غَنّى فُؤَادُ الأُمّ أَهلاً بِالذيْ // مُذْ جاءَ أَشرَقت المَنازِل بالسّنَاْ

[عَذْبَھْہّ]

... الأمومة .. الوظيفة الأصعب في الدنيا . والأحلى بنفس الوقت . دايماً يقولون ، الزواج نقطة تحول في حياة الأنثى ، بس أنا أشوف إنه الإنجاب هو نقطة التحول الكبرى .. لأنك بعد ماكنتي روح في جسد ، صرتي روح في جسدين .. من غير ما أطول عليكم.. خلونا نشوف الـ outline للموضوع : 1/ التعامل مع حديث الولادة 2/ صحة الطفل : أ – تغذيته : - الرضاعة. - الطعام ( 4 شهور – 12 شهر ) ب – التطعيمات : - جدول التطعيمات - تعليمات بخصوص التطعيم ج – المشاكل الصحية: - إرتفاع الحرارة 3/ نمو الطفل : أ – النمو العقلي و الحركي ب – ظهور الأسنان : - وقت ظهور الأسنان - أعراض التسنين وعلاجها 4/ مصادر ثقافية : أ – كتب للأم والطفل ب – مواقع مفيدة. . .

نبدأ بسم الله .. نوستالجيا في الموضوع السابق تكلمت عن كتاب " The Happiest Baby on the Block" وإختصرت لنا الكتاب بنقاط مرة مهمة لكيفية التعامل مع الرضيع لما يبكي .. -الكتاب تكلم عن الفترة الرابعة الناقصة ، فـ مراحل الحمل هي الـ 3 شهور الأولى ، الـ 3 شهور الثانية ، والـ 3 شهور الثالثة ، وإعتبري أول 3 شهور من عمر الطقل هي الـ 3 شهور الرابعة ، لأن الطفل محتاج وقت عشان يستوعب العالم الي حوله والي مختلف تماماً عن رحم الأم . -رحم الأم كان دافي ، وملموم ، وصوت الرحم كان عالي ، حتى أعلى من صوت المكنسة الكهربائية ، عشان كذا الهدوء الشديد يزعج الطفل .. -لما ينزعج الطفل عندك 5 خطوات تسوينها : 1/المهاد : وهذا أهم شي ، لأن الطفل يتحرك لا إرادياً ، وحركة يدينه ورجلينه تزعجه ، إضافة لأن المهاد يخليه يحس بنفس الإحساس الي كان يحسه في بطن أمه . وهذي الصورة توضح طريقة لف الطفل بالمهاد . 2/ وضعيه الجنب أو البطن: بعد ما تلفينه مضبوط ، إمسكيه على جنبه أو على بطنه ، وتكون يدينك وحده تحت راسه ووحده فوقه .. الطريقة هذي حلو بعد لو الطفل عنده مغص ، تخفف عنه الألم كثير . 3/ الهز: إذا كان يبكي مرة ، هزي يدك الي تحت راسه بحركة خفيفة بس سريعة ، عشان يحس كأنه في بطنك. 4/ هششش: قربي فمك من إذنه وقولي (هششششش) ، هذا الصوت كان يسمعه حوالي 9 شهور !! ولما يسمعه بيحس بالأمان .. حتى صوت المكنسة ممكن يهديه – لو ضاقت بك الحيل شغلي المكنسة – ويهدأ . 5/ التلهية: بعدها أعطي الطفل مصاصته أو رضعيه ، وبكذا تكون إنتهت المشكلة إن شاء الله . ... شكراً نوستالجيا ..

[FONT=DecoType Naskh Variants][SIZE=5][FONT=DecoType Naskh Variants]

[SIZE=5] أ – تغذيته : الرضاعة الطبيعية : الرضاعة الطبيعية هي الأفضل ، لأنها ببساطة طبيعية وفيها جميع إحتياجات الطفل ، وتغني حتى عن الماء .. فيه موضوع نزلته الحلوة "وجد" ، تكلمت عن الرضاعة الطبيعية بإسهاب ، الموضوع متكامل ما شاء الله ، وممكن ترجعون له للفائدة . ["]http://vb.eqla3.com/showthread.php?t=494379"][ لا تحرمي نفسك! لاتحرمي طفلك! B r e a s t f e e d i n g[/URL] http://vb.eqla3.com/showthread.php?t=494379"] [/URL] الرضاعة الصناعية : -مرات الأم تضطر للرضاعة الصناعية لأسباب كثيرة ، لكن فيه إمكانية إنها توازن بين الطبيعي والصناعي ، وبكذا ما تحرم طفلها . -إستخدمي الرضاعات الزجاجية لما يكون الطفل صغير وما يقدر يرميها أو يكسرها، الرضاعة الزجاجية تستحمل الحرارة ، لأنك راح تسوين الرضعة بموية دافية . -مثل ما ذكرنا ، الرضعة لازم تكون دافية ، خصوصاً للطفل أقل من 6 شهور ، عشان تتفادين المغص . -إحرصي على نظافة الماء المستخدم ، وعقمي الرضاعة من فترة لفترة ، بواسطة غليها وتجفيفها . -إسألي الطبيب عن أنسب نوع حليب لطفلك ، ولا تغيرين الحليب بشكل مفاجيء ، لأن تغيير نوع الحليب يتعب بعض الأطفال . -لو بقى من الرضعة شي لا تخلينه وقت طويل ، ساعة بالكثير وتخلصي منه ، وخصوصاً المواليد ، لأن معدة الطفل حساسة . -حاولي تعطين الطفل رضعة التمر من فترة لفترة ، وهي عبارة عن تمر منقوع بماء حار ومهروس ، تشخلينه زين وتعطينه الطفل ، كويسه لو الطفل عنده إمساك ، بس مشكلتها تسبب مغص أحياناً .. إطعام الطفل ( 4 شهور – 18 شهر ) -ممكن تبدين بإعطاء الطفل طعام من عمر 4 شهور ، مع إنه بعض الأطباء ما ينصحون بإطعام الطفل قبل 6 شهور. -إبتعدي قد ما تقدرين عن أي شي فيه مواد حافظة ، حتى لو كان مخصص لأطفال ، وإعتمدي على الأكل الطازج . -(4 شهور) أعطي الطفل فواكه مثل التفاح المهروس والموز والبرتقال ، والخضار مثل الكوسه والبطاطس والقرع والجزر ، طبعاً الخضار تكون مسلوقة بمويه بدون ملح ، لأنه ممكن يضر الطفل ، وإهرسيها زين وأعطيها طفلك . -الرز المصري المهروس ومهلبية الأطفال من الأغذية الي تناسب الطفل بهالعمر . -حاولي تعطين طفلك بالبداية كل نوع لحال، عشان لو كان عنده حساسية من شي يبين معك ، بعدها ممكن تخلطين له أكثر من نوع يكون ألذ له . -راح يتعبك الطفل بالبداية لأنه ما راح يتقبل الطعم ولا راح يتقبل الملعقة ، حاولي تعطينه بيدك وجيبي له ملعقة بلاستيك مخصصة للرضع لأنها ألين له ومناسبة لحجم فمه ، مثل هذي -بعد الأكل إسقيه شوي مويه ، بالفنجال أو الملقعة أو حطي له مويه بالرضعة . -(6 شهور) ممكن تدخلين البيض المسلوق لغذاء الطفل ، وخصوصاً الصفار . -الشوفان ، أعملي له شوربة خضار أو عدس ، وتقدرين تعطينه فول . -سيريلاك ، خوذي النوع المناسب لعمره ، فيه أنواع حلوة بالتمر أو العسل . -الزبادي ، فيه أطباء يعتقدون إنه الطفل أقل من سنة ما يستحمل الزبادي لأنه يحتوي على بكتيريا ، لكن إذا كان الطفل تعود على الأكل فطبيعي إن معدته بتكون أقوى تحمل ، وكل أم أعرف بالي يناسب طفلها . -الخبز والشاهي ( وجبة أطفال سعودية ) يمكن ما فيها فايدة تذكر ، لكن ميزتها تشبع ، ممكن تخلينها وجبة ما قبل النوم ، وصدقيني بتنامين زي الأوادم ليلتها . -(8 شهور) هنا ممكن يبدأ الطفل بتناول اللحوم البيضاء ، الدجاج والسمك ، والسمك بالذات مفيد جداً للطفل، فتتيه زين وأعطيه لطفلك . -(12 شهر) بهالسن الطفل ممكن ياكل معكم من أكل البيت عادي ، المهم تكون بهاراته خفيفة ، والقطع صغيرة عشان ما يغص، وحلو تعطينه لحوم حمراء ، لأنها غنية بالحديد والبروتين. -إنتبهي من الماجي !! إذا عندك أطفال تحت السنتين ياكلون معكم ، حاولي ما تستخدمينه أبداً بالطبخ ، لأنه ضار جداً لعقل الطفل ، ويسبب عدوانية الأطفال ، هالكلام سمعته في برنامج التفاح الأخضر، طبعاً فيه أشياء ثانية تحتوي على نفس مكونات الماجي ، مثل الإندومي والشوربة سريعة التحضير.

ب- التطعيمات: جدول التطعيمات : ( من موقع وزارة الصحة ) تعليمات بخصوص التطعيم: -الطبيب راح يكشف على الطفل قبل التطعيم ، علشان يتأكد إذا وضعه يناسب للتطعيم الحين وإلا لا . -يؤجل التطعيم إذا كان عند الطفل إرتفاع في درجة الحرارة أو إسهال أو إستفراغ . -لا تعطي طفلك رضعة قبل التطعيم بنص ساعة ولا بعد التطعيم بنص ساعة ، خصوصاً تطعيمة شلل الأطفال – هالمعلومة قالها لي دكتور أطفال . -وعموماً إذا كانت التطعيمة عن طريق الفم تجنبي الرضاعة، عشان ما يتقيأ الطفل وتضطرين تعيدين التطعيمة . -بعد التطعيم كمدي مكان الإبرة بكمادة باردة في أول يوم ، وفي اليوم الي بعده كمادات دافية. -إنتبهي لحرارة الطفل خلال الثلاث أيام التالية للتطعيم ، وضروري تعطينه خافض حرارة كل 8 ساعات أو على حسب الي يوصفه الطبيب . ج – المشاكل الصحية : المشاكل الصحية الي ممكن يتعرض لها الطفل كثيرة ، منها الإختناق – التشنج – الوقوع من مكان عال – التسمم بالأدوية أو المنظفات .... إلخ. وهذي المشاكل ممكن الأم تبحث عنها وتثقف نفسها .. لكن المشكلة الصحية الي بتكلم عنها هنا ، هي الأهم ، والي لازم يمر فيها كل طفل ، مهما كانت صحته ممتازة . إرتفاع الحرارة : -ترتفع حرارة الجسم إذا كان فيه شي دخيل عليه ، سواء فايروس ، ميكروب ، أو غيرهم .. -أكثر أسباب إرتفاع الحرارة عند الطفل دون السنتين هو التطعيم والتسنين . -إذا لاحظتي راس الطفل حار ، قيسي حرارته ، إذا كانت : 37,5 فهو إن شاء الله طبيعي لكن إحتمال ترتفع أكثر 38 تعتبر مرتفعة وإبدأي أعطيه خافظ وكمديه بكمادات باردة شوي. 39 مرتفعة جداً لو ما نفع الخافض والتكميد ، روشي الطفل بموية فاترة. 40 خطيرة ، ولازم تاخذينه للمستشفى -أجهزة قياس الحرارة تختلف في إعطاء الدرجة الصحيحة على حسب مكان القياس : القياس من تحت الذراع > زيدي على الناتج نص درجة القياس من الشرج > نقصي نص درجة القياس من تحت اللسان > يعطي الدرجة مضبوطة -الكمادة أفضل شي تستخدمين قماش قطن . -إنتبهي تروشين الطفل بموية باردة ، ممكن يسبب له تشنج لا سمح الله ، حتى الحوض أو البانيو الي بتحطينه فيه لا يكون بارد ، لأن الجسم يكون حار ويتفاجأ بالبرودة . -بالنسبة للطفل الي عمره 9 شهور فأكبر – إذا كانت حرارته عالية – فـ التحاميل أفضل له من الشراب ،وأسرع نتيجة ، بس أهم شي تتأكدين إنها تناسب عمره . -فيه ناس تستخدم الخل لخفض الحرارة ، لبسي الطفل شرابات مبللة بالخل ، وراح تساعد على خفض الحرارة بإذن الله . -وفيه لصقات تنباع بالصيدليات تتلصق على جبهة الطفل وعشان تخفض حرارته . -نقطة أخيرة ، عند إصابة الطفل بأي عارض صحي لا تنسين الرقية الشرعية ، على الأقل إقرأي سورة الفاتحة 7 مرات وإنفثي على طفلك – سورة الفاتحة تسمى الشافية .

[عَذْبَھْہّ]

أ - النمو العقلي والحركي للطفل:

-الشهر الأول : يقبض على الأشياء بقوة ، ينبه للأصوات بإنه يغمض عيونه أو يفز .


-الشهر الثاني : لما تحطينه على بطنه يقدر يرفع راسه عن الأرض لمدة دقايق ،


ممكن يصدر أصوات بسيطة ، يلاحق النور أو الأشياء المتحركة .


-الشهر الثالث : يرفع رأسه لمدة أطول وبثبات ،


ممكن يسحب الملابس أو الفراش أو أي شي خفيف تطيح يده عليه ،


ممكن يبدأ يغاغي ولو شي بسيط ، يركز بالنظر على الأشياء أكثر من قبل ،


يميز أمه سواء بصوتها أو بوجهها أو برائحتها .


-الشهر الرابع : ممكن يجلس بمساعدتك لمدة بسيطة ،


يمسك الأشياء الصغيرة بيده لفترة طويلة ، يدينه تصير تدل طريق فمه ،


يستجيب لك إذا سولفتي معه ، ويصدر أصوات رد عليك ، يفرق بين الوجوه ، ويستمتع بالترويش .


-الشهر السادس : يكتشف رجلينه ، ويحاول يمسكها ،


ممكن ينطق بعض الحروف ، يلتفت باتجاه الصوت ، إذا قربتي منه يرفع يدينه عشان تشيلينه ،


يجلس بس بدون توازن ، ينفعل سواء بالكلام أو الصراح أو حتى الضحك ،


إذا مسك شي بيده يقلبه ويتأمل فيه ثمن يحطه في فمه ، يخاف من الناس الغريبين ، يبدأ يتقلب .


-الشهر الثامن : ممكن يقول ماما أو بابا بس ما تكون واضحة ،


ممكن يحرك يده إذا قلتي له باي ، يحاول يرفع نفسه إذا مسكتي يدينه الثنتين ،


يبدأ يلقط الأشياء الصغيرة من الأرض ، يمسك الرضعة لحاله ، ممكن يبدأ يحبي .


-الشهر العاشر: يصفق ، يأشر على الأشياء بإصبعه ، يخاف إذا حطيتيه على مكان مرتفع ،


ينطق بعض الكلمات السهلة ،يعبر عن إنزعاجه ، يغار لو شلتي طفل غيره .


-الشهر الثاني عشر : يوقف ويمشي وهو متمسك بالكنبات ،


وممكن يحاول يرقى على الكنبة إذا كانت نازلة ، ممكن يثرثر بكلام متواصل وكأنه يسولف صدق ،


ممكن يتصفح كتاب أو مجلة ، يحاول يوكل نفسه .

ب-التسنين :


وقت ظهور الأسنان :


هذي الصورة تبين وقت ظهور الأسنان اللبنية والدائمة :

أعراض التسنين وعلاجها:


-تبدأ أعراض التسنين عند الطفل من الشهر الرابع ، حتى لو ما طلع أول سن إلا بالشهر السابع .


-أول الأعراض هي العض ، يصير الطفل يحاول يحك لثته بأي شي ، يده ، إصبعك ، لعبة ،


حلو تشترين له عضاضة مناسبة وإحرصي دايماً على نظافتها .


-تزداد رغبة الطفل بحك لثته ويبدأ لعابه يزيد ، وهي أوضح علامات التسنين .


-التسنين يضعف مناعة الطفل ،


وكل ما إشتد التسنين – مع ظهور الضروس والأنياب - ضعفت مناعة الطفل أكثر ،


علشان كذا توقعي دائماً إنه ترتفع حرارته أو يجيه إلتهاب ، أو إسهال وإستفراغ .


-براز الطفل – أعزكم الله – في فترة التسنين تكون رائحته كريهه جداً .


-نفسية الطفل تكون سيئة ، بسبب الألم الي ملازم له طول هالفترة ،


فـ تلاقينه يصيح لأسهل سبب وما يشتهي الأكل ، وممكن يئن وهو نايم .


-أهم شي في علاج الأعراض ، تخفيف الألم على الطفل ،


إشتري له الجل المسكن من الصيدلية ، وإفركي لثته ،


ومن الأدوية الشعبية إستخدمي المحلب المطحون – وممكن تصيفين عليه شوي مرة مطحونة


عشان تقاوم الإلتهابات بإذن الله – وبنفس الطريقة إفركي لثته من مرة إلى مرتين باليوم .


-قوي مناعة طفلك ، بالتغذية السليمة ،


وأعطيه حبة سوداء، عن تجربة ممتازة جداً للمناعة ،


سبع حبات مع شوي عسل بالملعقة أو بإصبعك .


-في فترة التسنين خلي خافظ الحرارة معك بالشنطة وين ما رحتي ،


لأن إحتمال إرتفاع الحرارة وارد ، وحتى يفيدك لو بكى طفلك من الألم يخفف عليه بإذن الله .


-إنتبهي للطفل من العطورات القوية ، لأنها تهيج الثة وتتعبه .


-المراحل الأخيرة من التسنين هي المراحل الأشد ،


لأن الضرس أو الناب لما يشق اللثة يكون أقوى من الأسنان الأمامية الي ظهرت في البداية وما قطعت إلا جزء بسيط من اللثة .

أ – كتب للأم والطفل : نوستالجيا والبنات بالموضوع السابق تكلموا عن كتب كثيرة حلوة .. مثلاً ، هذا رد لـلعسل Claire ، رد شامل تكلمت فيه عن كتب مررررة حلوة ومتوفرة بالمكتبات ، http://vb.eqla3.com/showpost.php?p=17191336&postcount=4998"][FONT=Simplified Arabic]هــنـــا[/URL] أما كتب الطفل : حلو تكون البداية مع القصص القماشية ، تلقينها في مذركير ودبنهامز .. طبعاً الطفل راح يتعامل معها على إنها لعبة ، بس مع الوقت يفهم معناها ، ويصير يحب القراءة . هذا كتاب تفاعلي حلو ، موجود في موقع مذركير ، وأهم شي إنه شخصيات برنامج حديقة المرح ( محبوب الجماهير ). الكتب الورقية العادية ، تبدين تشترينها لطفلك من عمر سنة ونص وطالع ، بس إقريها له وبعدين إرفعيها ، لأنه راح يشققها ، وحتى يحس بقيمتها ويفرح فيها إذا جاء وقت القصة . نقاط .. -دايماً تصفحي الكتاب زين قبل تشترينه ، أنا كم مرة أتحمس للغلاف وأطيح بقصص بايخة وإلا مالها هدف . -إحرصي على الكتب الي تكون الصور فيها كثيرة وواضحة . - فيه مجموعات حلوة عند جرير وكارفور للطفل الصغير ، يكون كتاب صغير ، صفحاته متينة وكل صفحة فيها صورة وحدة بس . ب- مواقع مفيدة: Baby Center كود: أفضل موقع ممكن يفيد الحامل والأم .. فيه شريط تمشين عليه أسبوع أسبوع من بداية الحمل إلين يكمل الطفل سنة ، يبدأ بعدها يمشي شهر شهر .. يعطيك معلومات مهمة عن نمو وتطور طفلك ، يعلمك عن إحتياجاته ، ويعطيك روابط لمقالات مفيدة . فيه منه نسخة عربية : كود: موقع حرف للطفل كود: موقع عربي تعليمي جميل جداً ، فيه ألعاب كثيرة ، وأحلى شي فيه تعليم القرآن الكريم ، بطريقة المصحف المعلم ..

.. في النهاية ..
أتمنى إني قدمت الي يرضيكم ،
فيه مجالات كثيرة ما تكلمت عنها ،
لأن موضوع الطفل كبير ومتشعب ،
بس أكيد كل سؤال يخطر ببالكم ،
إسألوا البنات هنا وما راح يقصرون

منقول ..

،

[كلمة حق]

موسوعه جميله جداً عن كل مآ يخص الأم والجنين وخصوصآ الامهآت الجدد
ان شآء الله تستفيد كل ام من هآلموضوع المهم والمميز
آختي ع ـذبه اسأل الله العظيم أن يرزقك بآلزوج الصآلح والذرية الصآلحه وأن تقر عينك بهمآ
وأسأل الله أن يرزق بنآت المسلمين ازواجً صآلحين وشبآب المسلمين زوجآت صآلحآت آمين يآآرب
بآرك الرحمن فيك آختي الغآليه ع ـذبه ومشكوره ع طرح مثل هآلموضوع المتميز
تحيآتي وتقديري لـك خيتي

[بسمه امل]

مشكورة غلاتي ابدعتي بالاختيار دمتي بود

[عَذْبَھْہّ]

كلمة حق
اشكرك لروعة الحضور
ولدعواتك الطيبه للجميع بآرك الله فيك
لاعدمت تواصلك الجميل

[ღĄ7Łặ ŁǿνΣღ]

موضوع رائع وماشاء الله متكامل ومستفاد منه بشكل كبير
خصوصا للأمهات الجدد

بورك فيك وفي نقلك