|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | انواع عرض الموضوع |
08-30-2012, 02:20 AM
|
#1 | |||||||
 
|
وشرايكم افتح لها الشنطة ولا اطنش
مع هالعطل الجميلة تكثر الزواجات في ربوع بلادي ( عاد في ربوع بلادي الحبيبة الدعوة عامة بدون بطاقات ) وهذا من كرم اهل ديرتي فديتهن  واحيانا من اضرار هالدعوة العامة تغص الصالة بالحريمات لدرجة من شدة الغصة احيانا تطلع لك فارة وارمه منتفخة خايفة من هول ماترى من الحريمات  عاد وياسلام في هالموقف يجيك بلحظة وحده توسنامي اندونيسي... ولا زلزال ايراني.... واحيانا يجيك موج مثل موج البحر من الخووووف تحسووووون انكم محذفين من كل جهه كل وحده تبغي تنجي بنفسها هذا والي مارة فارة مو اسد  يابنات الحلال كود انها هالفارة طربت وجاية تحضر معكن العرس مافيها شيء ؟؟؟ تبغي تصير مثل هذه  خخخخخخخخخخخخخ المهم ومن عواقب هالدعوة العامة وانتوا ماشيين بصالة الزواج تلاقون على المسيرة كم بنت يلعبن فيها ورايحات جايات ومخلطات هالبنات الصغيرات كوكتيل وخصوصا لجات العروس تطلع للناس علشان هالبنات الحلوات يلحقن على الفلوس الي يرمونها على العروس وعاد تقوم خوات المعرسة وصديقاتها يزئرنا على هالبنات طيب اجل ليه انتن ترمين الفلوسات على العروسة اجل ماينلامون والله هالصغيرات عاد ومن ضمن هالبنيات وحده امها تناديها وتقولها:م ع ص وم ة  تعالي ابغيش تجي البنت هاه يمه: وش تمبين ؟؟؟ عاد تقولها امها: لاتبعدين علشان نلحق على العشاء. علشان مانتأخرعلى بيبيتنا؟؟؟ يازينها ديرتي ديرة أمان وكرم فديتها ................................ ولا والي يدهشك في الزواج لما اهل العروسة والمعرس يطلبن من راعية الدي جي انها تغني على عوايلهم عاد لو طقاقة ممكن بس دي جي من وين يعرف عوايلهن ويبتدي الشريط والمغنية الي فيه تقول وافتخر لاقالوا ربعي: قحطاني سبيعي عسيري...........الخ هالاسماء عندنا ممكن الواحد يمشي حاله فيها بس تنبهر وتندهش لصاروا لقالوا وافتخر لقالوا ربعي العباس عبااااااس عندنا حنا كذا وعاد تشوف راعية الدي جي تغطي بصوتها على صوت المغنية وتقول: وافتخر لقالوا ربعي ال فلان خخخخخخخخخخ .............................. المهم خن اقولكم على سالفتي في بعض الزوجات المعزومات فيها الي ماتقرب لنا اغلبنا نروحها مو كاشفات احيانا أخذ معي شنطة لزوم الكشخات وهالشنطة لونها رسمي  ويكون فيها الأتي: مناديل  و مسك أبيض اوعطر خفيف  طبعا اذا الي مودينا محرمنا واخير كريم معطر للايدي  لزوم بعد العشاء  هع هع  طبعا صور هالاغراض مو نفسها الي بشنطتي خخخخخخخخخ ........................... عاد لو ابروح مع اختي راح امبسط لاني ابلقى لي وحده ابسولف معها وعاد اختي مو مثلي هي تجيب معها محفظة اصغنونه وعاد اذا مالي خاطر بالعشاء عادي حاضرات للطيبات الي تبي ابعطيها من هالغريضات الي عندي وهالاغراض موجودات في الشنطة.... والشنطة .....فوق الطاولة .... يعني مو مضايقين هنا حسيت ودي ارجع لايام الطفولة واقول: والمفتاح عند العروس ......والعروس تبي فلوس هع هع هع المهم لو انا خاطري اتعشى ومعي هالشنطه المنفوخة بس لزووم الكشخة ليس إلا  اروح مع اختي صالة العشاء واجلس على ذاك الصحن الزين وجمبي هالشنطة المزيونه عاد انا قايله لها يعني حق شنطتي الجميلة خلك عاقلة ولاتروحين مع احد زين قالت زين  المويهم تخيلوا اجلس مع اختي على العشاء وبعدها تجي وحده كبيرة في السن واحيانا مايصادف ان عندها شيء من المشروبات فاذا انا مافتحت الي عندي اعطيها اياه ماي سفن اب بيبسي يعني مسوية حالي فدائية خخخخخخ المهم احيانا الي عندي ابعطيها اياه اذا مافتحته طبعا ( انا جالسه اقولكم هالحظات لان هالحركة صادفتني كذا مرة)  المهم اشوي واشوف اعيونها على الشنطة وتاكل من العشاء واعيونها على الشنطة وتاكل واعيونها عليها وبعد فترة علي وبعد فترة على الشنطة  نظراتها تقول لي اي يحق لك تتنازلين عن مشروبك دامك تارسة ومعبية هالشنطة من مالذا وطاب من المشروبات  عاد تدرون خاطري اقولها والله مافيها شيء من الي في عقلك  وهي تطالع وانا اقول لاختي اختي تقول طنشي ما اعرف اطنش؟؟؟؟ المهم خاطري بهالوقت اقولها والله مافيها شيء من الي في عقلك مادري تبيني افتح لك الشنطة وابعثر الي فيها علشان ترتاحين  المهم هاليومين رحت مع حبيبتي امي معزومات على زواج ناس معرفة واختي ماراحت معي  المهم في اثناء العشاء صادف اني جلست بالحالي على صحن وامي اجلست مع حريم تعرفهن المهم هالسفرة الي انا فيها كان فيها كم حبة ماي و2 بيبسي و2 سفن اب المهم اشوف اعيون ترمقني وتطالع ووحده تأشر على الثانية اتقول مخططات على سرقت بنك ولاشيء ؟؟؟؟؟؟؟؟ ياعيال الحلال ماني بحاطتهم بالشنطة خخخخخخخخخ  تراني تايبه من هالمهنة وشفيكم انتوا بعد يالي تقروووووون بقيتووووووووا اعيونكم لالالالالالا لاتفهموني غلط اقصد هونت من مهنة شرب البيبسي خخخخخخخخخخ المهم اكمل لكم السالفة مادري هم يطالعون الصحن ومتحسفين علي هالكتف الي فيه عاد مادروا عني اني ما اعرف من أين تؤكل الكتف .  ولا هم اعيونهم على الشنطة .....ولا اعيونهم على المشروبات عاد قامت وحده واخذت بيبسي ولا انتبهت للثاني عاد قلت لها ترى فيه واحد ثاني اذا تبينه اخذيه وبعدها جات ابنتين او ابنتان وجلسن معي يازينهن بس هاديات لاطالعوا لافي الشنطة ولاغيره و قمت من الصحن وبعد ماغسلت ايدي رجعت طاولتي وفتحت شنطتي الجميلة ودهنت ايدي وعطرتها وبس خلاص  انتهت مهمة شنطتي الجميلة هع هع هع بس كان خاطري اقول للمرة ان مافي شنطتي شيء واني ما اجمع قواطي بيبسي  تدرون ان مو بس حنا الي عندنا هالسالفه ترى شكلها في كل مكان مرة اهلي كانوا مسافرين للشمال علشان يحضرون زواج ولد ناس معرفه تقول اختي وامي ان ام المعرس واخواته جالسات عند باب صالة العشاء بكرتون بيبسي اي وحده تطلع يعطونها علبة بيبسي وحده علشان يضمنون عدم تجميع العلب في شنطة واحدة وعلشان يضمنون ان الكل اخذ علبه وحده هع هع هع هاه عاد انتوا قولوا لي افتح لها الشنطة وابعثر الي فيها ولا أطنشها على قولت اختي  خخخخخخخخخخخخخخخخخ دمتم في حفظ الله ...................... |
|||||||
|
|
|
08-30-2012, 06:29 AM
|
#2 | ||||
|
مرة اهلي كانوا مسافرين للشمال علشان يحضرون زواج ولد ناس معرفه
تقول اختي وامي ان ام المعرس واخواته جالسات عند باب صالة العشاء بكرتون بيبسي اي وحده تطلع يعطونها علبة بيبسي وحده علشان يضمنون عدم تجميع العلب في شنطة واحدة وعلشان يضمنون ان الكل اخذ علبه وحده احلى شى ء في طرحك خخخخخخخ علشان شكر ا لك افتح لها الشنطة ويمكن عندك ببسي لا تطنشها على قولت اختي  |
||||
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| أذكار المسلم - جمع ملايين الحسنات يومياً مجاناً | درع الجزيرة | ~ نـــفــحــــَآتٌ إِيــم ــَــآنــيــة | 4 | 09-09-2012 04:54 PM |
| !!!بنت تــــغ ـازل~~ شــــيخ!!! مـــع ـقول!!!؟ | بالصبر تنال | أحآسيس جميلة وهمسـآت دآفئه | 0 | 09-06-2012 03:24 PM |
| أدعية وأذكار متنوعة | فارس الميدان | ~ نـــفــحــــَآتٌ إِيــم ــَــآنــيــة | 4 | 11-27-2008 01:20 PM |
| افحـص إسـلامك مجّانا | عابر سبيل | الـمــلـــتـــقــى الـــعـــام | 8 | 02-15-2006 10:11 AM |
| فتاة الدرجة الاولى والشاعر عبدالرحمن العشماوي | abusalman | الـمــلـــتـــقــى الـــعـــام | 3 | 03-03-2005 01:22 AM |
.png)
العرض العادي
