ترى الكلام اللي حكيته وصلني..

[عَذْبَھْہّ]

ترى الكلام اللي حكيته وصلني..
ويا للأسف مدري وش اللي جرالك..


وش اللي جرى لعقلك يفكر يضرني..
أنا أهينك وأبتعد عن مجالك..


أنا صحيح إني صغيره بسني..
بس إنتبه حبي ترى حيل هالك..


لا لاتخليني أحطك بظني..
والله لعزي فيك عمك وخالك..


دام العذاب فنون أخضع لفني..
عندي العذاب أشكال ماهي فبالك..


نصيحتي أبعد بعيد وخلني..
أخترت أنا الفرقى وبنهي وصالك..

أحذرك ماهو بتهديد مني..
ماينفعك لو قلت كلي حلالك..


شفتك قدرت تعيش عني متهني..
ولاذكرته قلب عزك وشالك..


ما أقنعك بكذبك ولاهو يهمني..
تكذب على نفسك وتتبع خيالك..


لاتعتقد أني أصدق تحبني..
حتى عيونك تفضحك وإنفعالك..


بدري عليك إنك تهين وتذلني..
أنا عزيزه نفس والذل فالك..


أعشق منو تعشق لاتحرني..
أنا لقيت اللي يحبني بدالك..

وإذا لـمحت الهم بعينك يسرني..
تبعد عن العالم واشوفك لحالك..


تذكر كلام قلته العام عني..
منت بقده وأحسن اللي جرالك...

[ℓα∂y ℓανєи∂єя]

هنا جمال ينطق .. ونحن نصمت
دمَتٍْ متْوُشحهـ الآبدآع يآرآئِعهـ
سلم قلبك..,وسلم انتقائك ..,

^
^

ودْ مُغلفْ بـِ وردْ

[عَذْبَھْہّ]

دائمــا مايخجل قلبي تواجدكـ
لقلبكـ وشخصكـ الجميل
اجل ودي وإمتناني
واعذب الاماني في طريقكـ

[عديل الروح]

روووعه صرآحه :)

تسلمين عذبهـ

,,

[نزفـ المشاعرـر]

كلامات رائعه

صح الله لسانك

ننتظر جديدك

[ش ـقـآآوي]

قــوــوــوآإآإآش اللـــه :)

[ناصر الثنيان]

دام العذاب فنون أخضع لفني..
عندي العذاب أشكال ماهي فبالك..

-------------------------------------------


إقْرَارٌ بِأنَّ الْحُبَّ فِيهِ مِنَ الْعَذَابِ مَا يَفُوقُ الِاحْتِمَالَ!


الْعَذَابُ "فَنٌّ"،أعُوذُ بِاللَّهِ مِنْ هَذَا الْفَنِّ.


شُكْراً عَذْبَةُ عَلَى هَذِهِ الرَّائِعَةِ الشِّعْرِيَّةِ.

[المـشتاق]

وإذا لـمحت الهم بعينك يسرني..
تبعد عن العالم واشوفك لحالك..


تذكر كلام قلته العام عني..
منت بقده وأحسن اللي جرالك...




روعه روعه

قوااااش الله

[كلمة حق]

قصيدة قمه في الروووووووووووووعه.......
يعطيك الف عافيه أختي عذبه.......