا .. لحقت تتابعين سبيستون ؟ ولا القناه الاولي بالصبح والعصريه كم افلام كرتون بالدش ؟؟ اتذكر بباي والنمر الوردي في القناه الاولى مره الصبح ومره العصريه .. بطفولتك كنت / ي تبكي إذا ماجلستي بالاول بالطابور اوالفصل ؟؟ لا بالعكس اغلب شئ اكون ف الطابور والصف الاول طبعا لحكم قصري وانا ف ابتدائي .. عندك لعبه موجوده من صغرك إلى الآلآن ؟ وماهي ؟؟ كان عندي مهفه عن الحراره مطبقه ع بعضها فيها رسومات حلوه تذكرونها بس اللحين للامانه مادري وينها منقهره ..يمكن بالدولاب القديم .. وش اكـثـر حلاوة كنـت تحـبهاا ..؟ايش اسم اول مـدرس/ ـه درستك ..؟ كنت احب حلاوة طابوق وحلاوة بيضاء اللون شكل اعواد تشبه السيجاره وكانت هشه مرررره وحلاوه قرطاسهاطويل داخلها حلويات دائرية الشكل ولها الوان وطعمها حلو وحامض كنا نحطها ع الدفاية ف الشتا عشان تكون هشه بس حسافه انقطعت واتذكر شربت بالفواكه وفيه مزاز علبته شفافه .. اسم المرسه : ابلا حصه هـل كـنت تـعانـي مـن اخـطاء فـي مخـارج الحـروف ..؟ حرف الخاء انطقه حاء بس بسرعه تجاوزت المشكله لاني كنت اتدرب .. حركات ما هو اجمل موقف او اجمل ذكرى تتذكرها من طفولتك ؟ مره لما كنت ف صف رابع رحنا جبل قاره بصحبة ابوي ومعه خويه وكنت لابسه نعال الله يعزكم خش وكان ف ذاك الوقت موضه لونه اسود وفيه حديده المهم دخلنا ومشينا وابوي ومع خويه يتقدمونا ف المشي وفجأه صقعت رجلي الظاهر بحصاه اوشئ من كذا وطارت وحده من النعال الله يخلف علي رجلي ضعيفه تفشل .خخخخخخخخخخ .. وبعدين اصقعت النعال تتوقعون من ؟؟ خوي ابوي ومسك النعال ومعصب يبي يعرف من حاذفها وانا دورني ماتلقوني ابي نعالي بس كيف والباقي ضحك مو طبيعي بعدين قلت انها لي وعطاني اياها وهويقول انتيهي مره ثانيه .. ما هو أصعب أو أحزن موقف مر عليك في طفولتك ؟ لماكنت ف صف ثاني طلبت من ابوي عبايه وشرى لي وكنت مستانسه فيها لكن ف صف سادس قالو لازم تتغطين وزعلت وكرهت العبايه والغطا بعدين خلاص عرفت ان العبايه عباده وليس عاده وانها ستر وحشمه لنا .. الله يستر علينا .. اللهم آمين .. ما هي أجمل هدية تلقيتها في طفولتك ولم تنساها لليوم ؟ خاتم ذهب من امي عشان رضيت ادخل المدرسه لان ولد عمي كان يخوفني منها .. الله يسامحه هل هناك انسان معين كرهته في طفولتك .. ولماذا ؟ مو كره بس منقهره منها ف صف اول ابتدائي كانت تجلس وراي طالبه هذره كثير وهي اكبر منا لانها كانت ترسب المهم الابلا تحسب انا وانا اقولها مو انا المهم خذت الابلا الطبشور ورمته ع وجهي وكانت فيني الصيحه بس كتمتها .. وسبحان الله للحين هذه الابلا موجوده وتدرس بنت اختي وبنت اختي ماشاء الله عليها تعرف كيف تاخذ حقها .. جيل ذا الزمن .. كلنا انضربـنا اكيد... ولكن ما هي اصعب مرة انضربت فيها ؟؟ ولا زالت محفورة في ذاكرتك وسبب الضـرب وش كان؟ كنا جالسين ف حوش البيت طبعا بحكم بيتنا سابقا واحد بس مقسوم بينا وبين عمي وفيها باب من داخل دخل عمي علينا وهو معصب ويلحق ولده اصعرمتي وتخبا تحتنا وعمي ماسك العسو بالعكس بيضرب ولده جات الضربه ف يدي وعمي اذا عصب مايشوف الله يهديه ورفضت الروح المستشفى مع عمي فوداني ابوي للمجبر الله يرحمه وقال انها مو كسر شديد بسيطه ان شاء الله واتذكر لفها بتيب لونه بيج .. هل كنت غيور بطفولتك من اخوانك وتحس فيه تمييز بينك وبينه؟ لا والله ماحس بالغيره كانو هم اللي يغيرون مني خصوصا الاولاد وكنت حمالة الاسيه بحكم اني الوسطى بين اخواني .. هل ستربي اولادك بنفس الطريقة التي تربيت بها في طفولتك؟ تلحقون خير ان شاء الله مع ان هذا الوقت يبي له الله يعين واحنا ان شاء الله قد المسؤوليه واللي عان اهلنا ع تربيتا يعينا والمهم لاننسى قيمنا وتعاليم ديننا الصحيحه .. اوصف طفولتك بجملة واحدة ؟ طفوله ممتعه بكل معنى الكلمه .. لانفاق لاكره .. بريئه .. حلوه وناسه ..شقاوه بس ع خفيف .. وف الختام اتمنى ان اكون ضيف خفيف عليكم وجزاك الله الجنّه اختي ليدي انك رجعتيتا للذكريات الحلوه وصدقيني وانا اكتب كنت مستمتعه جداً وانا اتذكر ايام الطفوله .. ودمتم بود .. |
||||
|
|
|
|
|
|
.png)
العرض المتطور