وحشني شوفة آصحااااااااااابي...!!

[نبض الأمل]

........................


وحشني شوفه اصحابي وربعي و الغلا مستور
اخبي عبرتي لامن ذكرت بيوم جمعتنا


تغير قولتي ابله وصرنا نقول يا دكتور
نقول القاعه يا دنيا زمان نقول حصتنا

جلست بداخل القاعه ذكرت ايامنا بالدور
وضحكن كان يحوينى ولا تكفي شطانتنا

نزعل بعضنا احيان ولكن ما نعرف نجور
ونرجع من بعد زعله ترجعنا صداقتنا

نحاتي بعضنا دايم ويعجبنا رجل مشهوور
سوالفنا عن الموضه عن الحب وعلاقتنا

وهذا اليوم قد صارت سنه راحت معاها شهور
وافكر كيف هالدنيا خذت منا وناستنا

انا ما بين ناس اغراب وسط قاعه مع دكتور
احاول اخنف العبره وانا اذكر كل حكايتنا

سمعت اغنيتن جابت من اقصايا بقايا شعور
يغنيها علي محمد وهي عيال حارتنا

رجا فيها الا دنيا الا ليت الزمان يدور
ويرجع وقتنا الاول وننعم في بساطتنا

وانا رديت في بيتن من الخافق ولا مكسور
اضحي بالعمر كله لجل ساعه بشلتنا

وابيع الناس والعالم ومستقبل وراه قبور
وكلن راح يمشي له طريق يقول عيشتنا

انا ما ابي سوى لحظه وعلى الفرقا انا مجبور
نضيق اليوم من يقدر يبدل وضع ضيقتنا

ظلامن دامسن موحش انادي فالخفا يا نور
ابي ربعن ليا من ضقت عرفت شلون قيمتنا

بساطه في فرح دايم غلا صادق وله وسرور
نخطط كيف بالكذبه نضيعها دراستنا

تخرجنا نعم ادري وكلن داخله مقهور
فرح لكن مع الفرحه دموع تضم حفلتنا

بكينا والبكى فينا ولا لحظه ابد مهجور
دموعن حرفها صادق وتعرف كيف وحشتنا

تعرفنا على ناسن جديده والغلا مستور
ولاحدن يوصل لحبن جمعنا وسط شلتنا

:(

تحيآتي لكم..

[ش ـقـآآوي]

قوآإآكـ الله

[كلمة حق]

يعطيك العافيه ع القصيدة يانبض

[نبض الأمل]

شــآكره لكم توآجـــدكم..