( إذا المراجـــــــل لبــــــسة شـــــماغ وعـــقـــــــــال ) قصـيده قـــمة الـرووعـه ...

[بالصبر تنال]

السلام عليكم عجبتني القصيدة وحبيت اخليكم تقرونها عطوني رايكم فيها ...

إذا المراجل لبسة شماغ وعقال

قــــل للعذارى يلبسنّ العمـــايم

ما عاد يفرق زول حرمه ورجال

دام الفعايل تشبه البعض دايــــم

المرجله ما هيب كلمه وتنـــــقال

وتروح ما راحت هبوب النسايم

وإلا خشونة صوت أو رفع الأثقال

أو رزة صدور وفعل الــــزلايـــــم

ولا هي بعد مفتاح موتر وجــــوال

وإلا ردى لسانن حديثـــه شتايــــــم

المرجله شيمه عن القيل والقـــــال

رفيع نفس (ن) حر بالجــــو حايـــم

المرجله عقلٍ وزن وزنــــه جبــــال

ودون العقل وش فرقنا والبهـــــايم

يا مسندي لو مايل الوقت بــــي مال

يا ولد أبويـــه يا عظيــــم العـــــزايم

يا معرب الجــدين من العــــم والخال

يا نخوة المفـــــزوع وقت الهزايـــــم

المرجله يا خــــوي هــــي طولة البال

هـــي العــــزم هي الصبر فالظــــلايم

فيها الكــــرم عـــــزه دله وفنــــجال

فيها الكــــرامه عن ردى الطبع شايم

والــــدين لامنه خــــذا القلــــب منزال

مشى طــــريق الحـــق وابليس نايــــم

ومن لا عـــــــرف ربه في طيب الحال

لابـــــد وقــــــت الضيق بالهم هايـــــم

حتى صـــــلاتك مع جمــــاعات ورجال

في خيــــــرها يا خوي نعم الغنــــــايم

ولامن نصف ليلك قــــم صفي البــــــال

يا عظـــــم أجرك بين ســـــــاجد وقايم

ولا من رفـــــع ربي له كل الأعمـــــــال

حسن الـــــذكر لا قــــــالو فلان صـــــايم

وخلك شــــريف القصد يا طــــــيب الفال

ســـــوء المقاصد فالبيــــــوت الهدايـــــم

واحذر تبيــــــع النفس في درب الأنــــــــذال

وتتبـــــع خـــــوي إبليس راع النمـــــــــايم

النفــــــس خيـــل لك إذا كنت خيّـــــــــــــال

ومـــــن لا قــــــــوى نفسه قوته الهزايــــــم

ولا صـــــــرت ما تـــــدري لو يش أنت رجال

والله خســـــــــارة فيك ذبــــــــــــــح التمايـــــم


تحــــــياااااتي لـــــكم

[عَذْبَھْہّ]

المرجــله في هالزمن مع احترآمي للرجل الحق
بس كلام ينقــآل وتلاقيه بالفعــول ماهوب رجــآل
يدور ورآ القيل والقآل ويمشي في دروب الأنـذآل
ماله في الصدق والوفاوالوقفات والشيم والطيب منزال
عسى ربي يصلحهم ويحسن حالهم ويطيب فيهم الفال


تحيتي وتقديري لكِ
تسلمي يابعدي

[الحق عندي]

تسلم يمناك و صح الله السان شعارها قصيدة في قمة الروعة الله يعطيك العافية ع النقل

[مهـرٍة العيوٍن]

يعطيك العافيه ابيآت رآقت لي

ورووووعه تسلم يمنآك لآهنتـي .