شاورما عربي ( 1 )

[@ سحابة غلا @]

السلام عليكم

بداية قبل مالكتب المقادير

الخبز المستخدم الافضل خبز الشاورما ( التورتيلا ) واذا ماحصل استخدمي الخبز العادي
انا هالمرة استخدمت خبز تورتيلا نوع جديد اول مرة استخدمه وحلوه الخبزة ضعييييفة وحجمها صغير كبر الكف
وين يبيعونه مدري بس فرعه بالدمام والحسا جاري البحث عنه واذا عرفت مكانه برجع للموضوع واخبركم ماني ناسيتكم
ماخذته من وحده للتجربة وعجبني اكثر من خبز التورتيلا الكبير

مقادير تتبيلة الدجاج :
1- بصل حلقات + فليفلة باردة مقطعة اعواد
بطاطس مكعبات مقلي + باذنجان مكعبات مقلي
خس مقطع شرائح طولية

2- صدور دجاج مقطع قطع صغيرة
بهارات + ثوم طازج او مطحون + ملح + ماجي
علبة زبادي ( لمغلف صدور دجاج )
عصير ليمونة

طريقتها :
1- تخلطين المجموعة (2) وتتركينها مغطاة لساعتين وتقدرين تتركينها بالثلاجه لليوم الثاني او تفرزنينها ليوم اخر بس بالاول اتركيها ساعة تتبل بعدين فرزنيها

2- تاخذين قدر وتضعين فيه زيت وتحمرين فيه البصل والفليفلة على نار هادية لمن يذبل بعدها تعلين النار لمن يتحمر البصل
3- تضعين الدجاج المتبل على البصل والنار وسط لمن تنشف مويتها ويبقى شوي منها وتطفينها وتخلطين معها البطاطس والباذنجان
4- تدهنين الخبزة بجين سايل بعدين تحطين فوقها الدجاج وشوية خس وتلفينها
5- تضعينها بصحن وتزينينها ببقدونس او سماق بس انا كنت طالعه وباخذها معي فلفيتها بورق عشان تحتفظ بليونتها


وبالعافيه عليكم






باقي الثومية ماسويتها مع الشاورما هذي
لاسويتها مع الشاورما العربي النوع الثاني بصورها لكم

قالوا علآمك .. ! معجب بهذا

[عَبقْ]

*

الله الله
شو هآلرَّوقآن وآلشّغل آلتَّرتيب
تسلَم الأيآدي يآعَسَل
وفي انتِظآر آلنّوع الثآنِي وآلثُّومِيَّة

[@ سحابة غلا @]

[طيبة الذكر]

تسلمين عالوصفة الشهيه
والله يعطيك العافيه

[شوووق]

تسلمين يالغلا على ألذ أكلة أحبها بعد الورق العنب والسلطات والكبسات ..

[دمع!]

شكلهـآ لذييييييذ

تسلم أيدك الغـآليه عاشغل فوق الفوق ممتـآز

قسم حسيت بالجووع:(

[@ سحابة غلا @]

ربي يعافيكم ويسلمكم

عساك سويتها يادمع بعد ماجوعتك