من قصائدي الحربية للعرضة

[عبدالرحمن الغريب]

الـســلام عليكم أعزاءنا ورحمة الله

هذه قصيدة أخرى حربية للعرضة . . عسى أن تقف على مرتبة القبول


نــرقى دروب العـز

سلام ما هـلّ المطـر فـي دارنـا=واعداد رمل ٍ في حماريـر النفـود
تغشى جميـع اكبارنـا واصغارنـا=واللي معانا من مشاكيـل الوفـود
يا ناشـد ٍ عنّـا وعـن اخبارنـا=تاريخنا يخْبِـرْك عنّـا والجـدود
ياما شعلنـا فـي الملاقـى نارنـا=وْصِلنا على العدوان نيران البَرود
وْياما حمينا فـي اللـوازم جارنـا=نرقى دروب العزّ والعالـم شهـود
فعـل الجمايـل والمراجـل كارنـا=نقْدم على الواجب ولا ننسى العهود
نمشي على دربٍ مشوه احرارنـا=والحرّ لجْل العزّ عينـه مـا تنـود
ويلا ِدعينـا مـا نجـي باعْذارنـا=للدّين واتْراب الوطن حنّـا جنـود
من تحـت رايتنـا تبيـن اثارنـا=من جاد ساد وْمن تماهل ما يسـود
باذن الذي يعلـم جميـع اسرارنـا=بانْحرر الاقصى من ايْدين اليهـود

[عديل الروح]

مشآءالله

صح لسآنك ولآهآن قلمك

مآننحرم من جديدك

فى آنتظآر قصيدك بشووق :)

,,

[جوووود]

ويـلا ِدعينـا مــا نـجـي باعْـذارنـاللدّيـن واتْـراب الوطـن حـنّـا جـنـود

صح السسسسانك ولاعدمناااك

قصيده جميله وبانتظاار المزيد

تسسسسلم الاياادي

[نبض الأمل]

ماشآءالله..
صح لسآنك ..
الله يعطيك العافيـــــــه..

[عبدالرحمن الغريب]

غـــريب الــــــدار

صح بدنك ولا عدمنا طـلتك الدائم شعاعها

لولاك وشرواك ما عـنينا بوضع القصائد

أشكرك وتقبل سلامي

=

[عبدالرحمن الغريب]

جــوووووود

تسسسسلم الأنامل التي سطرت إعجابا ً وتفاعلا ً

صح بدنك ولا عدمنا أمثالك

=

[عبدالرحمن الغريب]

نبـــض الأمـــل

صح بدنك ويا مرحبا عدد الخطا إلى سـبا

أشكر لك تشريفـك

=