تواصيف حايل

[الفضلي]

العشق مايكفيه بالشعر بيتين = لـ صــــار يــــكتـــــب في تــــواصيـــف حايــل


يصير شعري مثل ورد البساتين = في وصـــــف ديــــرة طــي دار الجـــمايـــل


الزيـن ما يحتـــاج بالشـــعــر تـزييــن = ودي لـــدار الطيــب دايـــم أخـــايـــل


أجا وسلمى شوفهم يكحل العـيـن = ســـكانـــها طـــالوا على كـــل طايل


مـعشـوقــةٍ من بـد كـل البــلاديـن = صــعـــيـــبةٍ قـــشْــرا عــلى كـــل عايــل


يازين اهــلـــــها بالمـــكـــارم عليّـــيــــن = عــــقالـــهــــم ســـمّ المــــعـــاديــن مــــايــل


الضيف يتعب من مقولة كريمين = خطلان الايدي في عطاهم جزايل


ريفٍ مع الطيّب كــعــام المعاديــن = وقــــفـــاتـــــهــم يـــــوم المــــلاقـــا جـــلايل


حايل بقلبي كان بالحب تدرين = ولا بـــديــــلك يــاغــنـــاتي بــــــدايــــــل
شعر / عبداللطيف سعد أحمد العلي الفضلي
حررت في يوم الخميس الموافق 24/6/1435هـ

[عَبقْ]

*

صَح لسآنك
وعلآ شآنِك
شآعر مُميّز بحرفِك وتنوّع موآضِيعك
كُل الشّكر والتّقدير لسمو شخصِك
لآخلآ ولآعدَم .

[الفضلي]

قالوا علامك


صح بدنك ومرورك التميز والابداع


أسعدني مرورك


لكي ودي وتقديري

[الماجدة بنت حسن]

صح الله اللسانك شاعرنا
ودمت بكل ود

[الفضلي]

صح الله بدنك يالماجدة


دمتي بخير ياملكة الحرف

[hams shoooooq]

طرح راقي ورائع

ماننحرم من جديدك المميز

امنياتي لك بدوام التألق والابداع

دمـت بحفظ الله ورعايته.,

[الفضلي]

صح بدنك

اسعدني مرورك