أبشكي على نفسي

[الفضلي]

أباكتب دموعي حروف وابـكي على دنـيــاي = وابـشـكي على نفسي على ماجـرى لـيّـه



عـجـيـبـة بـقايـا النـفــس تـبـكي عـلى بـلـواي = وتصرخ ترى غصبٍ عن الدرب ملويّه



أنا شاعر(ن) عاش الـمشاعر بـصوت الـناي = يــشـوف الصبـايا كـلهن زول حــوريّـه



ليا شفت زول(ن) صرت هايم واحث خطاي = غـدت حــالتي يانـاس بالحـيــل مزريّـه



أقــول الغـزل والـوجـد من عــلّة(ن) بحشاي = لهـيـب(ن) تـوقّد منّــه النـفــس مـبـلـيّــه



عصيت الولي والمعصيه هي سبب شـقـواي = وحـالي بــراها الوجـد بالحـيـل مـبـريّــه



قنيبي يـجاوب تــالي اللـيــل صـوت عــواي = هــمـومي دعت كبدي على النار مشويّه



ومـالي ســوى ربي يــحقــق أمـل رجــواي = أبـي تـوبــة(ن) لله وابـاخـلص بـها النيّه

[اسماء الشدي]

جميل أن يشتكي الأنسان على نفسه00 منتهى الصدق والتصالح مع الذات!
لكن ما هذا الذنب العظيم الذي أقر به الشاعر؟؟؟!!!
الجواب 00 واضح في القصيدة00 وياله من ذنب !!
يأخذك إلى ساحات 00إلا بتسام عندما تعرف سبب
شكواه وبلووووووووووووووووووووووووووواه0
قصيدة 00تستحق الإعجاب 00 والتوقف أمامها
صح لسانك 00 على شعرك وبيانك0

[عبدالرحمن الغريب]

الفضلي

وأنا أقول بعـد صح الله لسانك وعافاك
على هذا الشعور والنظـم

سلامي لك

=

[الفضلي]

شاعرتنا المتألقة أسماء الشدي


لقد أثلج صدري مرورك العطر


إنه لمن دواعي فخري واعتزازي أن تعلقي على قصيدتي شاكراً ومثمناً لكي ذلك

وفقك الله في الدنيا والآخرة

[الفضلي]

أبو أديب هلابك ملايين

صح بدنك يالغالي والله يطول في عمرك أديبنا المخضرم


لك مني أجمل تحية

[mura7ia]

قصيدة جميلة وعظيمة في معناها وهدفها

[عَبقْ]

*

قَصيدَة رآئِعَة في معآنيهآ
أعجبتني آلقآفِيَة جداً
صَح لسآنك ودآم نَبْض فِكرك وقلَمِك ~

[الفضلي]

mura7ia

صح بدنك ومرورك اجمل

[الفضلي]

هلابك ملايين


صح بدنك وكلك

لمرورك نكهة خاصة

لكي ودي