شرايكم أقابله وإلا أطنش

[أبو طلال]

هذا واحد يكون ولد عم صاحب لي
صاحبي ونعم الرجل ، إنسان ماشاء الله عليه

عنده ولد عم عجيب ، ما أقدر أصنفه من أي الأشخاص هو

بيجي الإسبوع الجاي لولد عمه ، وولد عمه إتصل علي وقال لازم أقابله

بقول لكم عن أول لقاء بيني وبين ولد عمه الفلته الخطير


كنا جالسين عند صاحبي في بيته
طلبنا بيتزا وجاتنا البيتزا وأكلنا البيتزا
وصاحبي خلى بيتزا وسط على جنب وقال هذه حق ولد عمي اللي جالس عندي من إسبوع وهو في الدوام وعلى جية قريب
جاء ولد عمه وسلم علينا ودخل يغير ملابسه وقال له أن عشاه في المطبخ
جالسين في الصالة ونسمع هذا في المطبخ يقربع في الصحون
قال له صاحبي وش تسوي ؟
قال له أسخن البيتزا
مارد عليه بس قال كلام سمعناه ومافهمنا مقصوده
قال : الله يستر
إحنا مانعرف ولد عمه
بس قال الله يستر يعني هو عارف أنه فيه شي بيصير
قعدنا نسولف ونهذر ونضحك
إلا وجاء الأخ هذا ومعاه صينية عليها صحن وفيه البيتزا
جلس الرجال وصاحبي يطالع فيه ويقول نفس كلمته السابقة
الله يستر
احنا سكتنا وقعدنا نطالع
الرجال بدأ ياكل
مد يده وأخذ من البيتزا ورفعها عشان ياكل
فيه شي غريب الصراحة
البيتزا تنقط وشكلها مبلول ماي
قعدنا نطالع لصاحبنا اللي عرف أن إحنا نبي نعرف
سأل ولد عمه هاه سخنت البيتزا
قال إيه وهذا هي حارة
قال له كيف سخنتها ؟
قال له بسيطه ، جبت قدر وحطيت فيه ماي ولما سخن حطيت البيتزا فيه لين سخنت شلتها وحطيتها في صحن وهذا هي وش زينها

تخيلوا كم كانت صدمتنا وفترة سكوت غير طويلة لأننا قمنا نضحك لين دمعنا

هذا أول لقاء وتوالت اللقاءات التي تتسم بالتنسيم المنسم تنسيما عظيما


مرة رحنا نشرب قهوة فرنسية في محل داخل مجمع تجاري
طلبنا القهوة وأنا وصاحبي والأخ معانا أنا وصاحبي نشرب بدون سكر
والسكر بالعادة يكون على الطاولة بأكياس طولية داخل علبة مخصصة
سولفنا وشربنا قهوتنا وقمنا نبي نروح
مرينا على طاولة فيها شباب توهم يحطون سكر في قهوتهم
سألنا الأخ وقال وش اللي يحطون
قلنا سكر
قال ليه ماعندنا سكر زيهم
قلنا موجود على الطاولة
قال والله ورجع يركض للطاولة
وفيها شباب جلسوا
أخذ العلبة وفكها ولقى السكر
قام يفتح أكياس السكر ويكت في فمه
يبلع كيس ورى كيس والناس تناظر
شافهم يطالعون فيه
قال ترى دفعنا حق القهوة وشربناها بدون سكر وهذا حقنا تبوني أخليه لهم
ياللي مخليه والله وهاتك بلع وأنا وصاحبي تلطمنا وعالدرج ركض


أتصل علي صاحبي مرة وقال لي تعال نروح الشرطة
شفيه وش صاير
قال أتصلوا علي عشان ولد عمي مسوي شي
الأخ وش مسوي ؟
هو ساكن في مجمع غرف حق عزاب
كل غرفه لها حمامها
هههههههههههههههههههههههههه
إشتهى دجاج مشوي
وجهز الدجاج وبهره وملحه
شرى حطب وشبه داخل غرفته
والدخنة عجت بالعمارة هههههههههههههههه
بلغوا المطافي وجاوا
الرجال متلطم وقاعد يشوي داخل غرفته


وغيرها من السوالف لو تبون بقولها لكم بس الحين وش الراي أروح أقابله وإلا أطنش
لأني لو رحت بأبلش فيه وفي سوالفه اللي مدري شقايلة

[نبض الأمل]

هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
آآآآآآه يابطني والله بمممممموت ضحك ودموعي طلعععت

ههههههههههههههههههههههههههه
رآايي قـــابله منها توسع صدرك وتشوف الجديد والعجيب ومنها لزوم تسلم عليه دام انه يعرفك بس لاتنسى الشماغ عشان اذا صار شي بمكان عاام تلطم وانحاش وارقام الطوارئ

[فوق السحاب]

شكل هذا الشخص على نياته مرررررررررره
بس الغريب انه متوظف !!!
والسؤال اللي يطرح نفسه
ماطبيعه عمله وهل تتناسب مع قدراته ؟؟؟؟؟؟؟؟

والشئ الثاني اذا كان عندك وقت يابو طلال قابله
والاهم من ذلك انك ماتتريق عليه
احس حررررام لانه مسكين
قدراته العقليه على قدها
الله يكون بعونه ويعينه على هالناس

[مملكة الاحساس]

هههههههههههههههههههههههههههههههههه
هههههههههههههههههههههههه
قسم بالله تحفه هالرجال
والله احس انه طاش ماطاش
شيء خيااااااااااااااااال هالانسان
لا رووووووووووح واذا جيت علمنا باخباره
الله يعين
هههههههههههههههههههههههه
وربي يهديه

[أبو طلال]

ههههههههههههههههههههههههههههه

أنا أقول لكم وش وظيفته

هذا بواسطة ولد عمه دخلوه الحرس
والحرس عاد تعبوا معاه حيل
ومايبون يفصلونه عطوه وظيفه سهلة جدا
حطوه في المكتبة العامة داخل المعسكر
في المكتبة تعبوا معاه بعد
عطوه شغلة سهلة جدا جدا جدا
جاه ريسهم في المكتبة وقال له أنت لاتجمع الكتب ولا ترجعهم
خلك هنا عند الباب وعد العسكر اللي يدخلون عشان نعرف العدد
لاحظوا أن المكتبة داخل معسكر
نهاية اليوم جاب ورقة مافيها إلا 9 أشخاص
وطول اليوم كانت المكتبة مليانة وهذا جاب فقط 9 أشخاص
قال له حرام عليك كل هالناس اللي دخلو ماتجيب لي إلا 9 أشخاص
قال أنت قلت لي عد لي العسكر
ومافيه عسكر دخلوا إلا 9 الباقي مش عسكر
قال له يرحم أمك وأبوك إحنا داخل معسكر يعني كل الموجودين هنا عسكر
واللي دخلوا عسكر بس لابسين رياضة أو ثياب مدنية
قال أنت الغلطان كان قلت لي كم واحد يدخل ولا تحدد لي

قال شوف أي واحد يدخل من الباب هذا عده

هههههههههههههههههههه فيه يوم كان حق جرد للمكتبة ماحد يدخل من الناس
فالعمال يدخلون ويطلعون والأخ هاتك ياعد فيهم كل مرة يدخلون فيها
لو يطلع يكب الزبالة ويرجع عده خخخخخخخخخخخخخ

[مملكة الاحساس]

هههههههههههههههههه ههههههههههههههههههههههه ههههههههههههههههه
>>> الله لايبلانا والله مسكين

هههههههههههههههههه ههههههههههههههههههههه ههههههههههههههههههههه

[خواطر]

هههههههههههههه
مسكين الله يكون في عون الي يحتك فيهم
شكله علئ نياته واكيد راح يجيب المشاكل لنفسه
ولغيره من غير قصد
انا لو مكانك ما قابله علشان مايحطني في مواقف محرجه
بس والله يصلح لطاش ماطاش
مدري ليه طرئ علئ بالي فيلم اسماعيل يس في الجيش
هههههههههه

[فوق السحاب]

[سوالف قلب]

هههههههاههههها

[شموووخ]

مشكووووووور يابو طلال راح انفجر من الضحك

زي ماقالوا الاخوان شكله على نياته الله يعينه

والله زعلانه بس شفت موضوعك مسكت

بطني من الضحك