قصيدة : أمس العصر

[سعود العواد]

- أمس العصر -

أمس العصر رفعت عيوني وهليت

دمعٍ على الخدين من ماجرالي

في حبكم يا زين ياما تعنيت
ياما سهرت الليل مشغول بالي

ياما طلبت الله و ياما تمنيت
يجمع بشملي مع حسين الدلالي

يا مورد الخدين لو ما تغليت
غلاك باقصى ضامري مايزالي

ياكاملٍ بالزين فيكم تشقويت
و أنا اشهد ان الحب خطىٍ و بالي

نذر عليّ عشرٍ من الخيل لاجيت
كرامةٍ لك ياعريب الخوالي

و لا أطعام ستين لجلك تفاديت
ألفين من الاسرى و أبطال الرجالي

اصبحت في حبك لا حي و لا ميت
اعوي سوات الذيب وسط الجبالي

و ان كان طوّلت الهجر ماتشاليت
من هجركم يا زين قرب زوالي

وش تستفيد لا قالوا الناس توفيت
و أنت السبايب يا شبيه الغزالي

لولا الشرف و الناس لاجيك في البيت
ثمٍ أداوي علتي بأعتدالي

بس الصبر طيّب يا مشعل الزيت
الله يهنيك يا عزيزٍ و غالي

من المحبه يا حبيبي تنحيت
ماعاد أجي درب الهوى لو صفالي

الشاعر / سعود أحمد عواد العواد " بوممدوح "