الحقيبه اول اسبوع دراسي

[فشل]

يأخواتي المعلمات ارحمو من في الارض يرحمكم من في السماء حقيبة المدراسه وما ادرك مالحقيباء عدم وضع الجدول يسبب المتاعب========================== لاتبخلو علينا بالردود\\\\\\\\\\\\\\\\\ والله الموفق

[النشــ بنت ــامى]

الله يعينكم يارب

[الجزراوي]

الله يكون في عونكم

[الجبل الاصيل]

صارت الكتب اللي كل مادة كتابين كانها جبل عليهموالحصص 7او 8 والله حنا قبل 6مانتحمل نستوعب اكثر خلاص الطاقة خلصت والحين 7و8 وبيغونهم يصرون غصب طيب عباقره والسبب هالمناهج وياليتها صافيه الا ياكثر الايكثر الاغلاط فيها / ولا غير طلبات المعلمات الغير مقبوله وشروطهم اللي مالهم داعي في وحده من المعلمات من طلباتها اللي ماتخلص ملف وتخيلو الملف وشو هذا الملف لايصلح الا للمكاتب لسير المعاملات فسالتهم قلت ليش هذا الملف قالت ماتبغي تتعب تطلع الورقه من الملف اللي فيه اكياس اقول تراكم زودتوها يالمعلمات فيه اسر مايقدرون يوفرون طلبات العيال والبيت وانتوا بكل براده تطلبونهم باشياء مالها داعي اي ملف يغني اهم شيء الاوراق تكون في يد حاضرتك
/انتي تقدرين توفرين اللي يطلبونه اعيالك لان عندك راتب اقول ارحموا من في الارض يرحمكم من في السماء
/الصراخ اللي يجول الفصول لااتفه الاسباب اللي يقول بالعين مسجل على هالصباح ان انكر الاصوات لصوت الحمير
/وفيه بعض المعلمات تستهزا بالطالبات ولبسهم وطريقة تصفيف شعرهم وطبعا الطالبات بعضهن يقوم بتصفيف شعرهم بروحهم لمرض الام او فقدانها او لانها تحب تعتمد على نفسها او لان ها كبيره بالسن نوعا ما او كبيره وماتعرف تصفيف الشعر مثل هذا الوقت
على الاقل بذلوا جهدهم الله يعافيهم
لكن اغلب المعلمات (يوجد فئه قليله جدا منهن ام ومعامه حتى لااهضم الكل ))الشغالات ولايدرون عن بناتهم (مايري)تعالي مشطي شعر فلانه (مايري )تعالي سوي هذا صارت ((مايري))الام والزوجه والاخت والصديقه والله لو تسالين احد المعلمات وش كلت بنتك تقول مادري عشتها ((مايري )9هههههههههههههههه
//الضرب كفوا عنه والله انه فيه معلمات يضربون الطالبات ويمسكون شعرهم ويصفعونهم على الجدار وبعضهم ياخذون الكتاب ويضربون روسهم وبعضهم تلوح طباشير عليهم لو انه طبشور ولاقلم راح في عينها ووش تسوين تقولين تستاهل هي الكسلانه وهي وهي
/والله لو احد بناتي اسمع بس معلمة سوت ولاتاذت بنتي بسببها اقسم بالله ماعمرها تدرس طول عمرها ووسطاتها تخليها تنفعها
/وبعض الكلام موجه للمعلمين ايضا
/الكلام اللي فيه تشبيه بالحيوانات وهاذي منتشره بشكل واسع عند المعلمات ولا يقولون لهم ماتربيتوا ولامارباكم اهلكم يعني انتي ربيتي نفسك على ملعقه من ذهب وحذاء سندريلاء
كلنا اهل قريه وكلن يعرف خيه
//الرسم الطالبات اذا ارسمو شيء ومو مشابه للدرس او ماضبطوه تجي المعلمه بكل براده واخذي الورقه وامزعيها وذبيها في وجه الطالبه ليه مافيها احساس ومشاعر تحرجينها على شيء مالها صله فيه هذه قدرات من الله وموهبه مو هي تتحكم فيها لابد من التشجيع والكلام الطيب حتى ترتقي وتتعلم /يعني انتي انولدتي متعلمه طلعتي من بطن امك تعرفين القراءة والكتاب والرسم ولا حتى الانجليزي ماشاء الله عليك تعرفين
/والله فيه اشياء كثيره لكن لايسعني الوقت لكتابتها وطبعا بعض الكلام موجه للمعلمين القليل فقط ويمكن يجي دورهم بعدين وعن المدراء والمديرات ربي يحفظهم
بصراحه اختي كان موضوعك رائع بالنبة لي بدليل اني اسهبت الكتابة فيه ربي يجزاك خير والله يوفقك ويهدي طلاب العلم وطالباته والقائمين عليه انتبهوا لكلمة والقائمين عليه

[قمر الكون]

بسم الله الرحمن الرحيم
السلام عليكم ورحمة الله وبركاته اشكر كل من ساهم في هذا الموضوع واحب اضيف على ذاك عن الحقيبة المرسيه وماادراك مالحقيبة باختصار وزن الحقيبة يوم السبت والاحد يقارب عشرة كيلو بقية الايام اقلها سبعة كيلو وحسبي مسافة حملها هل هذا يعقل والله من بعض الطالبات ترميها عند باب الشارع حتى ترتاح ثم ترسل من ياتي بها وابنتي واحدة منهن وغير الطلب الذي تطلبه المعلمة منها من ملفات وكرسات وادوات الفنية كوم اخر لماذا لايستغنى عن ذالك والاقتصار على كتاب النشاط فقط اين التخفيف والخوف على الطالبة ولاهذا كلام يسمع ولاينفذ وخاصة في مجلس الامهات كل مديرة تقول انا اخاف على ظهرها من التقوس كيف تخافي ومعلماتك تتطلب مثال احضار كتب المادتين التي تدرسها في يوم واحد لاتردي وتقولي توفرت الحافلات والسيارات الخاصة طيب اذاكانت الفصول في الدور الثاني او الثالث ومن كان منزله كذالك ارحمو ولا تتظهرو بالرحمة والطيبة والله في عون العبد مادام العبد في عون اخيه وهناك ملاحظة اخيرة في وقت الخروج تحرص المديرة بمنع الطالبة من الخروج حتى ينادى لها كيف ينادى لهاكم طالبة يحصل لها الصراخ من ولي الامر امام المارة بسبب التاخر من كثرة الزحام عند بوابة المدرسة لماذا لا يوضع حل لهذا المشكلة وشكرا على الاطاله .

[سحابه صيف]

يعطيكم الف عافيه على طرح الموضوع

صارت الحقيبه اثقل من وزن الطالبه نفسها

بنتي في سادس والله كتفها انخلع من حمل الحقيبه

هل يعقل نشيل الحقايب عنهم

ارحمو عيالنا شوي

وبالنسبه لطلبات المدارس حنا جهزنا وجت بنتي جايبه لي ورقه طلبات كثيره لماده الفنيه ولازم تغيرون

الرسم طيب انا شريت لهم وين اغير بعد وغيرها من الطلبات

[فشل]

الله يعطيكم العافيه على اردود وان شاء الله يكون فيها النفع الجميع

[سحاب السبيعي]

موضوع جميل وابدعتوا بالردود وياليت حد يهتم ولا يسمع

حابه ازيد ع كلامكم شوي

بخصوص ان المعلمه تغيب في يوم اختبار لمادتها وتجيك ثاني يوم تقول يلا اختبروا ولا تخلي الاختبار مع ماده ثانيه ولا بعد اذا عارضوا البنات زادت الجزئيه للاختبار >>مافيه احساس يعني اعندنا شغل الا مادتك

ع فكره اذا انتي عندك خدامه بالبيت وبناتك مايلمسون شي ترا مو الكل مثل بناتك فيه بنات عندهم تنظيف وترتيب غير اخوانهم الصغار >>يعني حسي شوي

ولا بعد تجيك تتشرط جيبوا مادتي كل يوم واللي تنساها تنقص >>خير ان شاء الله تغيبين وحنا اللي ناكلها

واذا جاتك ومالها خلق تشرح حطت حرتها بالبنات >>تطالبين بالاحترام وانتي ماتحترمين ؟؟

ويسلمووو ع الموضوع

وان شاء الله ي رجعه بموضوع يخص البنات اللي مايحترمون معلماتهم

[عابر سبيل]

هذا اسمه تمرين وتركيد الطالبـ | ـه أخوي في رابع وانا اراجع معه قلت له ليش تودي هالدروس كلها رتب جدولك شيل عليك وخل الي ماهو عليك بكره

زبدة الكلام اني اطقطق عليه رتبنا دروسه ونفس الكلام الحمل ثقيل حتى الكلام مايوصل لأحد