لقيمات ومثلثات الباف باستري(مسابقة دموعه أطباقي تناديكم الأسبوع الرابع)

**مملكة الاحساس** · 08-07-2013, 08:04 PM

بسم الله الرحمن الرحيم
السلام عليكم ورحمة الله وبركاته

لما شفت موضوع دموعه قلت باف باستري يعني فرن غالبا
والفرن دمرته المدمرة الي عندنا راحت تغير هوز الفرن واسطوانة الغاز من كيفها
لين انبطت كبد فرنا و فقع علينا
وربي نجانا الحمدلله
لا وتقول الفرن صار يقول بق بق بق انقلب دجاجه فرنا
ويارب تروح بسرعه لاني مو متحملتها كلش كلش

وقلت يعني لازم افكر بطريقه غير الفرن علشان الباف

سويت امس لقيمات الباف باستري بالكيري والمارس
بس مارضيت عن حالي الطعم لذيذ بس الصور موكويسه
ويوم جيت انزل الصورة الشبكه ماساعدتني

اليكم المقادير والطريقه

عجينة باف باستري,مارس,جبن كيري,حليب مركز محلى, زيت للقلي, وللزينه والتقديم:كاكاو سائل وشرائح لوز وسمسم .

.

نخلي العجينة بدرجة حرارة الغرفة لين تسيح ع بعضها ونستخدمها كاي عجينة عادية

نقطع جبن كيري والمارس

نحشي العجينه بقطع الجبن والمارس ونكورها ونقليها وهنا احتضر الجوال ولا صورة مرحلة القلي

وهنا قدمته مع القهوة

وهنا بعد

بس خلاص

لكن اليوم بعد سويته مرة ثانية واضفت حبات جلكسي مع الجبن والمارس طبعا كل كورة لها نوع واحد من الحشوة بس

ولحقت اليوم اصور القيمات وهو مقلي

وتستمر الاختراعات معي .............هع هع هع >>>>>>>>>> عدال يانيوتن

وقلت ليه ما اجرب الشواية حق التوست للباف باستري وقسم طلع الطعم

اليكم الطريقة

فتحت حبة الباف باستري وحطيت فيها قطعة جلكسي

وسويتها مثلثه وقفلتها وحطيتها بالشواية لين تحمصت
انتظرت حول الخمس دقايق ماستعجلت عليها وخليتها لين استوت
والنتيجة

قسم لذيذه جدا عاد انتوا تخيلوا كيف قطعة الجلكسي وهي ذايبة فيها أممممممممممم

وهنا حطيت عليها الكاكاو السائل والحليب المركز وشرائح الوز والسمسم وقدمتها مع القيمات

وهنا بعد شوفوها والله طعم القيمات مايفرق عن العجينه العادية بعد احس لذيذه
وباف الشواية والله روعه كان يشبه طعم الفطير المشلتت حق المصاريه
دموعه عاد ادري تاخرت بالموضوع بس مو مني من الشبكة
طفشتني

واتمنى يعجبكم يارب
وكل عام وانتوا بخير و يارب يتقبل منا ربي جميعاً الصيام والقيام وصالح الأعمال آمين

قالوا علآمك .. ! ,°•ج ــمرة غ ـضى ـآ•° معجبون بهذا

**ابن مرقاع** · 08-07-2013, 10:27 PM

الله يعطيك العافيه

**Gamrat Gaza** · 08-08-2013, 01:29 AM

عليكم السلام ورحمة الله وبركاته

هالموضوع خلاك مخترعه ومبتكره , واحب الي تخترع وتبدع من افكارها
شوفي عاد انا وحده جحدت بكل الشغل , بسبب انك قلتي ان طعمه يشبهه المشلتت

على القوة وفالك الفوز يالغالية ملوك

**عَبقْ** · 08-09-2013, 06:47 AM

*

اللّـــــآآهـ
آبي
حسّيت بطعمه بفَمِي هههههههه
ومَع القهوَة يآسلآآآم
تِسلم الأيآدي مَلّوكَة
وعليكُم بألف عآفيَة
فآلك الفوز ~

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بف بآستري بالسميد ( مسابقة الأسبوع الرابع مقاديري تناديكم )	نبض الأمل	مآلذ وطآب :Cooking	6	03-19-2014 02:53 PM
سلطة الدجاج والخضار(مسابقة دموعه أطباقي تناديكم الأسبوع الثالث)	مملكة الاحساس	مآلذ وطآب :Cooking	8	08-06-2013 02:43 AM
المكرونة المحشية(مسابقة دمووعه أطباقي تناديكم الأسبوع الثاني)	مملكة الاحساس	مآلذ وطآب :Cooking	17	08-05-2013 11:51 PM
توست الشواية( الأسبوع الأول من مسابقة أطباقي تناديكم)	مملكة الاحساس	مآلذ وطآب :Cooking	16	07-26-2013 02:16 AM

الإهداءات
إضافة إهداء