ابشــــر بفــرقـــــآآآآآآآآآآآآآآي

[هيبة ملكـ 11]

السلام عليكم ورحمة الله وبركاته


كيف الحال جميعا




أعزائي اهالي ملتقى مدينة العيون الشامخ .. .
ادام الله عليكم الصحة العافية جميعا


أهديكم هذه الأبيات المتواضعة جداً وطبعا لها قصتها ///
وياشين من يسمع كلام الاخرين ويصدق قولهم على من كانت له خوة او علاقة حميمة من غير لايسمع كلام الطرف الاخر ويبدا بالطعن والشتم من قفا صاحبة .. وهذه كثير مانشاهدها هذة الايام

فعسى أن تقبلوها مني

كانك تبي فرقاي فبشر بفرقاي=لو كنت كل امناي والا رجاية
خلك على كيفك وانا عارف إخطاي=وعارف نفاقك والكذب والدعاية
كانك على قول الزلايب من اعداي=عجل رحيلك وانطقتها شفاية
تشكي وانا لو قلت ياكبر شكواي=شكواي للي عارفن بالخفاية
كنت احسب انه حزام خوة ومركاي=واثرة بشين العلم يطعن قفاية
ياكثر مامديت باخلاص يمناي=وربي ولا غيرة بذكرة دواية
ياللي تدور من ردى العلم فقفاي=تلقى الوفا والطيب ظلي وراية
عندي معاميل الوفاء والصفا شاي=والبن طبعي وهيلها من وفاية
وان كان ودك تعرف اسوا نواياي=وقف وناظر صورتك بالمراية
هذا وضوحي فالسوالف وفحكاي=لاقبلت والا اقفيت واضح حكاية
انت عكر والرفقة لي صافي الماي=لايمكن انها تختلط في حشاية
ازريت اجمع كثرت اخطاك وياي=عجل رحيلك كان تطري النهاية
غادي الجدى ومبدل الراي بالراي=يالله عسى يلقى دليل وهداية
دام الكذب مبداك فالبعد مبداي=اعلنتها كلمة (خوي) لك كفاية
بنيت لي سمعه وشيدت مبناي=منت بكفو تهدم بطعنك بناية
ربعي هل النخوة بلا شك شرواي=شايش بهم دام ان سماهم سماية
على طريق الصح ياطول ممشاي=وهذا الطريق اللي عرفت البداية
يعني كذا اقول لك ياولد باي=ودربك بحاجة للتعب والعناية

..... وسلامتكمـ ....



اخوكم ومغليكم// هيـبــةﮧﮧﮧﮧﮧ ملـﮓــﮓكـ . 11