النفسية

[الفضلي]

النفسية
أشـوف كـل الـنـاس بالنـفـسـيـّـة = أمـراض بالحـاضر غـدت مبليّه


رغم التّرَفْ والخيـر والله زايـد = خيــراتـهم مـن زودهــا مـرْمـيّــه


تـشـوف واحدهم بيومه صاحي = واليـوم الآ خــر حــالتـه مـرثـيــّه


وعيـالـهـم شــاشـات بالسـيّــاره = وبـلاستـيـشـن فـــور مـيّـه مــيّــه


وجـوّال راقي والبــرامـج فــلّـه = عـن كـل فيــروسٍ يـجي مـحــميّـه


واحنا بماضينا بحوض الدتـسن = دتـسن قـديــمه يـالـرّبـع مـهـريّــه


ويّا الغـنــم نركب وثوب مشقق = والحـاله قــشـرا وصـفـها مـعميّـه


نُضرب ونبكي بس عقبه ننسى = نـضـحـك سـوا ووجيــهـنا مدميّـه


ماقد عـرفنا الـهـم ويّا الضيـقـه = كـل المـشــاكل عنــدنا مــنـْسـيّــه
شعر / عبداللطيف سعد سعد العلي الفضلي
حررت في يوم الثلاثاء الموافق 3/5/1435هـ

بالصبر تنال ,قالوا علآمك .. ! معجبون بهذا

[عَبقْ]

*

الأمرآض النّفسيَة وموتْ القلُوب مآهي إلّا نتيجَة البُعد عن الله وضعف الوآزِعُ الدّيني
صَح لسآنِك وسَلِمَ بنآنِك شآعرنآ القَدٍيْر .

[عَذْبَھْہّ]

نفسية الانسان تتقلب حسب أوضاعه وظروفه
وليست مرضا قابعاً في الجَميع
عدم الرضا والقناعه او نتيجَة الدلال
..
ماما تقول لنا: _ ربي يحفظها _
لما نزعل او نبكي او نكرره كل شي
بس لانوه مافيه او ماتحقق اللي ودنا فيه
تقول هذا اول ماعندنا اللي عندكم وراضيين مانجَزع ولاشي
واما النفسيه التي تُصنف مرض عضال اذا صاب الانسان بالاكتئاب بسبب فشل وغيره
وقد يكون اسباب أخرى الله اعلم بها
يشافي من ربي ابتلاهم بالمرض
وفيه ناس نفسيه مزآجيه بس !!
الله يعافينا ويعافيهم
ربي يرزقنا الرضا والقناعه والسعاده

صح لسانك ولاهان شانك

[بالصبر تنال]

آآآآآآآآآآآآآآآآميـــــــــــــن
واحنا بماضينا بحوض الدتـسن = دتـسن قـديــمه يـالـرّبـع مـهـريّــه


ويّا الغـنــم نركب وثوب مشقق = والحـاله قــشـرا وصـفـها مـعميّـه


نُضرب ونبكي بس عقبه ننسى = نـضـحـك سـوا ووجيــهـنا مدميّـه


ماقد عـرفنا الـهـم ويّا الضيـقـه = كـل المـشــاكل عنــدنا مــنـْسـيّــه

الحين محد عااجبه شي الله يعين
صح لساااااانك وعلآآ شاانك
قصيدهـ مميزه ورائعه عساك ع القوهـ شاعرنآآ
والله يشافي كل مريض ويصلح الحاآآال

[الفضلي]

قالوا علامك صح بدنك وعساك على القوة