حرارة االسيارة بهدلتني ... موضوع مهم جداً . جاكم الصيف والحرارة !!!

[لـــمـــ سة حــــ نان]

الشكر لله أولاً وأخيراً فقد هداني الله لحل مشكلة الحرارة

سيارتي جمس 94 سعودي جميح مقاس 2500

كانت الحرارة مع المكيف ترتفع فوق النص بسرعة 140 وفوق والمكيف مايبرد

وإذا هديت نزلت الحرارة تحت النص وبرد المكيف !!!!!

وإذا وقفت ربع ساعة والمكيف شغال أرتفعت فوق النص والمكيف مايبرد

وإذا مشيت نزلت تحت النص وبرد المكيف !!!!!!

وهكذا لي فترة وأنا محتار في هذه المشكلة

غيرت كلتش المروحة وغيرت طرمبة الماء وغيرت راديتر جديد

أربع رصات شلت بلف الحرارة حطيت ماء راديتر أصلي

كل الحلول جربتها مانفعت أبداً ؟؟؟؟؟

وديته لأكبر مهندسي السيارات في المكيانيكا والكهرباء ماعرفوا العلة

وأغلبهم يقول رأس المكينة يحتاج تغيير ولازم نفك المكينة

يبون يسرقون فلوس على الفاضي بس وإذا فكوا الراس

قالوا تحتاج توضيب نصااااااااااابين

أنتبهوا من نصبهم

لدرجة أني فكرت أبيع السيارة وأتخلص منها طفشتني بالحييييييييل

المهم جلست مع واحد من الشباب وعلمته السالفة

قال الحل عندي وأنا أبو هندي

بكرة العصر عندك شئ مشغول ولا فاضي قلت أبد ماعندي شئ

قال مرني بعد صلاة العصر بوديك لمحل عنده الحل قلت تم مريت الرجال

ركب معي ورحنا لواحد صاحب ورشة لديترات تنظيف وتركيب وتصييخ

عنده جهاز أخضر لغسيل الراديتر ومجاري الماء في المحرك

قال له الرجال هذا عنده مشكلة حرارة بالسيارة ويبي غسيل كامل

للراديتر والمحرك من الداخل قال أبشر وقف السيارة هنا لو سمحت

وجيب لي (علبة فلاش أمريكي ) أو (علبتين زيت فرامل )

أخترت زيت الفرامل وجبتها له قام وفك خرطوش الماء الطالع من المحرك

للراديتر وشبك فيه لي الجهاز وشبك لي ثاني في الراديتر

واحد يدخل الماء والثاني يخرجه وخلط زيت الفرامل مع جالون ماء

وحطها بالجهاز وشغله قام الماء يدور في الراديتر والمحرك ويخرج مرة

ثانية للجهاز وهكذا طلع يا أخوان شئ زي الرمادة أسود وأحمر من المحرك

وبعد كل غسله يصرف الماء ويحط ماء جديد وهكذا تقريباً 7 مرات حتى أصبح

الماء الخارج من الغسيل صافي لا يوجد به شوائب بعدها أفرغ الماء كامل

من الراديتر والمحرك ورجع الليات زي أول وعبيته ماء أخضر أصلي وزدت

عليه 4 علب ماء بطارية مقطر وأغلقنا الراديتر وأعطيته 80 ريال

والأن السيارة لها 5 أشهر يالله لك الحمد الحرارة ماتعدت الربع في أسوء

الأحوال مع المكيف سواء في الخط أو الوقفه

وقال لي هذه الحركة لازم تسويها كل سنتين أو ثلاث سنوات بالكثير

لأن الصدأ يتراكم على مجاري الماء في المحرك مثل جير الأسنان فيمنع الماء

من تبريد جدران المحرك من الداخل فتسخن السيارة

بعدها بأسبوع جبت له كدلك موديل 90 فيه نفس العلة وصار تمام

وجبنا له كرسيدا 95 نفس العلة وصارت تمام

وجبنا له كابرس 2000 نفس العله وصار تمام

هذا ما أحببت أن أوصله لكم قبل الخساير والتكاليف أبدأ بالرخيص قبل الغالي

ملاحظة / هذه الشغلة تكلف من 50 الى 80 ريال

وأي ورشة تنظيف رديترات يمكنها أن تعملها لك بشرط وجود جهاز التنظيف لديها

لونه أخضر صناعة أمريكية يشتغل على الكهرباء أو أي جهاز مماثل له


ادري الموضوع مايخصني لكن وصلني على اميلي وحبيت عيال ديرتي يستفيدون
بالوفيق لكم جميعا ....
:sm82:

[أبو طلال]

الحقيقة في وقته جاء هذا الموضوع
المدير أكيد بيستفيد من هالموضوع
لأنــه تعذب كثير مثل كاتب الموضوع
شكرا لـك وشكرا لـصاحب الموضوع

[رٍسِـــلآنٍ]

الموضوع

الموضوع


<<<<<<<<<<<<< الموضوع


الموضوع

خليتني اهنق وانا اقراء هع هع هع هع



هذا غسيل الرديتر يعتبر كتابه حياه جديده للمكينه لانها راح تتنفس وتعيش بحريه وسوف يداعب الماء اهداب المكينه ورقماتها ويعطيها راحه بال وسكينه وشعور بقدوم فصل الربيع <<<< توني ماخذ دش لاتلوموني


الجيب حقي او بمعنى اخر سيارة المهمات الصعبه ... لها سنه كامله وانا اشوف الماء قرب يصير طيين وكل مره اقول بكره بدلعه وبغسل الرديتر والمكينه لاكن تروح عن بالي واعبيه ماي بس وفي عز الصيف الحمد لله على ولا عمرها ارتفعت بدون سبب الا كم مره نسيت اعبيها .................................................. ......... المهم طولت عليكم <<<< من الرواقه على الصبح



يفضل تكون عمليه الغسيل بفلاش او اسييد << الاسيد اقوى لدرجه ان العامل يسكبه في ماكينه التنضيف وهو مغمض ويحاول يبتعد ولا ينظر له بسبب قوة الاسيد الحارقه ..................... وبعد الغسيل ركب مرروحه اضافيه صناعه كوريه بـ 90 ريال وخلها تشتغل تماتيك وعيييييييييييييييييييش الصيف احلى






مشكوره على الموضوع الرائع

[الفضي99]

هههه حلوه الكلمه بو هندي >>> النظافة زينه في جميع الأحوال وخاصة هالوقت الشاوي ...

يعطيك العافيه على نقلك للموضوع المفيد ...