صينية الأرز بالقشطة والجبنة

[مملكة الاحساس]

بسم الله الرحمن الرحيم

السلام عليكم ورحمة الله وبركاته

كيفكم ...إن شاء الله دوم بخير ...
لما نزلت موضوع كيكة الشابورة قالت وحده غالية نبغي طباخ ولعيونها طبخت هالطبخه وتمنيت انها تاكل منها

اليوم طبخت لبيتنا صينية الرز بكشنة الدجاج وخلطة القشطةوالجبن....

صينية اممممممممممممم لذيذة جدا جدا أحبها

اول ماسويتها لبيتنا من زمان البعض استنكرها قبل لايتذوقها قالوا كيف رز وقشطة وجبن
بس لما تذوقوها ادمنوا عليها وصاروا بين فترة وفترة يطلبونها.

المهم نجي للمقادير والطريقة

المقادير على حسب أفراد العائلة او مثل ماتحبون
رز
صدور دجاج
زيت
بصل جوانح او شرائح- فلفل شرائح-جزر مبشور-ثوم مبشور-قليل من البقدوس المفروم والكزبرة المفرومه.
بهارات منوعه-كركم- ملح.
الخلطه الي في وجه الصينيه:
قشطة-مايونيز-جبن سائل
جبن موزريلا. ولا موزاريللا>>>>>>>>>>>كل الطرق تؤدي الى روما

نسيت ماحطيته مع المقادير.

اول شيء نغسل الرز ونسلقه ونسويه رز أبيض مشخول طبعا باضافة الملح والزيت وطبعا الي فوق هذا نشاء طالع من الرز وبعد مايستوي نخليه على جنب.

وبعدها نجيب قدر ونسوي الكشنة هنا حطيت البصل وانتظرت لين يتغير لونه

بعدها حطيت الثوم المبشور والفلفل الرومي والجزر

قطعنا صدور الدجاج الى جوانح وقطع صغيره.

حطيت قطع الدجاج الى باقي الكشنة
ومثل ماقالت عزوفينا نخلي الكزبرة والبقدونس اخر شيء علشان مايذبل
انا هنا حطيتهم مع الدجاج لان الصدور بسرعة تستوي واضفت عليهم البهارات والكركم والملح.
وبعد ماستوت خليتها على جنب.

جهزت لي صينية ودهنتها بزيت اشوي وحطيت الرز المشخول وضغطت عليه علشان يتساوى في الصينية

حطيت الكشنة {الحشوة} فوق الرز وضغطتها بالصينية علشان تتساوى

خلطت مقادير الوجة القشطة والمايونيز والجبن السائل كلها بالخلاط

ولاني سويت خلطة ثانية خلطتها بالملعقة عادي كلها نفس الشيء سواء بالخلاط ولا بالملعقة نفس النتيجة>>>كل الطرق تؤدي الى بنقلادش.
لان المواد سائلة... والمادة السائلة تاخذ شكل الوعاء الذي تحتويه>>>جملة محفظينا اياها من حنا في ابتدائي>>> قلبتها حصة علوم.

حطيت الخلطة فوق الصينية واخر شيء جبن موزاريللا.
ودخلتها الفرن تستوي.

طلعت الصينية من الفرن وتحمرت زيادة بس ترى ماحترقت
هذا الموزاريللا تحمر شوي>>> ماحترقت

هذه صينيتنا مع صينية اختي سويتها لها فديتها وماكانت من نصيبها لان ماكفتهم الصينية الاولى.

وبعد العشاء الساعة 9صلحت لاختي ثانية وهذا هي وش حلوها تستاهل الغالية.

وهذا صحن من هالصينية الزينة
وكانت قائمة العشاء
- صينية رز بالقشطة والجبن.
- شوربة الشوفان.
-كيكة نصراوية.

وهذه الاطباق
اتمنى تعجبكم
وعلينا وعليكم بالعافية.

[Gamrat Gaza]

عليكم السلآم ورحمة الله وبركآته ..,
يسسرك الحآل يالغآليه أنتي .. وأحوآلي كلهآ نوم معكوس :(
من الغآليه أنآ صح قولي صح <-- طيري منآك يّ جمره ..
صينية الرز محبوبه من العآئله .. وأنآ معآهم أحبهآ ..
وتقريباً نفسي الطريقه بالخلطه بس كمية اقل أسوي وبدون مآيونيز <-- بسوي به وبقول ملوكه قالت حطي
أمآ الكشنه مآدلعهم فيهآ ههههههههههه .. ومآشآء الله عليك حآسبتهم معآك خوآتك عكسي أنآ ..متزوجآت خلآص.
بس عقبآل مآتقولين هذي صينية جمره





^

وش إلي فوق أزرق وأصفر .. ضليت أسأل نفسي مآعرفته هههههههههههههه ..
فديت النصر يّ أحنآ ويآلله جعل كحيلآن يطير عنآ ..
..
عسسسى يمينك مآتمسهآ النآر مملكة الأحسسآس .. رووعـه ..
ولآ تقآطعينآ من طبخآتك يّ حلوه

[مملكة الاحساس]

دوم يارب بصحة وعافية

لا لاتطيرين انت الي قلت لي تبغين طباااااااخ ولعيونك صورتها ولايهينون باقي خواتي الغاليات الي بالملتقى
ههههههههههه
لا انا احب ادلع اهلي اذا كنت رايقة
اما اذا زعلانه
الله يستر
وحتى المايونيز لاتكثيرين منه علشان طعمه قوي اشوي
واذا بغيتها قولي ...وانا اقول سمي.

والاصفر الي فوق هو هذا

http://img08.arabsh.com/uploads/image/2012/04/11/063f464d60f2.jpg

جمعت الون الاصفر والازرق>>>>>>حركات يالنصر

وعساك يارب دوم بصحة وعافية وردك اسعدني يالغالية

[Gamrat Gaza]

.
تسلمين يارب فديت عيونك وذوقك .. ههههههههههههه مزاجيه مثلي .. النصر المزاجيه معاهم بالكيف وبس
وسلمتي يااارب لو المسافه بيني وبينك مترين بتكي عندك .. وكلامك والله كأنهآ وصلت لي وذقتهآ ..



مآجآء ببآلي يطلع هذآآ
أنتي تحبين النصر اكثر مني .. أنآ صرآحه من زمآن زعلآنه من النصر بس للحين احبه <-- شفتي كيف بس :(

يلآ دآمك نصرآويه مشينآ بهذول ل إدارة النصر .. أنتي واحد وانا واحد .. يكفي شسمه واحنا شسمه منهم ..

[مملكة الاحساس]

جموووووووووووووووورة هذولا رايحين نحارب فيهم ولانكشخ فيهم
حلوه اشكالهم حسافه نبذح احد فيهم

[Gamrat Gaza]

^


إذآ مآتبين تقتلين أحد غطي ظهري واي احد يقرب مني صوبيه قدآمه تخويف
وانا بس افرغ الي في سلآحي بأخذ سلآحك ...... وأصوب
ويارب ماتصير مقآومآت من الرجآل


<-- تسمع بآلأحلآم المستحيله

نسينآ الطبخ ترآنآ هههههههههههههههههه بتجينآ دمع النصراويه اللحين

[شوووق]

اول ماسويتها لبيتنا من زمان البعض استنكرها قبل لايتذوقها قالوا كيف رز وقشطة وجبن
بس لما تذوقوها ادمنوا عليها وصاروا بين فترة وفترة يطلبونها.

حسيت إني أنا اللي كاتبة هالجملة ..

نفس الحال أهلي قالوا مثل أهلك ..

أنا أزيد عليك قطع خضار صغير مسلوقة أحطها مع الحشوة ..

تسلمين يالغلا ,,, ياطباخة يارايقة ..

[مملكة الاحساس]

هلا وغلا ياالغالية شوق

حسيت إني أنا اللي كاتبة هالجملة ..

نفس الحال أهلي قالوا مثل أهلك ..

اجل اهلي واهلك مسويين قطية بها الجملة ههههههههه... اي والله ياوخيتي كله علشان التعود
هم ماتعودوا على هالاشياء ياكلونها ويوم أكالوها حبوها.

أنا أزيد عليك قطع خضار صغير مسلوقة أحطها مع الحشوة ..

حلوة هالطريقة شوق المرة الجاية إن شاء الله اسوي مثل طريقتك.

تسلمين يالغلا ,,, ياطباخة يارايقة ..

ربي يسلمك يالغالية و والله ردك اسعدني.
ربي يسعدك دنيا وآخره.
آمين

[دمع!]

شكلهـآ يجوع موبس يشهي

انا شفت شوق رـآحت عبرت عن جوعهـآ بكلمه وـآحده تكفي امـآ أنـآ هههههه بكتب موضوع تعبير عن الجوع

مملكة الأحسـآس تسلم أيدك يـآ ىالغلآ

جموره هذي موحصة تدبيرمنزلي تسولفين من تحت الطـآوله وعلى المللأ:p

[مملكة الاحساس]

دموووووووووووووعه ودي انك أكلتي منها والله انتي وجمرة وشوق

جموره هذي موحصة تدبيرمنزلي تسولفين من تحت الطـآوله وعلى المللأ:p

دمع ياكثر ماكنا نسويها بالمدرسة هالحركة نسولف واذا تلفتت علينا المعلمة سكتنا ولاكنا مسويين اي شي لا ونطالع في جهه ثانية يعني يمكن مصدر الصوت من جهه ثانية.
مشكور دموعه على ردك الحلو وتسلم يدك يارب من كل شر.