مستشفى العيون وللاسف

[سعد الماضي]

بسمـ اللـه الرحمــن الرحـيـــمـ
الحمدلله والصلاة والسلام على أشرف الأنبياء والمرسلين
سيدنا ونبينا محمد عليه أفضل الصلاة والتسليمـ...
أمـــا بعــد:
اولا احب اتقدم بخالص العزاء والمواساه الى اهل الاخ العزيز المغفور له بأذن الله اخوي العزيز( احمد بن فهد العواد )رحمه الله

وثانيا احب اقول لاهالي مدينة العيون ان مستشفى العيون اصبح وللاسف الشديد مسلخ للمرضى الذين يأتون اليه

البعض يمكن يوافقني الراي والبعض يمكن مايوافقني الراي

يوم الامس صار حادث مروع على طريق العقير وراح ضحيت الحادث احمد العواد الله يغفر له انشاء الله

واخوي عبدالمجيد رضوض وتسلخات في الجلد ولله الحمد

ولكن تدرون ليش المستشفى صار مسلخ ؟ اقول لكم ليش .........

تصوروا اخوي يوم جابوه المستشفى ودوه غرفة الاشعه قصدي قطوه هناك صوروه ورموه ولا حتى نظفوا وجهه من الرمال ولا عقمو جروحه حتى من التسلخات الي في جلده ولا اهتموا فيه لامن الدكتور ولا الممرضات انا بنفسي وولد عمي عابدالماضي نظفنا وجهه وجسمه من الرمال الي فيه وعقمنا جروحه و سحبنا الممرضات والدكتور من كراسيهم هذي وحده...
وبعدين يوم جاء الدكتور شافه قال مافيه شي وحالته ماتستدعي انه يتنوم تخيلوا دكتور يقول كذا والي يشوف اخوي وهو في غرفة الاسعافات يقول بين الحياه والموت ولا يقدر حتى يحرك نفسه من الرضوضو الي فيه وشده الاصابه الي فيه بالامس وتخيلو المرورو يقول للدكتور بالامس اذا مايتنوم بنحجزه وهو الي يسمي نفسه دكتور يقول ودوه الحجز مايحتاج تنويم وهل هذا يعقل ... العسكري الموجود البارح في المستشفى قال مايتنوم هذا حالته بين عليه تعبان جدا
هذا عسكري مو دكتور يقول يحتاج الى تنويم من نظرة عينه يقول كذا وهذا الدكتور الي المفروض يتحلى بالرحمه قبل كل شي يقول مايتنوم العسكري الله يجزيه خيرالي في المستشفى يقول لولد عمي روح المرور اكفل ولد عمك وتعال ولا يحجزون المريض ورحت المرور وولد عمي معي وانا مادري ليش نروح نكفل اخوي وكفلته وجيت المستشفى وانا مادري ان الدكتور التعبان قال كذا للعسكري
تصوروا العسكري الي في المرورو يقول لي رح استلم اخوك في المستشفى وقول للعسكري الي هناك خلاص اني كفلت اخوي ..... قلت ليش انتو حاجزين اخوي قال لي نعم حاجزينه لين تكفلونه وعرفت السالفه كلها بعدين من العسكري وولد عمي الي ماقالي الكلام ...الي قاله له الدكتور
رجعت من المرور الى المستشفى ادور الدكتور قصدي الي يسمي نفسه دكتور للاسف هرب هربة القط
ولقيت المراقب ويقول انا ماقدر انومه اقول يابن الناس الولد مايعرف يشيل نفسه يتوجع تقولي ماقدر انومه لان الدكتور التعبان يقول مايتنوم لان حالته ممتازه !تصورورا قلت له اتصل على الدكتور وقله لو صار اي شي لاخوي يتحمل الي بيجيه مني ........... يوم ان الدكتور سمع الكلام هذا قال يتنوم خوفا على .........
لكن شالي صار تنوم اخوي وازوره اليوم انا واتفاجاء انهم حتى مافكروا فيه في التنويم ثوبه الي مليان وسخ ورمال من الحادث ماغيروه باقي جروح وتسلخات في جسمه لم تنظف ولم تعقم الاقبل صلاة المغرب عقب ماتكلمنا معا الدكتور والممرضات والمراقب الموجودين هناك
بالله عليكم هل هذي مستشفى او مسلخ يذبحون فيه الاحياء
وللعلم احمد الله يرحمه كان حي بعد ماحصل له الحادث ولكن توفي بعد دخوله المستشفى
الا يطرح هنا سؤال ؟ والجواب يمكن اهمال الموجودون هناك تسبب في وفاته رحمة الله عليه!يمكن انا اقول يمكن رغم انا هذا يومه بس هناك سبب

[محمد التريكي]

لله يرحمه

ومستشفى العيون , المفترض يسمى مستسلخ العيون مع الاسف هنا أحد ..

[رٍسِـــلآنٍ]

اصلا نص الي في المستشفى جااين على شهادات مزوره والله العالم ويشتغلون ميكانيكين في الهند او باقي الدول والي يشتغل بنشري والي بياع كراعين وفلافل وجابوهم دكاتره عندنا ..... الهند عندهم اطباء بس المشكله مايجينا الا البنشري منهم

[من الصبر مليت]

الله يرحم اخونا المسلمين الي توفوووا

وانا اقووول نفس كلام اخوووي رسلان وازيده من الشعرر بي
هذا مووو مستشفى هذا تشليح اوادم
الله يعين اخونا المسلمين الي يعالجوون فيه
ولا تزعل يابن عمي ولاينكسرر خاطررك مادمت انا حي

[الرمز العيوني]

الله يرحم موتى المسلمين

[تولين]

يالله هذا شئ مو غريب على مستشفى العيون



اولا رحم الله فقيدكم واسكنه فسيح جناته والله يصبركم يارب



ثانيا وأنا أقرأ كل كلمه هنا ما استغربت ابدا لإن الموجودين بالمستشفى من دكاتره لايحملون اي قلب ولا يحملون اسم الإنسانيه


يسمى الدكتور ملاك الرحمه أي ملاك رحمه يقولون ملاك العذاب هذي ممكن نصدقها


عندنا دكاتره مستهتره بأرواح البشر ولايهمهم أي شخص حتى لو كان الشخص بيموت من الألم يقولون مافيه شئ عادي


ماندري احنا وش نسوي تعبنا تكلمنا لحد ماقلنا بس من المسؤول الأول والأخير عن هذا كل انا اقول لك انه مدير المستشفى


المفروض منك اخي الكريم انك ماخليت موقف الدكتور يمر معك مرور الكرام كان عطيته حقه علشان يصير عظه وعبره لغيره

للأسف مانملك إلا الكلام مابيدنا اي سلطه لتغيير الوضع وهذا الشئ اللي يقهر ان احنا نسكت او نتكلم لكن مافيه احد يسمع لنا


من جديد اخوي الله يرحم فقيدكم ويصبركم ويرحم أمواتنا وأموات جميع المسلمين اللهم آمين


ربي يحفظك