مشاعر وطنّا

[الفضلي]

الشعر مايحوي مشاعر وطنـا = حبّـه مـلا جمـلة نــواحي كيـاني

دار الحرم ياعشقها اللي سكنّا = ساكن صميم القلب بين المـحاني

بالـذود عـنّـه كنـّنـا شبـه جـنّـا = واللي نـوى بالشـر يـانـاس فـاني

تـعـوذ مـرّاد الشيـاطيـن مـنّــا = مـن خـوفها للناس صارت تباني

مشـروبـنـا للكيـف هيـلٍ وبـنّا = تـرحيـبنـا بـاللي لـفا الـدار عـاني

نقريه بكبوشٍ مع الحيل حنّا= مــربّــيــاتٍ مـن حــلال الـسّــمـاني

يالله تبعد صاحب الشر عنّا = تـجـعـل مـماتــه يـا إلــهي هـــواني

قالوا علآمك .. ! معجب بهذا

[عَبقْ]

*

آللهم آمين
الله يحفَظ بلآدنآ من شَر كلّ ذِي شَرّ
صَحّ لسانِك واعتَلآ يآشآعرنآ الفَضلِي

[الفضلي]

حياك الله يا أختي العزيزة

نعم اللهم احفظ بلادنا من كل سوء واجعل رايتها خفأقة على مدى الأزمان

تحيتي العطرة لشخصكم الكريم

[Gamrat Gaza]

آمين
وصح الله لسانك يالفضلي , وعلى شانك
لاهنت على القصيده

[الفضلي]

جمرة




صح الله بدنك ونورتي


اللهم آمين يارب العالمين


لكي مني أجمل تحية

[عَذْبَھْہّ]

آمين ربي يحفظ بلادنـآ وولاة أمرنـآ وشعبنا وأمننآ وأماننـآ ,,
شعور ومشـآعر بلسان شـآعر
انتمـآء وولاء وحب ووفـآء
بجمال ابياتك صح لسانك وشانك اعتلا ’’

[الفضلي]

عذبة


أشكر لكي عذوبة كلماتك


صح بدنك وكلك

لكي مني أعذب التحايا