انواع البزران>>

**عَذْبَھْہّ** · 03-02-2009, 07:56 PM

انواع البزران
البزر المفهي :-
هو بزر مايدري وين الله حاطه
أي شي تقوله له بيقول هاه
مستقبله :-
هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي ..
مثال على ذلك ..

البزر الجنتل مان أو الجنتل بيبي :-
بزر غالبا يكون اطخم ..تشوفه دايم متكشخ ويتروش كل يوم ويتعطر .. لسانه معسول وهالشي مخليه مخقق كل بنات الحاره ..
مستقبله :-
يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخير
مثال على ذلك :-

بزر زلابه :-
غالباً مايكون تربية عجز .. مدلع حتى اخر قطره .. لكنه للأسف زلابه سريع البكاء لو تقول له كيف الحال قعد يبكي ..
مستقبله :-
يستمر زلابه الين يتزوج ويصير خاتم في اصبع حرمته
مثال على ذلك :-

البزر المهايطي :-تعريفه :-
هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه
مستقبله :-يستمر مهايطياً للأبد وقد يفقد حياته بسبب الهياط..
مثال على ذلك :-

البزر الملقوف :-

هالبزر عكوز بكوز في كل مكان مركوز ... لا تستبعد ان تجده في أي مكان
مستقبله :-
بيجيب العيد وماظنتي بيصير له مستقبل ..
مثال على ذلك :-

البزر الدافور :-
هذا البزر دائما متفوق في دراسته دائما يحب يتعلم ويتثقف هالعينه
مستقبله :-
دكتور .. مهندس .. او أي شي زين أما إذا كان عندنا بالسعوديه فآخرته مصكوك بعين .. والله اعلم
مثال على ذلك :-

البزر اللي عليه حركات ويسمى أيضاُ البزر المتميلح :-
هذا النوع خطير جداً ودايم يجيب المصايب
وهو من النوع اللي مايهرول عبث

مستقبله :-
احتمال يجيب العيد أيضاً
مثال على ذلك :-

البزر اللي حظه مقرود :-

هذا النوع من البزران اقل مايقال عنه انه مسكين حظه شين دايم
مستقبله :-
سيئ للغايه
مثال على ذلك :-

بزر مدمن تلفزيون أو في روايه بزر دلخ :-

24 ساعه عند التلفزيون يتأثر على طول أي شي يشوفه يروح يسويه

مستقبله :-
يظل دلخاً للأبد.
لاعاد تتابع الشيف رمزي تكفى
مثال

هذا للأسف مدمن مسلسلات مصريه ..

بزر رومانسي :-
راعي جو .. حساس ..
مستقبله :-
شاعر
مثال على ذلك ..

بزر رايق :-24
رايق من زود الروقان عنده تشوف عليه احيانا حركات غريبه
مستقبله :-
مستقبل زاهر إن شاء الله
مثال على ذلك

البزر اللي مدري وش يبي :-
ماينعرف له مره تقول إنه ذيب مره تقول إنه زلابه
مستقبله :-ياأنه يطلع ذيب أو يطلع زلابه وهذا المتوقع
مثال على ذلك..

بزر اختلف العلماء في تسميته :_
مستقبله :-
طقاقه أو فنان كسرات
مثال على ذلك

**كلمة حق** · 03-02-2009, 08:05 PM

حلووووووووه هذي الصوره هههههههههه

يعطيك العافيه ع الصور والتعليق الجميل....

**نبض الأمل** · 03-02-2009, 09:06 PM

هههههههههههههههههههههههههههههههههههههههههههههههههه هههههه

الله يعطيك العافيه

إلا ماقلتي لي انتي اي نوع فيهم من زمان؟؟؟؟

الإهداءات
إضافة إهداء