|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
10-20-2005, 06:57 PM
|
#1 | ||||
|
قصيده سالم السيار (( هذيان التنك ))
هذيان التنك
كل ماطار الفراش اعرف ان امي طفت يمه ويني نامت سنيني علي تلتحف من برد عمري مامعاي الاعيونك تقطر الدمعه في بالي تطفي البرد ويجيني زولك في داخل عيوني احظن عيوني وانا م تهزهز البرواز ادري صح يمه مثل ماكنت اتهزهز باغنياتك يمه نامي ممشط الصوره عيونك تشعلي دمك تدفي الغرفه من بحات صوتي مجدله شيبك تقولي اه يانذر نذرته تفتحين كروت عرس وترسمين بشوت عرسي البس الاسود في بالك البس البني في بالك البس الابيض 00 ترفضين الكفن يطري في بالك صح يمه يمه ادري همك هو وجودي هو زواجي تشوفي عيالي وتموتي تغربيني لالمحتي شروق ربعي تلملميني بزوايه البيت حتى تتجه للقبله روحك تلتقي وياها روحي بكل صلاه واعرف انك باخر ايام الضوا وغافي فيك الفراش كل ماطار الفراش اعرف ان امي طفت ضايقه من التنك يمه كحتك كنها مصدري اه لو اني عنك شلته وجيت اسير صج يمه تعالي موعدك عند الطبيب اذكر اني مسجله في شهر تسعه رحتي يمه ولا طااااااف لا مايطوف ادري ماعندك يايمه احد غيري ياخذ الكرت ويجدد كل مواعيد الطبيب يمه نامي نامي يمه الاسر هو نام فيني والله مايقوى يزعزع شخص راضع من حليبك او يهز يايمه شعره من ونات شيبك قولي اقدار ورحنا اسرى يعني اسرى ماهو لازم مثل هذا اليوم نعرف من عدوك ومن صديقك يعني جوع ما اجوع وانتي اصلن تذكرين عزة النفس ويميني ماوصلت اكل ولو هي نفسي تدفعني عليه يعني حريه يايمه اجمل الحريات والله اني اقيد كل عمري ولا يتضايق صدر شارع من رئة خطوات فاجر تاطا مسلم مانطق الا الشهاده باصبعه ووقف فجر لاغسلك الدمع يمه قولي فدوه لعيون الشواطي لا غسلها المد قامت توقض الناس بفرحها بعد ماكانت حزينه ادري همك هو وجودي هو زواجي تشوفي عيالي وتموتي مثل همي اني اشوفك قبل مايطير الفراش خلي همي اني طالب يد بلادي ومهرها ابقى اسير حتى لو طار الفراش حتى لو طار الفراش حتى لو طار الفراش انت وينك ...؟ من زمان وانا ادور في وجيه الناس عنك وجه وجه وجه وجه ومالقيتك في زوايه البيت ادور في الشوارع في الصباح الي تشرب غترتك في المكان الي فرشته بالجريده لما تقراها وتشرب كل صباح قهوتك واخذ الفنجان حتى تقرا حضك لي عجوز ترفع البسمه وتقول ف يها لك شي بيتحقق وفيها له شي ثمين ليه ماقلتي فيها لي شي بيتهدم وفيها له شي حزين ادري بتكفرين انت وينك تسال الاشجار عنك لما ترمي فوق ظلها كل ظلك لما تسقيها بدمك هي تبلك تنحنيلك تدري انك لو تغيب ينكسر طير وتموت اسال الايام عني ولا تدري اسال انعاس تكسر من صباحك في وريدي اسال شفاه هجرها من بعادك ماي بارد ليه تتركني اتوسل واتسول في عيون الناس انا اطلب منهم حفنة حنان انت وينك ماتركت الا بعباتي عطر جسمك من صلاتك وشعرتين بكف مشطك صافحني وسط بالي واتذكر يالله يمه اخطبيلي ولا يعني ماني برجال بعيونك شفتي شعرك الا افله في زواجي انت وينك هذي دارك ماتغير شي فيها هذا بوكك هذا عطرك هذا مشطك الاساعه يوم طاحت من يديني تكسرت لا تخاااااااااااااف جبت ساعه تشبه الي تكسرت انت وينك ماتركت الاعيوننك داخل البرواز تتبع وجهتي من وين اروح ماتركت الا عيونك داخل البرواز تسال يمه وينك انت وييييييينك .......؟ ---------------- وهذي مسموووووعه http://www.6rp.net/she3r/sayar/11.ram |
||||
|
|
|
11-01-2005, 05:47 AM
|
#2 | ||||
|
وربي انها روعه
اااااااااااااه يا يمه امي امي امي والله اااااااااااااااااااااااه يا يمه تسلمين على القصيده الحلوه لكن يا ليت كان ترتيبها احلى بس والله قصيده من اجمل القصائد شكرا وبارك الله فيك اميرة الدلع |
||||
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصه حب بمنتهى الروعه وطبعا قصه خياليه | الخــــيالــــي | ~ نـــفــحــــَآتٌ إِيــم ــَــآنــيــة | 56 | 11-13-2006 04:41 AM |
العرض العادي
